طريقة العيش بالتونهـ ,, من ايد شيخه بمعآنيهـآ ,,,| طبخ الامارات
عنوان الموضوع : طريقة العيش بالتونهـ ,, من ايد شيخه بمعآنيهـآ ,,,| طبخ الامارات
مقدم من طرف منتديات الضمير العربي
السلام عليكن ورحمة الله وبركآتهـ
شحالكن الغاليآت ؟؟
احم يبت لكن طريقة العيش بالتونهـ ,,, طبعآ من تخبيصااتي بس الحمدلله عيبهم وحبيت افيدكن ^^
المقادير :
عيش // اي نووع وحسب الكميه الي تبينهآ ,,
4 علب تونهـ // طبعا ع حسب الكميه الي بتسوينهآ انا خذت 4 لانها تكفينا ..
2 طماطم مقطع
1 بصل مقطع صغير
1 جزر مبشور
2 حبات هيل
م ص / زنجبيل مبشور
م ص / فلفل اسود
م ص / بزار عربي
م ص / بزار عبيدو
2 - 3 ملاعق صغيره ملح .. وزيدي حسب الحاجه
نعناع مجفف
الطريقهـ ,,
1) اول شي ناخذ العيش ,, ونضيف له ملح ونخليه يستوي .. نص ساعه بالكثير الا وهو جاهز ,, نص استواء او كامل ع راحتج ,,
2) نقلي البصل + م ص زنجبيل مبشور + جزر مبشور + 2 حبات هيل ,,
3) نضيف الطماطم بعد ما يستوي البصل ذهبي ..
4) نضيف كل البهارات من ملح + بزار + فلفل اسود + نعناع مجفف
5) نخليه يستوي شوي ونضيف له شوية ماي ..
6) نضيف التوونه .. ونخليه مال خمس دقايق او اقل ..
7) طبعا العيش جاهز ,, نحطه كله فوق التونه ..
8) اسكر الجدر مال ربع ساعه .. وعقب افتحه واجلب فالعيش ..
9) اخليه ع نار هاديه ..
10 --> بالهنـآء والشفآء ,,
للآسف ماصورت الغدآ ,, ولا جان راويتكن .. بس الطعم يجنن ,, =)
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يمي يمي...
تسلمين ع الطبخة ^^..
و الله يعافيج ^^
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
سويته واترياه يتسكر ربع ساعة وبشله^ ^
إن شاء الله يكون الطعم يمي
__________________________________________________ __________
>>>> الرد الخامس :
ها بشري ام علاوي شو الطعم ؟
تسلمين حبيبتي على الوصفه ^^
