عنوان الموضوع : ابيك وارفض الواقع(رواية سعودية) رواية رائعة
مقدم من طرف منتديات الضمير العربي
مشاعرنا المرهفة,,هي الوحيدة القادرة على ضبط ايقاعتنا في الحب ,,وهي الوحيدة القادرة على ان تسير بنا لخط النهاية والاحساس بكل ماهو جميل ودافىء.......
.احبتي اينما كنتم وتواجدتم ومتى ماقراتم انه ليسعدني التواجد معكم من جديد مع شخصيات جديدة لتعيشوا معها احداث حياتها اليومية وتفرحون لفرحها وتبكون لاالمها وحزنها ونتشارك من جديد كل التعليقات المفرحة والمبكية....
احبتي ها انا من جديد اكتب لكم ومن اجلكم انتم....اختكم ملح الحياة..............
(ابيك وارفض الواقع)
(عائلة بو محمد مكونة من ام محمد ,محمد,هنادي,هيفاء,مشاري,هبة ,هند)
عائلة بو خالد مكونة من (ام خالد,خالد,عمر,احمد,مها,مرام,جود)
وسيتم التعريف بالشخصيات حسب ظهور كل شخصية ..وهناك شخصيات ستضهر لاحقا وسيجري التعريف بها....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,
البارت الاول......
ابو محمد/السلام عليكم...
ام محمد/هند/وعليكم السلام والرحمة,,,
ابو محمد/متجمعين عند النبي..
ام محمد/اللهم صلي وسلم عليك يانبي..ان شاءالله الله يسمع منك.....انحط لك لقمة...
ابو محمد/ياليت والله...
هند/يبى ابي فلوس....
ابو محمد/وخير ان شاءالله...
هند/ابي اخذ اغراض للمدرسة...
ابو محمد/وش اغراضه ذي اللي ماتنتهي ابدا!!!
ام محمد/طلبات المدارس ها الايام غير شكل ..الله يرحم ايام هنادي وهيفاء ماكانوا يطلبون مثلكم....
هند/يعني شلون اللحين بتعطيني ولا شلون؟
ابو محمد/وكم تبين؟
هند/ميتين ريال,,,
ابو محمد/وش بتشترين فيهم...
هند/ابلة التفصيل عاطيتنه قائمة نشتريها...
ابو محمد/والله ابتلشت فيكم انا انتي تفصيل واختك فنية وانا اللي رايح فيها...
هند/يبى مو بس انت اللي رايح فيها كل الاهل اللي عندهم بنات يدرسون فنية لو تفصيل رايحين فيها (ههههه بصراحة المعلومة ذي من اختي )
ابو محمد/هيفاء ماردت من المستشفى...
هند/بلى جت قبل شوي وحطت راسها على المخدة ونامت..
ابو محمد/وعبدالله معها؟
هند/لا..مع مشاري بغرفته...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,خالد/خلاص اليوم ان شاءالله بسلمهم المفاتيح
ام خالد/ومتى بتجي الشرقية؟
خالد/بس اصفي باقي اموري هنا...
ام خالد/وعادل خلص لك الشركة اللي هنا...
خالد/أي ضبط كل شي..واول ماارجع باخذ لي راحة اسبوع وبعدين بفتح الشركة...
ام خالد/الله يوفقك ان شاءالله.....خالد يمه...
خالد/نعم يمه...
ام خالد/ماودك تشوف عبدالله...؟
خالد بضيق/يمه خلاص...ليش تذكريني فيه؟
ام خالد/يايمه لازم تذكرهماتنساه هذا ولدك!!!!انت عارف كم صار عمره اللحين؟
خالد/لامو عارف ولا ابي اعرف بعد!!!!
ام خالد تجاهلت كلامه/صار عمره سنتين ياخالد صار يتكلم ويقول بابا وكل ماقال ها الكلمة قطع قلبي...
خالد بعصبية/يمه....
ام خالد/انا بدز لك صورته اللحين وياليت تتاملها عدل مو تطنشها مثل كل مرة!!!!!!!!!!!!!
خالد بنفاذ صبر/طيب...
ام خالد/يالله يايمه بخليك ربي يحفظك....
سكر خالد من امه وهو في قمة عصبيته من ها الموضوع اللي معذبه حيييل كل ماانفتح وكل ماجابت امه طاريه وهو يحاول يتجاهله من ثلاث سنين مضت من حياته.....وصلت الصورة وماكلف على خاطره يفتحها اصلا ولا يمسحها....تركها مثل ماهي.....
ماباقي وقت ياخالد قربت رجعتك للشرقية وبتكون قريب منهم ثنينهم.....كيف بتكون حياتك ياترى في الايام الجاية ياخالد!!!!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,
بعد صلاة المغرب..كانوا بيت بو محمد متجمعين بعد الصلاة وقاعدين بالصالة قبال التلفزيون ....(ام محمد ,مشاري,هند,هبة)
ابو محمد/رحتي للمكتبة اخذتي الاغراض اللي تبينهم...
هند/أي يبى....
مشاري/مرة ثانية انا مو رايح مع احد صراحة ..يزهقون ها البنات...وكل شوي تتصل على صاحبتها اخذ أي لون الاسود لو البني!!!!صحيح غبية..
ابو محمد/بعد..بعد...
مشاري بعصبية/انا اتفشل اطلع معهم صراحة!!!
هند/والله لو محمد رجع من بدري من شغله خليته يوصلني بس شسوي حظي.....رماني لعندك!!!
ابو محمد/وينها هيفاء ماهي قاعدة معكم...
ام محمد/بغرفتها..قومي هبة نادي اختك...
هبة/انشاءالله....
وقامت تناديها وظلوا يسولفون وبعد دقايق رجعت ووقفت عند الباب...
ابو محمد/خير ..وينها اختك...
هبة ماتحركت وظلت واقفة مكانها...
وفهموا كلهم شتعني ها الحركة ..
ابو محمد بنرفزة/استغفر الله العلي العظيم....
وقام من مكانه وقامت وراه ام محمد.......
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,
هنادي/بترجع تتعشى ولالا؟
محمد/لا
هنادي/طيب سلم على سارة قبل لاتطلع لانها البارحة سالت عنك
محمد/طيب أي اوامر ثانية!!!
هنادي سكتت....
هي عارفة ان طبعه ها الايام صاير عصبي
هنادي نزلت راسها بالارض وقالت باسى/سلامتك.......
محمد/طلع بدون مايرد عليها..وظلت تفكر في محمد وكيف تغير في ها السنتين اللي فاتوا....صحيح هم ماتزوجوا عن حب بس كانت علاقتهم مع بعض حلوة ومايعكرها شي وجابوا سارة اللي صار عمرها اللحين ست سنين وملت جوهم روح جديدة....وبعدها ظلت تحاول تحمل من جديد وماصار لها نصيب وصاروا اهل زوجها يلحون عليها وهي مافي يدها شي تسويه لين صاروا يحنون على محمد انه يتزوج عليها علشان يجيب له ولد يشيل اسمه وان هنادي صارت ماتنفع لشي!!!!
خلونا نتكلم عن هنادي اكبر فرد في عيلة بو محمد....
**هنادي....عمرها سبع وعشرين سنة طويلة ومملوحة طيبة لاابعد حدودماعمرها ردت احد يبي منها خدمة تزوجت بنت عشرين سنة وجابت سارة وبس وها الشي اللي مضايق اهل زوجها منها ويبونه يتزوج عليها رغم انه كان يحبها ومابينهم شي منكد عيشتهم غير ها الموضوع اللي خلا محمد عصبي ومنرفزومايتكالم ابدا....
,,,,,,,,,,,,,,,,,,,,,,,,,,,,,,,,,,,,,,,,,,,,,,,
تشيل هم كل اللي حوالينها وماتتردد ابدا في انها تمد المساعدة لااحد منهم ابدا بالمختصر حنانها وطيبتها هم اللي ميزوها عن غيرها....
*************في بيت بو خالد...
مها/يمه شرايك نكبر صورة عبدالله ونحطها بغرفة خالد علشان اذا جا يشوفها...
ام خالد/..............
عمر/انا اقول كلي تبن احسن لك..
مها/انت من قال لك تكلم اصلا...انا قاعدة اكلم امي....
ام خالد/لاتوجعوني راسي الله يخليكم....
مها/وانا شقلت عاد!!!!
عمر/انتي ماقلتي شي انتي كلامك كله على بعضه مغثة ياحظي؟؟؟
مها/مو رادة عليك....
ام خالد/عمر يمه قوم شوف من عند الباب..
مها/لا انا بطلع هاذي اكيد ريم جايبة لي المذكرة حق الامتحان..
عمر/صحيح فالحة,,,,بكرة الامتحان وتوك بتاخذين المذكرة علشان تذاكرين!!!!!
مها/قلت لك ماعندي وقت ارد عليك بفتح لها الباب وبعدين بتفاهم معك....واصفي حسابي...
عمر/الحمد لله والشكر....
وراحت طيران تفتح الباب...
مها بدون تفاهم,,,,,ليش تاخرتي بالله!!!وبعدين ليش مادقيتي وقلتي انك جاية!!!!!!!
وجمدت مكانها مرة وحدة وحست بالخوف!!!!!!!!!!!!!!
********************************************في غرفة هيفاء....
كانت قاعدة وعلى فراشها ومتكورة على حالها وشعرها كله طايح على وجهها وخافي ملامحها ومافي غير صوت شهقاتها اللي تطلع بين دقيقة والثانية.....
ام محمد كانت قاعدة جنبها وحاطة يدها على شعرها بحنان/هيفاء يمه شفيك؟
هيفاء من بين دموعها/ماني رايحة بكرة المستشفى.....
ام محمد وابو محمد ناظروا في بعض....
ام محمد/ليش؟؟؟
هيفاء/لاني مطلقة والمطلقة عار حتى على نفسها!!!!!
ابو محمد تنهد تنهيدة حارة وجلس جنبها...
ابو محمد/شفيك يبى شلي صار؟
هيفاء/وحدة من اللي توهم متوظفين عندنا يوم درت اني مطلقة سوتني قصة بالمستشفى كله....
ابو محمد/وانتي مستحية من نفسك ياهيفاء؟
هيفاء/يبى انا تعبانة...
ابو محمد/متى راح تنسين ها الموضوع يابنيتي بس!!!!!
مها بصدمة/محمد!!!!!!!!!!!!!!
كان محمد ولد خالها واقف وهو شبه متسند على العمود اللي عند الباب وماسك بيده عبدالله ولد هيفاء...
واول ماشافها لف للجهة الثانية علشان لايشوفها وهي كذا بدون عباية حرام عليه..هي صحيح ماكانت فالة لبسها يعني بنطلون جينز وتي شرت ابيض بس هو من الاساس ماكان له خلق يجي ها البيت بس علشان عمته..
محمد وهو لاف للجهة الثانية/عمتي كانت تبي تشوف عبدالله ..وانا جبته لها تشوفه...
مها دخلت ورى الباب شوي بعد ماحست انها هي اللي قاعدة تاكل محمد بعيونها وهو صاد عنها/تعال عبادي........
عبدالله دخل عند عمته وهو متردد
مها/يالله تعال مو سالفة كل اسبوع تسوي روحك مستحي وبعدين تفلها!!!!!تفضل محمد...
محمد مشى/اذا بغى يرد البيت قولي لعمتي تدق علي.....مع السلامة......
سكرت الباب وهي واقفة تناظر بسرابه اللي مشى........((محمد))يازين اسمك ويازين طاريه....بس لو خالد وهيفاء بعدهم مع بعض وماتطلقوا كان انا وانت وين اللحين...بس النصيب ياولد خالي النصيب.....
وانتبهت على عبدالله اللي كان يبي يدخل وهو يجرها من يدها.......
(ام خالد تصير اخت ابو محمد وهيفاء بنتها كانت متزوجة خالد بس تطلقوا من بعض )
*********************************وقفوا هبة وهند وحتى مشاري ورى باب غرفة هيفاء يسمعون كلام ابوها معها...
هيفاء من تطلقت للحين صار لها سنتين وهي مابين فترة وفترة ترجع لها نفس الحالة من البكي والصراخ وكانها توها متطلقة اليوم...
ابو محمد/لين متى يابنتي بتظلين تبكين على طلاقك؟؟
هيفاء/يبى...
ابو محمد/قولي ياخليفة ابوي انا اسمعك...
هيفاء/يبى انت تشك فيني!!!
ابو محمد/استغفر الله يابنتي انا اشك فيك وانتي بنتي اقرب الناس لي و انتي من لحمي ودمي وتربيتي...
هيفاء/اجل شلون تفسر طلاق خالد لي!!!!
ابو محمد/يبى انا المفروض اسالك مو انتي؟؟
هيفاء/يعني يبى انت تشك ان انا السبب...وانفجرت تبكي من جديد......
ابو محمد/ياهيفاء يابنتي مو بشرط تكونين انتي السبب ويمكن تكونين بس من غير قصد..مو عيب ان الواحد يغلط لكن العيب ان الواحد مايعرف غلطه..يمكن قلتي شي وانتي ماانتبهتي,,,زعلتي,,غفلتي عن شي!!!
هيفاء/وليش يايبى مايكون هو فكر في شي..ولا دخل شي بخاطره وتورط فيه...
ابو محمد/حتى لو فرضنا صحة هذا الكلام شلون ماحسيتي بللي يدور حواليه ..شفيه يفكر شفيه متغير...!!
هيفاء/والله العظيم يايبى ماصار شي..ماصار أي شي....(كانت تتكلم من بين دموعها)) كل شي عادي طبيعي ومافي شي بروحك شفت اخر مرة نزلنا من الرياض وتغذينا معكم وقعد يضحك معنا طبيعي ومافيه أي شي.....والله العظيم يايبى ماسويت شي....
ام محمد/مصدقينك يايمه مصدقينك...لاتقعدين تسوين بعمرك كذا ياعمري...واخذتها بحضنها...
هيفاء/يبى على بالك انا ماافكر!!!!انا راسي راح ينفجر من كثر ماافكر!!!!افكر في موقف زعلته فيه مالقيت!!!في موقف جرحته فيه مالقيت!!!!اتعامل معه مثل الخدامة!!! وهو يذل فيني طول الوقت بدون أي سبب؟؟؟؟
ابو محمد/انا ماالومك يابنيتي.ولااقول انك مخبية علي شي,,,.وخالد ولد عمتك وطول عمره متربي بحضني وماعمره قصر معنا وماشفنا منه الاكل الخير.....ومااقول الا ابليس لعب لعبته...حسبي الله ونعم الوكيل.....حسبي الله ونعم الوكيل.......
هيفاء وهي ميتة بكي في حضن امها/والله العظيم يايمه ماسويت شي.......
وبره الغرفة كانوا عند وهبة ومشاري يناظرون في بعض وهم لاحول ولاقوة لهم,,,,
خلونا نتكلم عن عيلة بو محمد..ابو محمد اخو ام خالد وهم الوحيدين بس ماعندهم خوات ولااخوان وامهم عايشة في بيت ابو محمد وعلاقتهم حلوة مع بعض وتزوجت هنادي بنت ابو محمد الكبيرة واللي كانت اكبر من خالد وساعتها ام خالد خطبت هيفاء لخالد رغم رفض خالد القاطع لها وكان عمرها ثماني عشر سنة وتزوجوا بعد شهرين وراحت معه الرياض لانه كان بعده يدرس وبعد سبعة شهور تطلقوا لان خالد كان رافضنها وكارهها ورجعت وهي حامل وولدت وكملت دراستها واخذت دبلوم تمريض ومن يومها العلاقة بين العيلتين شبه منقطعة رغم ان مها وهيفاء مازالت علاقتهم حلوة رغم اللي صار,,,,)
عادل/شكلك مو على بعضك ابدا؟
خالد/مدري شقولك ياعادل بس احس ان جيتي ماراح تعدي على خير ابدا...
عادل/ليش عاد ها التشاؤم؟
خالد/..........هي وولدها...
عادل/قبل لايكون ولدها هذا ولدك ياخالد ولاتنسى ها الشي....وبعدين هي ماقالت لك تعال ردني لك مرة ثانية!!!!!
خالد/مدري بس انا حاس ان السالفة ماراح تكون مريحة ابدا ياعادل.....
عادل/انت شلي متضايق منه؟
خالد/المسؤلية يا عادل ....انا ماابي ارد واخذه عندي....خله عند امه....انا بفتح الشركة وبتزوج وبعيش حياتي.......
عادل/ومن قال لك انها راح تتخلى عنه ياخالد....كم واحد تقدم لها ورفضت تتزوج وتتركه....لاتخاف من ها الناحية...
خالد/ان شاءالله....
عادل/بغيت شي يابو عبدالله قبل لااسكر...
خالد/وليش عاد ها النرفزة هاذي كلها!!!!تعرفني مااحب احد يناديني بابو عبدالله؟؟
عادل/ههههه طيب..ياخالد..زين كذا...
خالد بضيق/أي زين....سلامتك ماابي شي؟
هبة/وهاذي كل الاخبار...
هنادي/وشلونها اللحين؟
هبة/نامت...
هنادي/طيب وين امي؟
هبة/امي توها رايحة تشوف ابوي في داره...
هنادي/طيب وهند وينها؟
هبة/مدري عنها....وين سارة؟
هنادي/تحت مع عمتها......
هبة/متى بتنقلينها معي في نفس المدرسة؟
هنادي/مدرستكم ماهي زينة..انظمتها مو حلوة...خليها هنا اريح لي...
هبة/اووووووف ...
هنادي/عبود ماله صوت وينه فيه؟
هبة/محمد وصله عند عمتي......
هنادي/ومارده للحين؟
هبة/لا..
هنادي/وامه ماسالت عنه؟
هبة/اصلا!!!!
******************************************على كورنيش الدمام.....
ثامر/مو كانك سرحان يامحمد؟
محمد/.................
ثامر/شفيك...؟
محمد كان مستعرض شكل مها وهي واقفة عند الباب .......
ثامر/بيعني في السوق يبى!!!!!
محمد تنهد/شفتها اليوم؟
ثامر باهتمام/وين؟
محمد/في بيتهم يعني وين بشوفها؟
ثامر/وتكلمتوا؟
محمد/لا مجرد سلام عادي.....
ثامر/علشان كذا انت متضايق.......
محمد/كانت بتكون لي ياثامر بتكون لي !!!بس لو ما خالد طلق اختي......
ثامر/خلينا نتكلم بواقعية اذا خالد طلق اختك معناته انت ماتتزوج اخته؟
محمد تنهد/مو هين علي عذاب اختي ياثامر صدقني..وبعدين انا اعرفها هي من النوع المسالم يعني هو طلقها بس لانه مايبيها لا هو ولاابوه يعني بالمختصر بدون سبب معقول!!!!تبيبني اروح اتزوج اخته!!!!!صدقني لو اني نذل مثله كان اتزوج اخته واطلقها ليلة ثانية علشان ارد نذالته بس انا مو مثله ياثامر ولا راح اكون!!!!!
ثامر/مدري شقولك يامحمد......طيب وكيف علاقتك باختك اللحين؟
محمد/للحين لاجديد..صار لها فترة تحاول تكلمني طبيعي بس انا اللي قاعد اتجنبها...
ثامر/تبي الصدق الصدق مالك حق ابدا...!!!!واذا صارت اختك ممرضة بالله وشفيها ذي؟؟؟
محمد بعصبية/فيها ان كل الرجال اللي بالشرقية شافتها!!!!!!!
********************************* بعد مامثلت دورها تماما وهي نايمة قدام امها ومسحت امها على راسها وطلعت من غرفتها فتحت عيونها وهي بعدها غرقانة بباقي دموعها......
اه منك ياخالد...اه منك ومن اللي سويتها فيني...ماعشت معك لحظة وحدة حلوة ابدا طول السبع شهور اللي كنا متزوجينها...انا عارفة انك ماتبيني لاانت ولاابوك.....بس شسوي نصيبي وقسمتي.....لكن لا يابو ولدي...ولدي اللي مو قادرة احس معه بمشاعر الامومة والسبب انه نسخة مطابقة منك....ماراح اضعف راح اكون اقوى من كل الناس....مايهمني اني مطلقة وسط مجتمع مايرحم....راح اثبت لك وللكل اني مو مهتمة بطلاقي وبتغير,,أي ياخالد بتغير وها المرة انا عند كلمتي......
****(هيفاء....بنت متوسطة الجمال...شعرها بني غامق وعيونها بعد بنفس اللون...بس مرسومة رسم ومكحلة رباني...ورموشها رهيبة ..بشرتها وسط لاهي سمرة ولاهي بيضة....تقاسيمها ناعمة وهادئة جدا تنم عن شخصية حساسة ومرهفة...تزوجت خالد ولد عمتها وهي بثالث ثانوي وتطلقت منه بعد سبعة شهور..ورجعت وهي حامل لبيت اهلها,,,بعد ولادتها اخذت دبلوم تمريض....وتخرجت اللحين وتوظفت في مستشفى خاص...علاقتها بولدها عادية جدا ساعات تحس ناحيته بالحب والشفقة وساعات تكره جدا كل مارجعت لها ذكرى خالد لو طاريه....علاقتها بمها بنت عمتها لازالت مستمرة وقوية رغم اللي صار..لها بنت خالة هي اعز صديقاتها واسمها فاتن(بعدين بيجي طاري مفصل عنها)وصديقة ثانية من دراستها في الدبلوم اسمها العنود.....وطبعا اختها الكبيرة هنادي اللي كانت تعتبرها الصدر الحنون بالنسبة لها,,,,,
من بعد طلاقها قطعت علاقتها بعمتها وباقي عيال عمتها عدى مها اللي كانت بعلاقة بمحمد اخوها اللي علاقتها معه صارت سيئة ومايتكلمون واجد لانها توظفت ممرضة وهو معارض الفكرة)
ابو خالد كان يناظر بعبد الله اللي يلعب مع جود بنته الصغيرة وهو سرحان....
كان ولازال معترض على زواج خالد من بنت خاله هيفاء ويبيها لبنت عمه لان بنت العم لولد العم اولى من بنت الخال!!!!!
فرح حييل يوم خالد طلقها بس يوم عرف عن حمل هيفاء سكت مرة وحدة بدون أي تعليق لين طلع عبدالله للدنيا وزاد كره لهيفاء انها سمته عبدالله على اسم ابوها وماسمته عبدالرحمان على اسمه!!!!!!
واللي كان يحز بخاطره انه حاس ان في تفاهم بين مها ومحمد اللي كان يعتبره رجال بمعنى الكلمة بس بعد اللي صار خابت اماله لان محمد مستحيل ياخذ بنته وهو مطلقين اخته!!!!وهو يزوجها ولد عمها بس هي رفضت وماحب انه يجبرها لاترجع مطلقة لبيته مرة ثانية مثل هيفاء.....
احمد/يبى..شفيك؟
ابو خالد انتبه/ها..ولاشي...
احمد/شلون مافيك شي..صار لي ساعة اكلمك...
ابو خالد/شفت عبدالله يااحمد...شفت شقد انه صورة طبق الاصل عن اخوك خالد!!!
احمد/وين الغريبة يبى ماخالد ابوه اكيد بيصير شبهه!!
ابو خالد/عبدالله لازم يعيش عند ابوه يااحمد مايصير يظل عند امه؟
احمد/لاتتسرع يبى اول خلي خالد يقرر بكيفه....
ابو خالد/بس يااحمد..
احمد/يبى...خلي خالد هو اللي يقرر..كفاية غلطات صارت بالماضي مانبي نخسر بعد اكثر من اللي احنا خسرناه!!!
كان احمد يتكلم بثقة كبيرة ها المرة وبلهجة مرة...صحيح انه بالجامعة وباقي له سنة على مايتخرج وبعدها يتوظف بس كان يفكر بهند بنت خاله اللي مستحيل تصير من نصيبه.....بعد ماتطلقت اختها من اخوه!!!!!(كل شي بيد الزمن يااحمد)
**********************************مها من شافت محمد وهي الدنيا قدامها سودة وقاتمة ومالها أي طعم...
شافته ..اي شافته...شافت طوله وهيبته وشخصيته...شافت وسامته وزينه.....شافت نظرة الصد بعيونه عنها!!!!وهذا اللي عذبها...يالله شقد ايام حلوة مشت عشتها معك يامحمد..صحيح ماكانوا مصارحين بعض بحبهم لبعض بس تفاهمهم مع بعض كان اكبر دليل على تعلقهم مع بعض.....
كانوا دايم متجمعين مع بعض ومايمر اسبوع بدون مايلتقون في بيت بو محمد بحكم انهم يزورون جدتهم اللي كانت ساكنة في بيت ابو محمد....
وكانت تشوفه وتشوف اللهفة في عيونه....
صحيح محمد ثقيل ومايصرح بمشاعره بسهولة...بس اللي يحب يحس بنظرات العيون بسرعة وهي كانت تقراهم بعيون محمد....
وصارت تتذكر لحظاتها الحلوة معه والمقالب اللي كانوا يسونها في بعض هي وهيفاء ومحمد,,,
الله يازين ذيك الايام...ياليتها بس لو ترجع مرة وحدة!!!!
وتذكرت اخر عيد مر بيهم مع بعض قبل ثلاث سنين يعني قبل لايتزوجون هيفاء وخالد
كانوا كلهم قاعدين ومتجمعين في بيت خالها بو محمد ومافي غيرها هي وهيفاء قاعدين ينصبون على البزارين اللي اصغر منهم ويصادروا عيديتهم بحجة وبدون حجة ,,,,
//////////////////////////////////////////////
هذا اول بارت اتمنى اشوف تعليقاتكم وتفاعلكم معي,,,,,
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يعطيك العافيه
نتظر بارت جديد لا تتأخر علينا
__________________________________________________ __________
>>>> الرد الثاني :
البارت الثاني,,,,
الله يازين ذيك الايام...ياليتها بس لو ترجع مرة وحدة!!!!
وتذكرت اخر عيد مر بيهم مع بعض قبل ثلاث سنين يعني قبل لايتزوجون هيفاء وخالد
كانوا كلهم قاعدين ومتجمعين في بيت خالها بو محمد ومافي غيرها هي وهيفاء قاعدين ينصبون على البزارين اللي اصغر منهم ويصادروا عيديتهم بحجة وبدون حجة وجمعوا لهم مبلغ زين وجا محمد لهم واتفق معهم اتفاق انهم يبقون في القبو خمس دقايق بدون مايتكلمون ولا كلمة والنور مطفى واذا قدروا يصمدوا بيعطيهم فوق عيديتهم مرتين اما اذا ماقدروا يصمدوا وطلعوا صوت واحد فان بيصادر عيديتهم والعيدية اللي صادروها من البزارين ..ودخلوا هي وهيفاء القبو بكل ثقة وماتمت نص دقيقة الا وصراخهم واصل اخر الشارع....
طبعا لان محمد كان مجهز كل شي من قبل وحاط لهم قطوتين بالقبو وعصافيروحمام ومسوي فيهم انواع الاستهبال بما ان المكان مظلم وانهم ماراح يشوفون شي!!!
وياقوي جاك من اقوى منك صادروا عيدية غيرهم وهم اللي تصادرت عيديتهم,,,اه منك يامحمد ياالنصاب!!!!!!
مادرت لحظتها تبكي لو تضحك على ها الذكريات الحلوة اللي كانت بينهم.....***(مها كانت نعومة وهادئة جدا في اللحظات والاشخاص اللي هي تختار تكون معهم كذا اما اذا اللي قدامها ماعجبها ومادخل مزاجها فتلاقيها بسرعة البرق تحولت لاانسانة مفترسة وشرانية بعد!!!كانت تجمعها بمحمد علاقة بريئة وهادئة وصريحة مثل الشمس وتنم عن مشاعرهم المرهفة رغم انهم ولامرة صرحوا لبعض بشي بس الحبيب والحبيبية فاهمين بعض بدون أي تصريح)
اليوم الثاني على الفطور....
هيفاء/صباح الخير يااحلى ناس بالعالم,,,,
هند وهبة ومشاري ناظروا بعض وهم مستغربين من حالها اللي متقلب,,,,,
ابو محمد/هلا يبى صباح النور...
هيفاء/تصدقون واحشيني مووت ,,,,
هبة تكلم مشاري/قربت تجن وهي مو حاسة على عمرها!!!!
جت شنطة هيفاء فوق راسها..
هيفاء/سمعتك ترى!!!وبعدين ماحد مجنون غيرك انا اعقل البنات ولا شرايك يابو محمد؟
ابو محمد يجاريها وهو منكسر خاطره بس ماحب يبين لها/اكيد واحد يقدر يشك عاد...
هند ومشاري قاموا يخزون في بعض...
هيفاء قعدت قبالهم وقالت لهم بكل صراحة/يمكن كنتوا تشوفوني بشكل ..بس اوعدكم اني راح اتغير وكلكم ماراح تعرفوني اذا تغيرت...
مشاري/وليش تتغيرين اصلا وعلشان منو؟
هيفاء/علشان لازم اتغير....
ابو محمد/كملي فطورك يبى علشان اوصلك بطريقي ماعليك منهم....
هند/شدعوة ياحافظ ماقلنا شي!!!
هيفاء/لا صدق..انا ناوية اتغير ...يبى صدقني انت واخواني ..ابي اكون انسانة ثانية..راح انسى الماضي ومااتحسس منه ابدا..انا ماسويت شي علشان امووت نفسي ..ابيكم توعدوني انكم توقفوني جنبي وتساعدوني علشان اصير انسانة جديدة....
في شركة الاتصالات السعودية...
وليد/سلام...
محمد رفع راسه وابتسم/هلاوالله..
وليد/كيف الحال يابو عبدالله...
محمد/ماشي حالنا انت كيفك وشخبار الاهل...
وليد/كلنا بخير نسال عنك.....
محمد/الله يخليك...
وليد/الا شخبار خالد ولد عمتك اسمع بيفتح شركته هني بالشرقية مو بالرياض مثل ماكان مخطط...
محمد/أي بيفتحها هني..
وليد/معناته بتشتغل معه...
محمد بعصبية/وليش بالله؟
وليد/وش لك بوجع الراس في الاتصالات خلك مع ولد عمتك وبيحطك المدير العام للشركة.!!
محمد/انا شغلي عاجبني وشركته مالي تخصص فيها .....
****************************************في مستشفى المواساة,,,,
العنود/اليوم النفسية غير عن امس انشاءالله دوم...
هيفاء/انا خلاص قررت اتغير...
العنود/مو جديد انتي كل يوم تقولين انك راح تتغيرين!!!
هيفاء/الله ياخذك انتي كله محبطتني ...
العنود/خلاص ولايهمك..انشاءالله المرة ذي جد مو مثل كل مرة..
هيفاء/لازم ها المرة تكون جد يالعنود..ابي انتبه لنفسي ولولدي اللي قاعد يكبر وماني حاسة فيه....عبدالله من محفظتها وقامت تناظرها...
عبدالله شبه خالد في كل شي في الشعر ولون العيون وحتى تقاسيم الوجه....
دخلتها وهي تتنهد .....بعد مانادتها العنود ان وقت البريك انتهى,,,
مها/اوووف ياربي ملل...
ام خالد/وش اللي ملل بعد...
مها/ابي اشتغل يمه..
ام خالد/ابوك مو راضي ولااخوك خالد...
مها/يمه مايصير ليش انا دارسة بالله ومتخرجة علشان تقولون لي ابوك مو راضي واخوك مو موافق؟؟؟
ام خالد/والله عاد هذا اللي صار شسويلك يعني!!!
مها/يمه حرام انا خلصت من الجامعة وقلت يالله خير ..من الملل قاعدة اخذ لي دورات كمبيوتر ولغة علشان اضيع وقتي!!!!
ام خالد/مها يمه لاتوجعين راسي ابوك واخوك قالوا مافي شغل يعني مافي شغل...
مها/شها الدكتاتورية !!!!
ام خالد/.........
مها/طيب كاهم بنات عمي ثنتين منهم تخرجوا وتوظفوا شفيها بالله!!!ليش ابوي مايخليني اشتغل حالي من حالهم؟؟
ام خالد/مها..اذا خالد رجع الاسبوع الجاي وعرف ان هيفاء اشتغلت شبيسوي!!!
مها بعصبية/هو ماله شغل فيها !!!مو طلقها بعد له عين يتدخل بحياتها؟؟؟؟عندها ابو واخو يردونها عن الشغل اذا حبوا....
ام خالد بتنهيدة/عيني على ها الابو والاخو اللي عندها..ابوها مكسور خاطره عليها من تطلقت وماحب يرد لها طلب ومحمد..خبرك عارفة من اشتغلت ممرضة مايكلمها كانها مسوية جريمة...
مها/مو زين عليه...يعني هي شبتسوي اذا صارت ممرضة!!!!انا استغرب من تفكير محمد وهو العاقل الفاهم!!!!
************************************في شقة هنادي,,,,
هنادي/خلصتي واجباتك خلاص ماباقي شي؟
سارة/أي ماما كتبتهم كلهم....
هنادي/يالله قومي تفرجي على التلفزيون...
سارة/ماما باقي كم يوم يجي علشان نروح بيت جدي؟
هنادي/ماباقي واجد ليلة بكرة احنا هناك..
سارة باعتراض/وليش يعني ليلة بكرة!!ليش ماراح نروح من العصر مثل كل اسبوع؟؟
هنادي/علشان انتي تبين تسهرين معهم وبخليك تنامين العصر شوي وبعدين نروح المغرب لهم..
سارة/لالالا..ماابي انام..خليني اغيب بكرة احسن..علشان اروح لهم....
محمد/السلام عليكم....
سارة/بابا..
وراحت طيران لعند ابوها..
محمد شالها وحملها عنده/هلا وغلا بحبيبية ابوها....شلونك بابا..
سارة/انتظرك تجي ......شنو جبت لي ؟
محمد توهق/ماقلتيلي تبين شي؟
هنادي/نزلها عندك ماهي صغيرة علشان تشيلها فوق كتفك..
محمد ناظرها بنظرة عصبية خافت منها..
محمد وبثقة/بنتي وحبيبتي وماعندي غيرها.....
هنادي كتمت دمعة بعيونها وقامت/بروح احط الاكل....
سارة/انا اكلت قبلك اول مارجعت من المدرسة ماراح اكل معك طيب..
محمد/لا مايصير اذا مااكلتي معي مااشتهي اكل...
سارة/طيب باكل شوي بس..
محمد/شنو علموك اليوم بالمدرسة؟؟
سارة/علموني اشياء واجد تعال اقولك عنهم.......
*************************************في بيت بو خالد.....العصر,,,
بو خالد/منو مسوي ها الكيكة انتي مها؟
مها بدون نفس/لا..
مرام/من صدقك يبى اخيب وحدة في الدنيا بنتك!!!!
بو خالد/لاتتكلمون عن بنتي وانا موجود ترى ماارضى عليها......
مها/اذا ماترضى علي خليني اشتغل؟
بو خالد قلب مرة وحدة/ووجع اللي يوجعك كم مرة قلت لك لاتفتحين ها السيرة !!!!البنت مالها الا بيت زوجها ؟
مها باعتراض/بس يبى..
بو خالد/تبين تصيرين لي مثل بنت خالك مو؟؟؟؟هذا من كثر قعداتك معها حشت راسك بها السوالف...روحة لعند ها الهيفاء ماراح تروحين سامعتني ولالا؟؟؟
مها نزلت منها دمعتين وقامت بعصبية ورمت وراها المخدة ولفت لعند ابوها وهي تصارخ/هيفاء مالها شغل بالسالفة!!!!وبروح لها وماتقدر تمنعني.....
ومشت لعند الدرج وركبت غرفتها بسرعة...
وعم الصمت المكان........
احمد/مرام صبي لي شاي اخضر...
مرام/طيب....
احمد/اليوم رحت شفت شركة خالد يبى..
بو خالد تغير شوي وهدا/ها..كل شي تمام...
احمد/عال العال..بس ها يبى قوله لاينسى وظيفتي اول مااتخرج...
ام خالد/الله يوفقك انشاء الله وتتخرج وتصير مثل خالد وتفتح لنفسك شركة...
احمد/لالالا انا ماابي وجع راس ومسؤلية بيكفيني اشتغل عنده...
بو خالد/كلمه شوف اذا كان يبي شي قبل لاينزل ماباقي على نزلته غير يومين بس!!!
عمر/يبى بتسسون لخالد عزيمة لارجع..
ابو خالد/اكيد مافيها شك ياولدي...
مرام/يبى نبي نسوي حفلة احنا بعد وطقطقة ورقص ووناسة...
ابو خالد/سووا اللي تبونه يبى....
جود/ماراح يرجع الرياض مرة ثانية خلاص؟
ام خالد/انشاءالله مايرجع خلاص..شركته وبيفتحها هني شيرجعه الرياض بعد؟
ابو خالد/انا مفكر اسوي عزيمته بالمزرعة انتي شرايك ياام خالد...
ام خالد/اذا راح تسوي عزيمة الرجاجيل هناك فعزيمة الحريم بنسويها هنا..
مرام/ليه عاد يمه احنا نبي هناك نغير جو ونستانس...
ام خالد/لا ماراح ناخذ راحتنا مدخلها واحد وماهي كبيرة حيل علشان تشيلنا حريم ورجاجيل....
ابو خالد/اخذ لكم شاليه ولايهمكم...
جود/يحيا ابوي...
عمر/بالله شو؟؟هم شاليه واحنا مزرعتنا المخرفة مايصير!!!!
احمد/يبى....
ابو خالد/نعم يبى..
احمد بتردد/بتعزم خالي على العزيمة؟؟
عم الصمت المكان من جديد وتوقعوا الكل انهم يسمعون صراخ ابو خالد من جديد بس تفاجاؤا من ام خالد انها ردت قبل ابوهم وهو يناظرها وهو ساكت..
ام خالد بثقة/طبعا خالك بيكون اول المعازيم!!!!
(تعالوا نتكلم عن عيلة بوخالد...**بو خالد/شخصية قوية وعصبية وكلمته ماشية على عيلته اغلى ماعنده عياله يحبهم مووت ومايرضى بزعلهم من أي كان صحيح يصارخ عليهم ويهاوشهم في اغلب الاوقات بس يروح يراضيهم بسرعة..يكره اخو زوجته ابو محمد ومايواطنه بدون اسباب ومن ها الكره نشا كرها لهيفاء وعدم تقبله اياها....
***ام خالد/عمتهم وحبيبتهم..طيوبة وحنونة مع الكل بدون استثناء...تحب عيالها وهم عيال اخوها تمنت هيفاء من كل قلبها تكون لخالد بس النصيب حال بينهم..
خالد/الولد البكر والشاب المدلل بها العيلة..حتى بعد ماتزوج وصار ابو لازالت طلباته اوامر عند الكل...رغم بعده عنهم ودراسته بالرياض الا انه يحبهم كلهم وحنون عليهم ومايرضى على زعل احد فيهم.. اسمراني جسمه مليان شوي وفيه شوية وسامة بس مو مثل محمد ولد خاله...عيونه تذبح وهي احلى مافيه......
مها/البنت الكبيرة بالعيلة خلصت الجامعة ومو موافقين على انها تشتغل وهاذي عقدتها بالحياة..طويلة وفاتنة وملامحها هادئة..صديقاتها فاتن وهيفاء...
**احمد/في السنة الاخيرة من الجامعة ابيضاني طويل شوي مايل للنحافة حقاني بدرجة كبيرة وابو شلل وسهرات مع الاصحاب(سلموا عليه ليلة الخميس وليلة الجمعة)
***مرام /بثالث ثانوي تشبه اختها مها باشياء كثيرة في الشكل بس الصفات مايتفقون على شي فيها...
عمر/بثاني متوسط مع مشاري ولد خاله بس علاقتهم مو ذاك الزود لانه متعلق باهل ابوه اكثر...شايف حاله زود....
جود/بخامس ابتدائي مع هبة بنت خالها...
****هم ماهم من الطبقة المرفهة ولا المعدمة كانوا معتدلين وامورهم المادية ماشية تمام....)
في المستشفى.....
هيفاء/اسمك...
....../وليش تسالين بالله؟
هيفاء/علشان اسجله بملفك...
....انتي سعودية سعودية ولانص ونص؟؟
هيفاء بملل/لو سمحت ممكن الاسم الكريم....
......./انتي من الدمام ولا الخبر؟
هيفاء وصلت عندها/طيب ممكن اخذ الحرارة؟
......./لاماابي سعودية عطيني فلبينية تاخذ حرارتي؟؟؟؟؟؟
هيفاء رمت الملف على الطاولة بقوة اللي خلت المريض يصارخ بوجهها بس مااهتمت له وطلعت من الغرفة....
**************************************في شقة هنادي,,,
محمد/بابا سارة فتحي الباب....بس اول قولي منو طيب..
سارة/طيب بابا....
وراحت ورجعت بعد شوي..
سارة/منو تتوقعون جاينا؟
هنادي وحمد كانوا يناظرونها وهي واقفة ورى الباب علشان مايدخل..
محمد/منو؟
سارة بفرح/خالي محمد....تفضل خالي..
دخل محمد وهو يضحك عليها وعطاها الكيس اللي جايبه لها/
محمد/السلام عليكم..
هنادي ومحمد/وعليكم السلام...
محمد/عسى بس ماشربتوا الشاي عني وقمتوا؟
محمد زوج هنادي/حياك يالنسيب....
محمد/الله يطول بعمرك.....هنادي شلونك..
هنادي/انشد عنك ياخوي انت شلونك؟
محمد/شدعوة ماتشتاقين لنا نشوفك من الاربعاء للاربعاء!!!!
هنادي/شسوي ياخوي مثلك عارف مدارس ومااقدر اطلع عنها طول الاسبوع.....
من ركبت غرفتها وهي مقفلة عليها الباب ومافتحته لانها عارفة بيجيها ابوها بعدين يراضيها وهي ماتبي تقابله...هي صحيح تحبه وهو يحبها بس كانت تكره خوف ابوها الزايد عليهم...طلعتهم بحساب ودخلتهم بحساب كرهت حتى الطلعات من ها السالفة صارت تحس انها مسجونة....يالله كلها كم يوم ويجيها حبيب قلبها خلود ويغير لها جو الشرقية كله مثل ماوعدها..
رفعت مخدتها وطلعت الدفتر اللي كان موجود وفتحته....وناظرت بصورة محمد اللي داخله...وتنهدت..كانت تشوف حبها لمحمد يضيع يوم ورى الثاني وهي مو قادرة تسوي أي شي...شتقدر تسوي اصلا !!!!محمد عيونه من تشوفها تصد عنها حتى السلام يادوبه يرد عليها..حتى اذا شافته في بيت خالها مايعطيها وجه مثل العالم والناس..كانت متحملة وشايلة كل شي بقلبها لانها عارفة ان محمد دمه حار ويتحسس من كل شي يكفي انه مايكلم هيفاء اخته وحبيبة قلبه علشان صارت ممرضة وهذا الشي بالنسبة له عار!!!!
قطع عليها جوها جوالها اللي دق رفعت وهي تتنهد..
مها/هلا وغلا..
فاتن/بس شكلها بدون نفس ولا انا غلطانة؟
مها/ليه عاد؟
فاتن/انتي شفيك شكلك مو على بعضك ابدا!!!!
مها/عادي بس سوء فهم مع العائلة الكريمة..
فاتن/والاسباب...
مها/مافي غيرها الوظفية...
فاتن/ماملتي من ها السالفة يابنت الناس!!
مها/والله اني مخنوقة يافاتن من قعدة البيت ماغير اخلص من دورة وادخل في الثانية علشان اغير جو ....
فاتن/كلها كم يوم ويجيك معرس وتلهين بحياتك معه وتنسين ابو الوظيفة....
مها/ها..
فاتن/علامك ماهو عاجبك كلامي!!!!
مها/لاولاشي بس..كلها كم يوم ويجي خالد ويستقر هنا .....
فاتن/هذا اخوك اللي انا اكرها كره الموت؟
مها/فاتن مهما كان ومهما صار بيظل اخوي وما..
فاتن/غيري سيرته لاني مااتحملها الله يرحم والديك...
مها/على امرك ياستي...وشو كمان؟
فاتن/مدري بس يمكن بكرة امركم هناك...
مها/لاتقولين..
فاتن/ليش؟
مها/مدري بس شكله ابوي ماراح يخليني اروح بيت خالي بكرة..
فاتن/ليه عاد؟
مها/مدري بس بحاول اني اجي باي طريقة...
***********************************سارة/شفت رسمتي ياخالي...
محمد/الله تجنن انتي راسمتها؟
سارة/أي انا..
محمد/ومحد ساعدك؟
سارة/لا....
هنادي/خلاص سارة روحي دخلي شنطتك بغرفتك...
سارة/خالي عادي افتح الهدية اللي انت جايبها لي اللحين؟
محمد/اكيد..
هنادي/بس روحي لعبي فيها بغرفتك....
سارة/شكرا خالي......
هنادي/صايرة عنيدة..
محمد/وش فيك منتي قادرة تتحملينها ياهنادي..مو هذا العشم فيك وانتي اللي تحبين كل الناس جت على بنتك!!!
هنادي/لا مو كذا..
محمد/هنادي انتي فيك شي منتي طبيعية......
هنادي/صدقني ياخوي مافي شي..
محمد/ماراح اصدقك انتي مو اختي اللي اعرفها انتي وحدة ثانية..
هنادي/صايرة دوم سرحانة وماتتكلمين الا ...
هنادي/انت شلونك مع اختك؟
محمد بصرامة/لاتغيرين الموضوع ياهنادي..محمد مزعلك بشي؟
هنادي/لا..
محمد بتشكيك/متاكدة؟
هنادي/اكيد....
محمد/طول ماكان قاعد معنا وهو يتكلم كنت اناظر فيك شكلك مو على بعضك ولاتحاولين تقنعيني ابدا لاني ماراح اقتنع!!!!
هنادي/صدقني ماكو شي.....
محمد/انا اخوك ياهنادي واعتبريني صديقك مثل ماكنتي تعتبريني دايما ولاتحاولين تخبين علي.....انا ماحبيت اتكلم معك في البيت اذا جيتي بكرة وقلت هنا بناخذ راحتنا اكثر...
هنادي/طول عمرك اخوي وحبيبي وبتبقى على طول...عسى ربي يخليك لنا ومايحرمنا منك....
محمد وقف/اذا كانت السالفة خاصة جدا بينك وبين محمد فاانا بعذرك بس اذا حسيتي انك تبين تتكلمين وتفضفضين تراني موجود يالغالية....
هنادي/الله يحفظك ياخوي..عسانا نفرح فيك وبعيالك انشاءالله...
*****************************************
__________________________________________________ __________
>>>> الرد الثالث :
روايه رائعه قلبي مشكوره
__________________________________________________ __________
>>>> الرد الرابع :
البارت الثالث,,,,,
////////////////////////////////////////////
في بيت بو محمد,,,,,
هند/انا ابي افهم نومة الظهر ممنوعة ليش؟
مشاري والنوم في عيونه/علشان تنامون بدري..
هبة/بسم الله الرحمان الرحيم..انت شايف شكلك وانت تتكلم؟؟؟الله يحفظنا بس كل ذا نعس؟
مشاري/والله ان ماتكلمتي عدل بيجيك ذاك الكف اللي يسنعك زين.....
عبدالله/ابي العاب....
هند/انا مو فاضية لك حبيبي قاعدة احضر فيزياء..
مشاري/وانا نوعا ما مانا متوازن احس نفسي سكران وشوي بطيح من النعس مقدر العب معك.....
هبة/تعال العب معك...
عبدالله/لا...مللاي...(مشاري)
هبة/بكيفك قلت لك تعال انت مو راضي...
عبدالله راح لعند هند/ماما..
هند/ماما....تاخرت المفروض انها تكون وصلت قبل نص ساعة بس تعال نكلمها...روح جيب التلفون ندق عليها.....
راح عبدالله يجيب لها التلفون..
ودقت على هيفاء...
هيفاء/هلا...
هند/هلا هيوفة شلونك..
هيفاء/اهلين ..
هند/بتتاخرين؟
هيفاء/تبين شي....انا طلعت من المستشفى وبمر اخذ شي وبرد...
هند/هذا عبدالله يبي يكلمك...
هيفاء/وينه عطيني ايه....
عبدالله/ماما....
هيفاء/حبيبي انت...شنو تبي اجيب لك...
عبدالله قام يبكي/ماما تعال.....
هيفاء/خلاص حبيبي انا بالسيارة اللحين جاية زين..
عبدالله/لالالا اللحين...
هيفاء/خلاص يالله هذا انا قربت اوصل اطلع عند الباب انتظرني.....
***********************************في بيت الفايز (اهل زوج هنادي)
ام محمد/منو هذا اللي كان جاي عندكم اليوم ؟اخوها محمد!!
محمد/أي يمه هذا محمد....
ام ياسر(عمته)/وش عنده جاي؟
محمد/جاي يشوف اخته وبنت اخته....
ام محمد/مابيزوجونه...؟؟
محمد/يمه الله يهداك وانا شيعرفني.....
ام ياسر/ليش هي ماتسولف لك عن اهلها؟؟
محمد/بلى بس للحين مافي طاري زواج....
ام محمد/وانت متى ناوي تتلحلح انشاء الله...
محمد/.........
ام ياسر/اخوك سلطان اللي اصغر منك كاهو عنده ثلاثة.....وبدر اللي تزوج بعدك بسنة عنده ثنين وكاهي مرته حامل!!!!
محمد/وانا شسوي يعني...هذا امر الله....
ام محمد/العيب منها مو منك والشرع محلل لك اربع ياولدي......
محمد/أي بس انا مستقر معها وهي بنت ناس اجاويد ماشفت منهم الا كل الخير.....
ام ياسر/ماقلنا لك طلقها وخلها ترجع بيت اهلها مثل اختها بس تزوج وشوف نفسك؟
محمد/وحتى ماديا انا كل اللي عندي قاعد احطه في بيتنا اللي نبنيه اللحين؟
ام محمد/انت ماتقول لي تبني البيت لمنو؟؟لها هي وبنتها بس!!!!مايصير يامحمد البيت اذا بتبنيه لازم تسكن فيه عيال يصيرون حواليك مو يصير مثل بيت الاشباح ماحد فيه؟؟
محمد/شلون يعني؟؟؟
ام ياسر/يعني بيع البيت اللحين وتزوج بفلوسه واذا صاروا عندك عيال ابني لهم بيت ثاني...
محمد بصدمة/ابيع البيت اللي انا وهنادي قاعدين نخطط له من زمان!!!!!!
************************************دخلت هيفاء البيت وشافت عبدالله واقف مع هبة في الحديقة ينتظرها وهو يبكي....
ماتدري ليش اليوم حست باحاسيس غريبة تجاه ولدها وحست انها تحبه بجنون رغم انه طول الوقت مع ابوها وامها واخوانها..وقفت تتاملها لحظات لين انتبه هو لها وجاها يركض
قعدت على الارض واخذت بحضنها وهو يبكي...كانت حاسة بدموعها بتنزل معه بس امسكت نفسها هي لازم تكون اقوى وماتراوي ولدها دموعها ابدا ومهما كان..
هيفاء بحنان/وش فيك حبيبي...
هبة/يبي يلعب مع مشاري واخوك مسطل من النعس مارضى يلعب معه قام يبكي....
هيفاء مسكت الكيس اللي جايبته لها تراضي فيها/شوف جبت لك جالكسي وسنكرس وكت كات وبرنجلز وعلكة اكسترا اللي تحبها ولبن ودانيت ولعبة الطبيب...
عبدالله من شاف الاشياء راحت دموع التماسيح.....
عبدالله بفرح/حقي
هيفاء/كلهم لك وماتعطي احد الا اذا انت راضي عنه..
هبة/عبود انا وقفت معك ننتظر الماما عطيني الباونتي....
عبدالله/لا حقي...
هيفاء/تعال ندخل داخل علشان يشوفنا مشاري وما نعطيه لانه مارضى يلب مع عبود صح؟
عبدالله/صح....
هيفاء/يالله...
عبدالله/ماما احمليني...
هيفاء كانت تصد بعيونها عنه لاتشوف عيون خالد فيهم وفي نفس الوقت صوته كان يكسر خاطرها وهو يطلب منها أي شي....
هيفاء حملته وهي تبوس فيه...ودخلوا داخل الصالة......
عبدالله علطول اخذ يستعرض الاشياء اللي عنده وهند ومشاري هجوم عليه....
هيفاء/مشاريوا يالزفت خلي اغراض ولدي....
عبدالله بغضب/لاليوه يازفت...
مشاري صحصح/اللحين كل شي تفهمه وكل شي تنطقه عدل الا اسمي ليش انا ابي افهم؟؟؟
هند تستعطفه/حبيبي عبدالله انت صديقي صح..عادي اخذ البرنجلز والاكسترا عشان انا احبهم..
عبدالله/أي...
هبة/وانا باخذ الباونتي طيب..
عبدالله/أي...
مشاري/وانا باخذ ومسك الكيس واخذ نص الاغراض اللي فيه اللي خلا عبدالله يصارخ بالقوة...مشاري اخذهم وركيض طيران وهيفاء وراه تركض بعد ماشالت عبايتها/تعال هنا اقولك تعال..رجع اغراض ولدي لايبكي..مشاريوه حرام عليك......
ودخل محمد وهي تركض ورى مشاري ورى الكنب.
محمد/السلام....
هبة وهند/وعليكم السلام..
محمد/ها عبدالله وش فيك حبيبي تبكي....
عبدالله جا لعند خاله وهو يبكي من قلب/لاليوه الزفت ..اغراضي حقي....
محمد/مايحتاج شوف امك كنها سوبرمان وراه بترجعهم بترجعهم لاتخاف.......
هند/لايفوتك اليوم الصبح تقول بتتغير ...على مين ياهيفاء كلنا نعرف انك مستحيل تتغيرين.....(تعالوا نتكلم عن عيلة بومحمد.....ابو محمد/انسان طيب ومسالم وحنون يحب عياله ويكسره تعبهم لو ضيقتهم....وضعه المادي عادي جدا لانه كان يشتغل بالحكومة ومع ذلك كل اللي عنده لعياله...
ام محمد/كانت بنفس الطبايع والصفات اللي في زوجها رغم انها من عيلة غنية وشايفة خير بس هذا كله مامنعها انها تعيش عيشة بسيطة مع زوجها...
محمد/الشاب الوسيم في العيلة وولدهم الاول بعد هنادي درس بمعهد الادارة وتخرج واشتغل بالاتصالات السعودية ..كان شكله وسيم لاابعد حد..جسم مفتول وشعر بني ناعم ودايم تلاقيه بالثوب والشماغ علشان عمله..بس دمه حار وحساس جدا.....عمره ست وعشرين سنة....
هند/بثاني ثانوي....سمرة لاهي طويلة ولاهي قصيرة فيها من اختها هنادي اكثر من هيفاء....فيها مشاغبة وفيها هدوء بس في الاخير تطلع مسالمة بالنسبة لمشاري...
مشاري/كبر عمر ولد عمته بثالث متوسط ..مايشبه اخوه محمد ولا في شي حتى اللي يشوفهم مايصدق انهم اخوان من ام وابو...مشاري اسمر مايل للسواد من كثر ماالشمس ضاربة فيه بس قلبه حليب مووت على هنادي اخته يحب يعاندهم ويجننهم بس في النهاية هو اللي يعطي البيت حلاوة وجو...
هبة/اخر العنقود في البيت بخامس ابتدائي... كانت علاقة هذا البيت حلوة وطيبة والكل قلبه يمشي بطريق واحد وعلى نية وحدة ..وماننسى ام عبدالله جدتهم اللي تعيش معهم.....)
***********************************طبعا انتهت المعركة بخسارة فادحة لهيفاء اللي ماقدرت تنتصر على لاليوه الزفت اللي اخذ الاكل وهرب والنتيجة كانت صوت عبدالله اللي زلزل البيت كله وخلا ابو محمد بكبره يروح معه البقالة من جديد.......
********************************اليوم الثاني....
في المستشفى....
في غرفة الاستراحة حقت الممرضات...
هيفاء/مابغى يجي يوم الاربعاء على سلام...
لمى(وحدة من الممرضات)/ليش انتي ماتداومي خميس وجمعة ها الاسبوع....
هيفاء/بلى ..بس ان اليوم اختي تجي لعندنا...
لمى/هنادي..
هيفاء/أي...
لمى/ودي اسالك سؤال بس اخاف تفهميني غلط؟
هيفاء وقف قلبها من يجيب لها احد طاري الاسئلة تحس انها ناقصة شي وكل الناس تبي تستفسر عن طلاقها!!!
هيفاء/شنو؟
لمى/انتي كم عمرك اللحين؟
هيفاء/داخلة على الاثنين وعشرين...
لمى/العمر كله انشاءالله...يعني توك صغيرة
هيفاء/........
لمى/ليه دايم اشوفك متضايقة وزعلانة؟
هيفاء/لاعادي....
لمى/بلى من اول ماتوظفتي عندنا وانتي وضعك كذا ولاتقولين لا...
(لمى ماكانت عارفة عن طلاق هيفاء)
هيفاء/مو صحيح...
لمى/انتي تحبين يابنت؟
هيفاء فتحت عيونها من الدهشة ورددت باستغراب/احب!!!انا احب؟؟؟
لمى/أي تحبين ولا شنو تفسيرك لزعلك الدايم....
هيفاء ضحكت/تصدقين اول مرة احد يجيب لي طاري الحب!!!!
لمى/لاوالله؟
هيفاء طلعت من جيبها صورة ولدها عبدالله وعطتها للمى...
لمى/منو هذا؟
هيفاء بثقة/ولدي عبدالله..
لمى ناظرتها بدهشة/انتي متزوجة؟؟؟؟
هنادي/شلونك يمه...
ام محمد/هلا وغلا يمه انتي شلونك..
هنادي/الحمد لله.....ابوي شلونه وجدتي شلونها؟
ام محمد/كلنا بخير يمه انتي شخبارك ..ووينها سارونة....
هنادي/شافت خالها مشاري واقف عند الباب ووقفت معه....
ام محمد/أي حضرة جنابه غايب اليوم ماراح المدرسة.....
هنادي/جدتي وينها؟
ام محمد/بالمطبخ تعالي نروح هناك علشان نجهز الاكل مرة وحدة...
************************************مها/ابوي ماقالك شي البارح؟
ام خالد/شي مثل شنو؟
مها/يعني ماقال لك خلي مها اليوم بالبيت لاتخلينها تروح بيت خالها؟
ام خالد/انا ابي اسالك سؤال مو مية مرة قايل لك لاتجيبين طاري الوظيفة قدامه!!!!ليش كل يوم والثاني تسوين لنفسك سالفة معه؟؟؟
مها/شسوي بعد زلة لسان....
ام خالد/وكثرانة ها اليومين....
مها/المهم ماعلينا يعني الليلة بروح معك لبيت خالي ولالا؟
ام خالد/وليش تسالين؟
مها/يمه فاتن بتجين هناك واستحي اقول ان ابوي مايبيني اروح بيت خالي....
ام خالد/مدري روحي كلميه في التلفون وساليه..
مها/اوووف ياربي.....
ام خالد/خالد بيكون الصبح هنا يامها..
مها وقفت مكانها وهي متحيرة تفرح لردته ولا...؟؟؟؟؟؟
لمى/انتي متزوجة ياهيفاء؟؟؟معقولة..
هيفاء وبنفس الثقة/انا منفصلة عن زوجي...
لمى/متى تزوجتي؟؟؟؟شكلك صغير متى مداك تحملين وتولدين بعد!!!
هيفاء/تزوجت وانا بثالث ثانوي..وحملت مباشرة....
لمى/والله انك خطيرة كيف غامرتي وتزوجتي وانتي بعدك تدرسين..
هيفاء باسى/لانه قريبي...
لمى احترمت نبرة صوتها الحزينة وسكتت...
لمى/مشاءالله عليه اسمه عبدالله..
هيفاء بمرح/أي...
لمى/كم عمره؟
هيفاء/باقي له شهرين ونص ويكمل ثلاث سنين.
لمى/العمر كله انشاءالله....بس كانه مايشبه فيك ولاشي؟
هيفاء/طالع شبه ابوه...
لمى/وهو قاعد عندك ولا عند ابوه؟
هيفاء/لاعندي.....
لمى/ابوه تزوج؟؟
ماتدري ليش ها المرة بس حست انها مخنوقة(خالد تزوج؟؟؟معقولة انه تزوج)وش اللي مو معقول ياهيفاء اكيد انه بيتزوج وبيشوف حياته ؟؟؟؟؟
***********************************هنادي/جدتي شلونك..
ام عبدالله/اسال عنكم ياحافظ من تطلعين ليلة الخميس ماتمرين ابد؟؟؟
هنادي/ماعليه جدتي الظروف...تدرين محمد مايرجع من الدوام الا هلكان وماودي اتعبه اكثر..
ام محمد/وشخبار البيت؟
هنادي/يبيلكم زيارة له علشان تشوفونه...
ام محمد/بديتوا تصبغون ولا لسه؟
هنادي/أي خلصنا الطابق الارضي كله باقي فوق..
سارة/جدتي شلونك
ام محمد اخذتها بحضنها/هلا وللله بها القمر انتي شلونك يمه...
سارة/انا طيبة واروح المدرسة كل يوم واتعلم,,
ام عبدالله/وانا مابتسلمين علي يابنت الفايز؟؟
سارة راحت لها علطول(ولا تراها ماراح تسلم من لسانها)
ام عبدالله/باجي اسكن عندكم لين خلص بيتكم؟
سارة/كلكم تعالوا عندنا بيتنا كبير صح ماما؟
هنادي ابتسمت....
ام محمد/يعني سويتي غرفة لنا انا وجدك.
سارة/أي ...
هنادي/شنسوي حق العشى يمه؟
ام محمد/مدري وش مشتهين؟
ام عبدالله/خلونا الليلة نشوي....
هنادي/الله جبتيها ياجدتي من زمان مااكلنا مشاوي....
*************************************مها تكلم ابوها بالتلفون....
مها/يبى...
ابو خالد/هلا عيوني...(نسي الموضوع)
مها/وانت راد البيت ابيك تجيب لي معك شوكلاته من باتشي علشان الليلة بتجين صاحبتي...
ابو خالد/ابشري وانا ابوك...
مها/مو تنسى لابعدين وقت اللي بطلع تقول بعدني مااشتريه؟
ابو خالد/تقولين بتجيك صاحبتك بعد شلون بتطلعين؟
مها/بتجين هناك في بيت خالي؟؟
ابو خالد/أي قلتيلي في بيت خالك....
مها/يالله باي مو تنسى.....
الحمد لله هذا الوالد وخلصنا منه اقوم اجهز لي شي البسه.....
وقامت تفتح دولابها واول مافتحته رفعت يدينها تدعي(ياربي اشوفك الليلة يامحمد يارب))
كانت تبي تشوفه باي طريقة صحيح كان يصد عنها اذا شافها بس يكفي تشوفه عيونها وتملي عيونها منه ومن حلاته!!!!
هيفاء/من زمان ماشفتك ياالخاينة
هنادي/لا عاد من الاربعاء اللي راح مو من زمان واجد
هيفاء/بالنسبة لك بس بالنسبة لي احسها من زمان..
هنادي/شلونك..
هيفاء/تمام
هنادي/وكيفك في المستشفى؟
هيفاء/ممشية حالي والله..انتي شلونك..
هنادي/انا بخير...
هيفاء/لا ماانتي بخير!!!
هنادي/ليه تقولين كذا؟؟
هيفاء/شوفي وجهك وبتعرفين ليه!!!!
هنادي/وجهي مافيه شي ....
هيفاء/بلى...فيك شي متغير وحزين..
هنادي/لاتقعدين تلفين وتدورين علي من جد مافيني شي....
هيفاء/اقولك وجهك متغير..
هنادي/خلا ص كبرت لازم بيتغير وجهي ليش مفكرة انه بيظل مثل ماهو علطول!!!!
هيفاء/بينك وبين محمد سالفة!!صاير شي ياهنادي..قولي يااختي انا اعرفك...
هنادي/قومي نساعد امي في تتبيلة اللحم والدجاج للشوي حق الليلة بس وخلك من الكلام الفاضي...
هيفاء/انتي دايم كذا تسمعين همومنا وماتبينا نشاركك همك وتعبك اذا تعبتي...
هناد ي حبت تغير الموضوع/قومي بس خلي كلامك الفاضي على جنب.....
***********************************الليل في بيت السالم(بيت بو محمد)
ام خالد/شلونك يمه هيفاء..
هيفاء وهي بعيدة عن عمتها وبدون حتى ماتناظرها/انا بخير عمتي...
ام خالد/وشلون الشغل معك..
هيفاء/ماشي..
ام خالد/وعبدالله..
هيفاء/بخير...
مها لاحظت برود هيفاء ومسكت يدها/يالله يمه بنركب فوق شوي..
ام خالد باعتراض/بس انا ماشبعت من هيفاء بنيتي...
مها وهي تسحب هيفاء معها لفوق/مابنطير شوي وبنرجع لكم.....
محمد كان واقف قبال النافذة واحمد ومشاري مع ابوه يساعدونه بتجهيز عدة الشوي وامه وجدته وعمته قاعدين بركن من الحديقة....
كان يناظر في البعيد هو عارف انها هنا وفي مكان في البيت والاكيد انها بغرفة هيفاء بس مايقدر يوصل لها هو اصلا مايكلم هيفاء كيف بيوصل لها..ماوده في شي كثر انه يسمع صوتها..صوتها وبس اللي بيريحه من تعبه.........
انتبه الى سارة اللي كانت تناديه...
سارة/خالي محمد..
محمد/عيوني..
سارة/ماراح تشوي معهم...
محمد/ليش تسالين؟
سارة/علشان انا ابي اكل بس من الشي اللي انت بتشويه ياخالي...
محمد ركع لعند رجلها/من عيون خالك يااحلى سارونة بالدنيا....
كل البيت كان يشوف في سارة نسخة طبق الاصل من امها هنادي في الطيب والهدوء علشان كذا مايقدرون يردون لها طلب...
***********************************خالد/ماني طايق نفسي ياعادل..
عادل/شكلك مو طايقنا احنا!!!
خالد/لاوالله مو كذا...
عادل/وينك اللحين؟
خالد/بالطريق...
عادل/وش تسوي بالطريق؟
خالد/راجع لكم...
عادل/انت جاي الشرقية؟؟؟؟
خالد/ليش ماتبيني ارجع...
عادل/انت قلت بتنزل بكرة!!!
خالد/فكرت فيها انزل اخر الليل اريح وافضل...
عادل/وكم باقي لك عماتوصل يالحبيب؟
خالد/ساعتين....
عادل/هذا معناته ماننام الليلة ننتظرك؟
خالد/والله هذا بيرجع لك اذا كنت مشتاق لي لو كنت نذل بتنام بدون ماتشوفني..؟؟
عادل/هههههه وانا بيجيني نوم..بقوم اجهز حالي....
************************************في غرفة هيفاء
/مها/هيفاء..ماهي اول مرة تسوينها في امي؟
هيفاء كانت ساكتة وتناظر بالارض....
مها/امي تحبك والمفروض تكونين عارفة ها الشي ..هي اصلا ودها بسعادتك...
هيفاء بتنهيدة/عارفة ها الشي...
مها بعصبية/لا منتي عارفة لو كنتي عارفة ماكنتي تكلمينها كذا!!!
هيفاء/شتبيني اسوي يامها!!!حطي نفسك بمكاني وجربي تعيشي بنفسيتي مرة وحدة بس!!!!
مها بتنهيدة/انا عارفة انه مو سهل بس والله العظيم امي تموت فيك ودايم تقعد تلوم بنفسها انها السبب بللي مريتي فيه...
هيفاء/خلاص مها سكري السالفة انا مااحب اتذكر الموضوع ذا...
مها/بكيفك....بس صدقيني ان معزتك عندها مو اقل من معزتي....
هيفاء بدت دموعها تنزل..
مها/شفيك....
في ها اللحظة محمد كان جاي غرفة هيفاء بيسوي روحه بيكلمها يبي أي شي يمكن يسمع صوت صديقة الطفولة وحب الشباب...ووقف عند الباب بس سمع صوت هيفاء تبكي..
مها بخوف/هيفاء شفيك؟
هيفاء من بين دموعها/تعبت والله العظيم تعبت...اذا مفكرينها سهلة علي اني اكون مطلقة وانا توني مادخلت العشرين ومن ولد عمتي ترى حابة اقول لكم انها ماهي سهلة ابدا!!!!الاقيها من المستشفى اللي من يشوفوني قاموا يتهامسون علي ولا من محمد اخوي وسندي وحبيبي اللي مو راضي يكلمني لاني صرت ممرضة وكاني كفرت(محمد نزل راسه بالارض في ها اللحظة)ولامن ابو وبلدي اللي مفكر حتى يسال ولده شسمكه ولا شلون شكله ولا من ولدي اللي مو قادرة احبه بكل مافي الام من حب لعيالها والسبب انه طبق الاصل عن ابوه الانسان اللي بظل كارهته طول عمري.....
مها اخذتها بحضنها...
مها بحساسية ودموعها قريب تنزل/حبيبتي كلنا معك ...لاتشيلين شي بقلبك ترى مافي شي بالدنيا يستاهل انك تبكين علشانه ياقلبي.....
لين هنا ووصلت عند محمد خلاص سمع صوتها بس مو مثل ما كان يتمنى...كان يتمنى يسمعها تضحك لو تغني مثل ماهي بالعادة بس تبكي لا..ماكان يبيها تبكي ابدا...
ملا صدره بالضيق بعد اللي سمعه واخذته رجله لتحت وطلع يشوي معهم ويغير جو.....
**********************************في بيت العواد(بيت بو خالد)
ابو خالد/وانت ليش مارحت مع امك؟
عمر/مالي خلقهم...
ابو خالد/في غيرك قاعد بالبيت لو بس انت؟
عمر/لا مافي احد امي اخذت خواتي كلهم ...
ابو خالد/واحمد راح معهم؟
عمر/اكيد بيوصلهم وبيروح لااصحابه الليلة الخميس سهرته مع اصحابه مايخليها....
*********************************في بيت السالم كانوا الحريم قاعدين بالمطبخ كلهم...
محمد/طريق ياحريم...
هنادي/ماحد بالصالة يامحمد ادخل امان..
محمد/لا ياهنادي بدخل المطبخ...
الجدة ام عبدالله/وش تبي من المطبخ قول لنا واحنا بنجيب لك...
محمد/لا معليش جدتي انا ابي ادخل...
مرام/اووف يعني لازم نتغطى ونختنق...
الجدة/تغطي بس تغطي....
مها رمت عليها الشيلة وهي عيونها بتطلع من كثر ماهي مشتاقة له......
وماخفي طبعا على هيفاء اللي كانت جنبها وهي شايفتها بحيرتها...
دخل محمد وهو حامل بيده صحن مشاوي وعطاه لسارة اللي كانت قاعدة على الارض....
محمد/ها راضية عني اللحين..
سارة ضحكت/أي خالي..
ام خالد/واحنا وين عشانا يامحمد؟
محمد/لاتحرجوني انا ماسويت لغير سارة الباقي على ابوي ومشاري...
مرام/عز الله رحنا فيها اذا اخوك التبن هو اللي بيشوي!!!!
هههههههههههههههههههههههه
محمد/اكيد انتي مرام؟
مرام/وهو في غيري بيموت من كثر ماهو مخنوق وينتظرك يطلع بس منت حاس على عمرك...
مها بندفاع وبدون شعور/مرام عقلي بلا طوالة لسان....
عيون محمد لاشعوريا راحت للسواد اللي جنب هيفاء قاعد....
هند/مرام مافي شي عند مرام يظل بحلقها كل شي يطلع اول باول....
الجدة/يالله مو كل لكم على بنيتي..وانت خلاص البنات ماتوا من الحر وهم قاطين شيلاتهم على وجوهم ليش واقف؟؟
محمد تفشل وحب يرقعها/بشوف سارة اذا تبي شي قبل لااصعد داري....
ام محمد باسى/وليش تصعد دارك يايمه اقعد سلي نفسك مع ابوك واخوك بدل قعدتك بروحك....
ام خالد/مااخذت من احمد يوم الاربعاء والخميس مانشوفه ليلة السبت يبين...
محمد تضايق ماكان حاب ان سيرة انه مايطلع من البيت وكله قاعد بروحه تنفتح قدام مها بس صار لكن في النهاية هو السبب من قال له اوقف......!!!!
****************************************عادل لام خالد بحضنه/حمدالله على السلامة تو مانورت الشرقية والله..
خالد/الله يسلمك يالحبيب...
عادل/أي هذا العدل وانا اخوك قاعد لي بالرياض وتاركنا بالشرقية نحاتيك؟
خالد/ليش انشاءالله بزر انا تحاتيني؟
عادل بضحكة/لا بس خايف على اهل الرياض منك ومن سواد وجهك ههه
خالد/ههههه مقبولة منك ....
عادل/تعال بعشيك شكلك جوعان.....
خالد/أي الله يخليك نبي مطعم زين نتعشى فيه..
عادل/المطاعم الزينة كلها عندنا بالخبر تعال معي ماراح تضيع.....
*********************************على الساعة وحدة الاربع...
هند دقت باب غرفة محمد..
محمد/منو؟
هند/انا هند..
محمد/خير وش تبين...
هند/نايم لو قاعد؟
محمد/انتي وش تشوفين؟
هند/قاعد.....
محمد/طيب(تملل من استهبالها)
هند/عمتي كل ماتدق على احمد جهازه مغلق وهم يبون يروحون البيت قالت لي امي اشوفك.....
محمد/طيب هذا انا نازل قولي لهم يجهزون بوصلهم..
وقت طلعتهم عبدالله مسك في عمته مها يبيها مايبي يتركها تروح وفي نفس الوقت يبي امه....
مرام/تدرين شلون لبسي عبايتك وتعالي معنا ركبي لين يوصلنا محمد وبعدها يرجع معك..
ام خالد/خليه ينام معنا الليلة؟
مها/يبي امه ويبيني ....
ام محمد/أي عدل كلام مرام روحي معهم ولا ترى ولدك ماراح يسكت..
هيفاء/طيب نطروني لين البس عبايتي.....
وفي السيارة كانت ام خالد قدام مع محمد تسولف معه والبنات كلهم قاعدين ورى هيفاء تسولف معهم ومها سرحانة في محمد اللي كان يناظرها كل شوي من المرايا.....
وصلهم للبيت وعبدالله ماتنازل عن مها وبعد مشاورات وافقت هيفاء انه ينام عند مها......
ورجعوا البيت هي ومحمد بدون مايتبادلون مع بعض أي كلمة رغم انها حاولت تفتح معه كذا موضوع بس هو ظل ساكت عنها....
***********************************دخلوا بيت العواد بيتهم وكانت انوار الصالة شغالة ممايعني انهم قاعدين.....
مرام/يتراوالي بنام بعبايتي من كث ماانا نعسانة...
مها نزلت عبدالله من على كتفها/وانا شكلي يليل مااطولك مع عبادي...
ام خالد/تعال عبدالله نام عندي..
عبدالله/لا ..مها...عمة..
ام خالد/اللحين هي عمة وانا شطلع بالله مو جدتك؟؟؟
عبدالله باعتراض/مها عمة...
خالد من وراهم/شكلكم مطولين بسوالفكم وماراح تسلمون علي؟؟؟؟
لفوا كلهم لجهة الصوت ولقوا خالد قاعد على الكرسي الملكي اللي بقلب الصالة وهو يناظرهم ويبتسم..
ام خالد اول وحدة راحت له واخذته بحضنها/هلا وغلا بيك يمه..شدعوة ماقلت انك راح تجي الليلة؟
مها/يمه بعدي شوي....هلا والله بغلاي..من زمان وصلت؟
خالد/شوي شوي علي لاتذبحوني....
مها/خههههه خايف على نفسك منا...
خالد/جيت بصراحة قبل ساعة وشوي ورحت تعشيت مع عادل ورجعت انتظركم لين ترجعون ماقدرت انام بدون مااشوفكم رغم اني نعسان بس مشتاق لكم مووتت اكثر مماتتصورون..
ام خالد/يابعد عمري ياخالد واحنا بعد مشتاقين لك..
مرام/خالد جبت لي اشياء من الرياض؟
خالد/وشدعوة انا بفرنسا يامرام؟؟؟انتوا كلا شهر مطيحين عندي ومفلسيني من اسواق الرياض؟؟بس ولايهمك جايب لك كم شغلة ولايصير خاطرك الا طيب...
ام خالد/خلاص خلو اخوكم يرتاح وبكرة سولفوا على راحتكم.,,,
خالد/لا يمه خليهم انا مشتاق لهم مووت...
مها راحت جابت عبدالله وخلته قبال خالد..
مها/ماادري حظ منو فيكم الحلو....عبدالله اصر انه ينام الليلة عندي وكانه قلب حاس انك راح تكون موجود...عبدالله حبيبي سلم على بابا خالد..
خالد من شاف عبدالله تغيرت ملامح وجه مرة وحدة ...وقام يناظره من فوقه لتحته وسكتوا كلهم...
هاذي اول مرة خالد يشوف ولده على الطبيعة من ولادته للحين وهو قريب يكمل ثلاث سنين!!!!
عبدالله مد يده لخالد اللي كان يناظره..بس خالد مشى...
خالد/انا بروح انام تصبحون على خير..........
توقفت نظرات الكل على يد عبدالله الممدودة وعلى طيف خالد اللي كان يمشي فوق الدرج بدون اهتمام!!!!!!!!!!********************************** *******************اليوم الثاني على الغذى....
ابو خالد/تو مانور البيت ياخالد..
خالد رغم انه كان متضايق انه بيشوف ولده اليوم بعد على السفرة بس وجوده اليوم ضروري ومايقدر يعتذر بشي وماينزل......
خالد/منور بوجودك يالغالي....
مرام/اشتقنا انك تبينا ياخوي...
خالد/اشتاقت لك العافية حبيبتي هذا انا بينكم اللحين....
جود/انا كنت نايمة البارحة ومادريت انك جيت؟
ام خالد/متحسفة على شوفة اخوك ولا على هديته؟
ههههههههههههههههههههههههههههههههه
احمد/ماقلت لنا انك جاي بالليل كان استقبلاناك يابو عبدالله؟
ام خالد/الا على طاري الليل انت متى رديت البارح!!!!
احمد/يعني..
ابو خالد/يعني كم؟
احمد/يعني ليلة خميس والواحد مع ربعه متى بيكون رد؟
ام خالد/انا انتظرتك لين الساعة وحدة الاربع وبعدها نمت!!!
احمد/هذا هي انتي نمتي وانا توني راد...
خالد/بعدك على ها السالفة ماتبت من سهر ليالي الخميس والجمعة؟
احمد/شسوي فيهم انا بعد كان الواحد قاعد بسجن...
ابو خالد/ماعلينا ياخالد متى بتفتح الشركة انشاءالله؟
خالد/على الاسبوع الجاي...ها الاسبوع بعتبره اجازة مفتوحة...
ام خالد/وش ناوي تسوي اليوم؟
خالد/لسه مافكرت بصراحة؟
ابو خالد/تبي نسوي الليلة عزيمة في المزرعة؟
خالد/والله انا ماودي بعزايم اصلا يبه!!
ام خالد/مايصير يمه لسلامتك العزيمة بتكون؟
خالد/وش دعوة راد من ايطاليا!!!كنت بالرياض وكل خميس وجمعة انتو عندي ولا انا اجيكم...مالها داعي العزيمة......
احمد/أي بس....بتكون عائلية يعني احنا وعمامي وخالي واصحابنا وبس!!!!
خالد/لافتحت الشركة سويت لكم عزيمة....
ام خالد/معناته اليوم تروح تسلم على جدتك بعد مو حلوة هي تجيك وهي صحتها على قدها اللحين؟
خالد تضايق ماوده يروح ويشوف خاله ويشوفها!!!وجا على باله ولده في ها اللحظة..
خالد/وين مها!!!!
ام خالد/تسبح عبدالله....
وساد الصمت من جديد وهم ينتظرون ردة فعل خالد اللي ماعطى الموضوع اهمية وكمل اكله!!!!!
*********************************************في بيت السالم..
هيفاء/البيت مو حلو بدون عبود....
هند/قصدك مرتاحين اليوم من حنته وزنته...
هيفاء/حرام عليك...والله انه يجنن فديته..
هند/اكيد بتقولين يجنن لانه ولدك..
هيفاء/يمكن..بس انا فعلا اشوفه يجنن...
ام محمد اللي كانت توها جاية وهي حاملة دلة القهوة والشاي...
ام محمد/تحبينه ياهيفاء...
هيفاء سكتت شوي و بعدها تكلمت.../بالاول ماكنت احبه اصلا!!!بس اللحين يوم صار يمشي ويتكلم ويقلد حركاتنا صرت احس اني غبية وضيعت علي لحظات حلوة معه وهو صغير ..صرت احس اني اتعلق فيه كل يوم اكثر من الثاني.....
ام محمد بعد تنهيدة/مافي ام بالعالم ياهيفاء ماتقدر تحب عيالها...
قالتها متعمدة لان هيفاء اول ماولدت كانت دايم تقول بانها تكرها وماراح تحبه طول عمرها!!!!
مشاري كان توه داخل وهو موصل الطبلون عنده لللاخر...
هيفاء/خير انشاءالله...
مشاري/..........
ام محمد/وش فيك..؟؟
مشاري بعصبية/قلت لكم هاذي اخر مرة تخلونها تقعد بالحديقة اليوم طلعت لصاحبي وفشلتني معه..
ام محمد وهيفاء وهند بدهشة/منهي؟؟؟؟؟
مشاري بعصبية/جدتي ام عبدالله!!!!!
هند وهيفاء/ههههههههههههههه
مشاري/أي ضحكوا لانكم مااخذتوا شي من فشيلتي قدام الولد.....لاخلت عنه وعن عيلته ولا بقت!!!!لااله الا الله عليها..ساعة تقول له انت من ولده وساعة تقول له منو ابوك..يكون يعني السؤال تغير؟؟وساعة تقول له انت تشبه منو...وساعة مدري شتقول..عاد قبل لايمشي يقول انا انتظر الكاميرا الخفية تطلع ماطلعت!!!!!
هيفاء/ه تحفة وربي تحفة...
مشاري/بلعي ضحكتك لااقوم ادوس ببطنك..
هيفاء/ههههههههههه
مشاري/ووين ولدك خليني اعلمك فيه علشان تعرفين تضحكين بصوت مرة ثانية@!!!
هند/معناته اخذي راحتك بالضحك لان ولدك مو هنا..
مشاري/تعالي..انتي ليش ماداومتي اليوم....؟
هيفاء/الليوم دوامي اخر الليل...
هند/انا اذا صار دوامك كذا مااحبه...
هيفاء/وشدعوة بتحسين فيني اصلا....
هند/لانك ماترجعين الا عشر الصباح ويادوبك تنامين وتصحين على صلاة المغرب تصلين وتسبحين وتتعشين وترجعين تروحين مااشوفك...
مها/عسى ماخلصتوا عنا الاكل انا وعبادي!!!!
ابو خالد/هلا وغلا ..لابعدنا ننتظرك تعالي قعدي...ها ابو خالد شلونك؟
عبدالله/عبود...
ابو خالد/ياشينك عاد؟؟؟
احمد/يبى!!!
ابو خالد/اسمه عبدالله بعد يسمونه عبود ليه؟؟؟؟
الوحيد اللي مارفع راسه ذيك اللحظة علشان لاتشوف عيونه عبدالله هو خالد...بس ماطول لانه مها كانت تكلمه...
مها/ياصباح الفل والورد والياسمين على الشرقية اليوم..
خالد بضحكة/مشاءالله..مع انه الساعة ثنتين بس يالله...
مها/ماهو ذنبي انها ثنتين!!!منو قال لك طول في نومتك؟
خالد/شسوي بعد..مشوار امس كسرني...
مها/متى بتبدي برنامجك معي؟؟
ام خالد/أي برنامج بعد!!!
مها/سر بيني وبين خالد..
مرام/لاعيوني مافي اسرار بينكم خلوني بوسطكم؟
ام محمد/وليدي اليوم تعبان خلوه يرتاح وبعدين بدوا اسراركم...
احمد/شكلهم بينكرون الجميل وبينسون افضالي!!!
مرام/شدعوة كنت مسوي لنا شي....؟؟
احمد/ها..ها..بدينا نكذب اخت مرام!!!!!
عبدالله/عمة مها..شوربة...
مها/طيب..
خالد علطول لف للجهة الثانية علشان لايشوفه والكل لاحظ ها الشي بس عبدالله بكل براة اشر على خالد وهو يضحك...
عبدالله بفرح/بابا..خالد....
*************************************فاتن تكلم هيفاء على التلفون...
فاتن/يعني نام عند مهو؟
هيفاء/أي...والله البيت له وحشة...ابيها تجيبه ابي اشوفه قبل لااطلع...
فاتن/وينك وين تطلعين..ماراح تطلعين غير ثمان مداها جابته ..من صدقك مهاوي بتخليه عندها لها الحزة!!!!اعطيك مليون اذا صبرت...
هيفاء بضحكة/حرام عليك مسيكينة..تحبه لاتحطين في ذمتك؟
فاتن/تحبه مااعترضنا بس ماتصبر عليه يوم كامل!!!!
هيفاء/وليش ماجيتي البارح يالنكابة كنا ننتظرك؟
فاتن/شسوي بعمي هذا اللي وصل عندنا من المغرب وماقام الا اخر الليل!!!!
هيفاء/فاتنوا ماتحسين الجو ملل!!!
فاتن/بلى...ابي اسوي شي مو عارفة..
هيفاء/شي مثل شنو يعني؟؟
فاتن/مدري..ابي احب ابي انحب..شي مثل كذا؟
هيفاء/ههههههه والله ان عليك سوالف مدري من وين تطلع!!!!
فاتن/خطيرة مو!!!!بس في ذمتك مو اكشن اني احب ويصير عندي حبيب!!!
هيفاء/اكيد لانه بيكون بايع الدنيا ومافيها!!!!
فاتن/الله ياخذك ماتعرفين تقولين كلام حلو ابدا!!!!
هيفاء/وش تبين اسوي لك يعني؟؟؟؟اقول زين ماقلتي!!!
فاتن/لكن تدرين مافي غير تريك....
هيفاء/منو هذا بعد تريك؟؟
فاتن/هذا تركي ولد جيرانا...اللي اشوفه وانا رادة كل يوم...
هيفاء بخوف/وش بتسوين في الرجال!!!!خليه بحاله الله يرحم والديك؟؟
فاتن/اسمع هاذي اللي يقول باكله انا!!!!!
هيفاء/اجل شبتسوين فيه؟؟؟
فاتن/بخليه يحبني واحبه؟
هيفاء/ليش عيوني من قال لك انك تقدرين تخططين على الحب؟؟؟الحب هو يجيك مو انتي تروحين تدورينه؟؟؟؟
هنادي/اقول محمد..
محمد/نعم...
هنادي/متى بنبدي في الصبغ؟؟
محمد/أي صبغ؟؟
هنادي/شفيك حبيبي!!صبغ البيت....
محمد/ها..البيت..اي....
وسكت مرة وحدة..
هنادي/محمد..
محمد/........
هنادي/محمد شفيك انا اكلمك؟
محمد/..........
هنادي/وين رحت؟؟
محمد كان سرحان في البيت وطاريه وكلام امه وعمته ومحتار وماهو قادر يوقف على حل!!!!
**************************************الكل سكت في بيت العواد بعد كلمة عبدالله اللي مااتوقعوها...اصلا كلهم ماتوقعوا ان عبدالله يعرف ابوه؟؟؟؟؟
خالد قام من على طاولة الطعام بدون أي تعليق..
وام خالد بان عليها الضيق من تصرف خالد لانه مايبي يتقبل الولد؟؟
اما ابو خالد كان محتار في مشاعره مايدري يفرح لانه عمره ماحب هيفاء وابوها ولا يزعل لانه مخطط انه عبدالله يعيش عندهم بالبيت؟؟بس ردة فعل خالد حيرته!!!!
وحده احمد حط يده على يد امه وهمس لها/يمه...لاتزعلين ولايتكدر خاطرك يالغالية..مافي شي بيجي بالبساطة اللي احنا نتخيلها!!!توه يشوفه..توه بيقعد معه..اكيد بيكون بينهم حاجز..بس ولايهمك بيتلاشى مع الايام انشاءالله...
ناظرته وهي تبتسم ابتسامة معناها اني مو واثقة من كلامك بس بمشي الوضع!!!!
************************************في الليل وعلى الساعة ثمان الاربع كانت هيفاء لابسة عبايتها وماسكة شنطتها بتطلع للسايق اللي ينتظرها علشان تروح المستشفى..واول ماافتحت الباب كان في واحد واقف ومبين انه توه بيحط يده بيدق لهم الجرس....
ظل يتاملها للحظات وهي بعد ظلت تتامله...وكانها مو مصدقة ابدا....مستحيل..هي بعلم ولاحلم؟؟؟خالد!!!!!!!!!!!!!
خالد عرفها وكيف مايعرفها وهاذي كانت زوجته بيوم من الايام...بس فيها شي متغير.....لدرجة انه شك باخر لحظة انها تكون هي
************************************************** **********
__________________________________________________ __________
>>>> الرد الخامس :
مشكوره وربي يعطيك العافيه
ولي عودة
