كيف ارتب وقتي و حياتي؟؟!! المومة و الطفل

عنوان الموضوع : كيف ارتب وقتي و حياتي؟؟!! المومة و الطفل
مقدم من طرف منتديات الضمير العربي

السلام عليكن خواتي ..

خواتي انا احس ان مب عارفة كيف انظم حياتي بعد البيبي
انا عندي بنوتة 4 سنوات و بيبي توه مولود.
احس الوضع صعب ..

خاصة ان ماعندي بشكارة و يالسة ف شقة و الوالدة ماشاءالله عليها ما اقدر اخللي البيبي عندها لانها ماتيلس ف البيت ..
فما اقدر اطلع ..

يعني انتو كيف اتنظمون وقتكم بوجود بيبي يديد ..احس وايد صعب خاصة النوم ...ما اعرف كيف اشرح لكم بس بغيتكم تساعدوني بجدول يالامهات ..

و انا احب اغير من ستايلي و حاليا لبسي كله جلاليب البيت بو لاستيك للرضاعة .. افاذا حبيت اغير بشو تنصحوني البس و من وين لو سمحتوا اسماء المحلات ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

للاسف اليهال اهم الي ينظمون وقتنا هب نحن https://4arab.xplainer.net/images/smilies/smile.png
بس انا كنت مربية توأم وبدون بشكاره والوضع كان واااايد صعب بس انظم ان وقت النوم كان عالكثير يكون الساعه 8 في الليل بياخذ منج وقت ان البيبي يتعود انه ينام بس بينش من الصبح وبترتاحين في الليل شوي بس يباله صبر منج ومن ريلج اتذكر اني تميت يمكن فوق الشهرين اعودهم على النوم والله يحظفهم ويساعدج انشالله

لو عالثياب انا كنت اييب تيشيرتات بصدر واسع مودرن على ليقينز برمودا من سبلاش وجي لاني وقت الرضاعه كنت دوم ابدل احس ريحه الحليب تخيس

__________________________________________________ __________

>>>> الرد الثاني :

الف مبروك حبيبتي البيبي الجديد وحمدالله على السلامه
وجود بيبي جديد يغير نظام وروتين الاسره كاااامل,طبعا اتكلم عن الي تعتمد على نفسها في تربية الاولاد وادارة المنزل ولا تعتمد على البشكاره
تحتاجين وقت حتى تقدرين تستعيدين صحتك وتنظيمك لحياتك واعادة توزيع الاولويات وتنظيم الوقت , واكثر وقت بيكون صعب هو وقت النوم لان البيبي ينام بالنهار ويصحى بالليل للاسف
ولما ينام البيبي تلاقي بنتك الله يحفظها صحت https://4arab.xplainer.net/images/smilies/bb/26.png وماشي نوم بعد اليوم هههههههه https://4arab.xplainer.net/images/smilies/bb/33.png
هذا حال اي وحده ما عندها بشكارة او احد يساعدها بالبيبي
الوقت كفيل انك ترتبين امورك وتتعودين

ماعندي بشكارة و عندي بنت 3 سنوات وولد سنة وشهرين , ولدي لما كمل السنة انتظم نومه وصار ما يصحى بالليل , واخيرا صرت اقدر انام ليلة كاملة https://4arab.xplainer.net/images/smilies/bb/35.png

انصحك بالصبر ولك الاجر ان شا الله , وانصحك تسجليين بنتك في روضة بترتاحين شوي وتلاقين وقت لنفسك
وحاولي تسيري الصالون تسوين تغيير بلون شعرك او القصة او او او بتحسين بطاااااااااقة

بالنسبة للملابس ,ليش على طول جلابيه؟ حبيبتي ممكن تلبسين ليجنزات او شورتات وتلاقين بلايز موديلها واسع من فوق او بكبسات لاجل الرضاعه وفساتين بعد, ولاجل يكتمل اللوك اشتري مشد يكون للبطن فقط حتى ما تتغلبين بالحمام وانتي بكرامه
والله يعين الامهات

__________________________________________________ __________

>>>> الرد الثالث :

المفروض نحن اللي نظم وقت عيالنا مب هم اللي يتحكمون فينا وصدقيني لو حاولتي ما راح تخسرين ..


أنا عيالي من فترة الاربعين نظمت وقت نومهم الحمد لله ..



الموضوع يباله وقت بس وصبر ..

__________________________________________________ __________

>>>> الرد الرابع :

الغالية كيف اتنظمين وقت نومهم؟؟

__________________________________________________ __________

>>>> الرد الخامس :

مشكورة الغالية و ان شاءالله بييب لي ليجنزات خله الجسم ينشد شوي .لاني قبل كله جنزات بس شكلي بحول عالاسترج