محلات الكوش في الشارجة.. خلونا نستفيد من تجاربكم الطيبة؟؟!! لتكوني انيقة
عنوان الموضوع : محلات الكوش في الشارجة.. خلونا نستفيد من تجاربكم الطيبة؟؟!! لتكوني انيقة
مقدم من طرف منتديات الضمير العربي
السلام عليكم ورحمة الله وبركاته..
كيف الحال خواتي ان شاء الله بخير..
فديتكم بغيت افتح موضوع يديد..
اشوف تجاربكم ويا محلات الكوش الي فالشارجة الي عدال سوق الذهب وميغامول
المحلات ماشاءالله مكودة وكل واحد شغلها احلى من الثاني
بس للاسف ياما سمعنا من بنات ان الشغل في الصور يفرق وايد عن الطبيعة او ان المحل تعاملهم يتغير بعدين..
ففديتكم الي مجربة ومتعاملة ويا اي حد من هالمحلات تخبرنا يالغاليات
وياريت لو كانو كوش للملجة والعرس بعد..
كوش الملجة ياريت لو باسعار معقولة مب 5 وفوق يعني في حدود 1500 لين 3000 اكثر شي ..
واذا حد فيكم جرب محل الزهبة والبشت يخبرني..شفت لهم صور فاالانستغرام شغلهم حلوووو وتعاملهم حلووو بالكلام بس حبيت اشوف تجاربكم لو تعرفونه.
اذا ممكن تذكرون
اسم المحل :
الكوشة (كوشة ملجة ولا عرس )
السعر :
تعامل المحل :
الكوشة عالطبيعة كيف كانت:
تنصحين في المحل ولا :
واي اضافة عالتجربة :
ويزاكم الله الف خير حبايبي...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
التهاني لخدمات الأفـراح
xxx
العرض الشامل جميـــل
ولو تبين عروض منوعة لأكثر من مكتب رسلتلج البن كود
__________________________________________________ __________
>>>> الرد الثاني :
بداية حبوبه صعب اتحصلين كوشة ملجة بهالسعر
انا درت دواره كنت ابا ستيج صغير الي يكون شرات الدجه عشان حنتي وحصلت ب2000 اجاره بدون شي وعند ارخص الاماكن بعد
الكوشة (كوشة ملجة ولا عرس )كوشة ملجتي وعرسي من نفس المحل
السعر :الملجه ماذكر بالضبط اتوقع 4500 ولا 6000 بهلحدود
تعامل المحل :كانو متعاونين وايد سواء الس يالسه بلمحل ولا البوس واسمه مازن يشتغل بضمير واسم المحل الجزيره
الكوشة عالطبيعة كيف كانت:كانت حلوه ماشالله
تنصحين في المحل ولا :انصح فيه
واي اضافة عالتجربة : من تجربتي وتجربة الي حوالي لما تختارين الكوشه لا تتوقعين ان نفس الصوره بالتفاصيل الممله الي اقصده
ركزي ع الكرسي والفازات الي ع الطوله ممكن نوع الورد ولا طريقته تختلف عن الصوره اشوي خاصه ان اغلب المحلات اهناك كلهم عندهم صور مب من شغلهم يعني مقلدين التصميم مثل تقليد كوش عمر خان وتبرا الخ،،
وللعلم ف عرسي حطولي غنفات ع طرف الكوشه فري من المحل والكوشه كلفتني مع السنتر بيس والمفارش طبعا 16000 الف تقريبا وربيعتي سوت بمحل ثاني اغلى عني وما يابولها الكرسي الي طلبته واضايجت وايد يعني حطولها كرسي مول مب حلو
__________________________________________________ __________
>>>> الرد الثالث :
يوم بتختارين مكان تصيحه
اهم شي تروحين تشوفين شغلهم بقاعه هم مشتغلين فيها قبل العرس
ياما عرايس واجهتهن وللاسف الواقع غير عن العرض اللي طلبوه
__________________________________________________ __________
>>>> الرد الرابع :
__________________________________________________ __________
>>>> الرد الخامس :
انا جربت الجزيرة سويت باكج طلع عليه جريب ال20 الف من غير صبابات القهوة كانت شيء وحده تعاملها وايد راقي بس للاسف طلعت من عندهم الكوشة كانت وايد حلوة ما شاء الله بس للاسف اخترت مفارش للطاولات و الكراسي فيوم العرس يوم جيكت عالصاله طلعت المفارش غير عن اللي اخترتهم اونه ما كفى عدد الطاولات و غير هذا ما يابوا الspot light اللي يكون شغال عالعروس يوم تدخل و اضطريت اييب واحد من برع . وللاسف لين يومكم هذا البوم العرس ما استلمته كل يوم يقولون لي شي الا غيري الالبوم الا اختاري صور غير الا الفوتوشوب استغفر الله كل يوم عذر .
