ممكن دقيقة من وقتج ؟؟ ديكور منزلي
عنوان الموضوع : ممكن دقيقة من وقتج ؟؟ ديكور منزلي
مقدم من طرف منتديات الضمير العربي
السلام عليكم حريم وبنات
شحالكم عساكم بخير
اممم بغيت اسألكن سؤال هام بغينا نقدم على أرض زراعية بس ماندري من وين
وشو هي الإجراءات ويعطون ولا لأ لأن من حق كل مواطن يحصل ارض زراعية وسكنية
وتجارية ونحن نبا نقدم على زراعية لأن انا وريلي خاطرنا في مزرعة وحتى لو كانت
صغيرة ومساحتها صغيرة مايهم ولأن ريلي ماشاء الله يحب يربي غنم وهوش من عمره
صغير وعنده في زريبة والده حوالي 15 راس غنم وكل شهر يبيع منهم غصبن عنه
لان زريبة ابوه صغيرة وماتكفي لغنم ابوه ولا لغنمه وكل يوم ضرابة علشان يبيع
هوشه وهو مب راضي وماعنده امكانيات يشتري مزرعة او قطعة ارض وخاطرنا
يكون لنا مزرعتنا الخاصه بنعدلها ونرتبنها يمكن نجيها في الاجازات ونقعد فيهاااا
المهم نحن من امارة عجمان ومانملك شي من عقارات او اراضي ملك وتعرفون
في امارة عجمان وايد مناطق زراعية نفس مزريع ومصفوت والحليو والمنامة
فبغينا نعرف وين نقدر نقدم لا تقولون عند بلدية عيمان لأنهم مابيسون لنا شي
سؤالي هو نقدر نقدم عند ديوان الرئاسة او ولي العهد او ديوان عجمان يعني
تعتقدون يهمهم الموضووع
والله يخليكم ردوا لاتطلعون على الاقل ارفعوا الموضوع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
و عليكم السلام ورحمة الله و بركااته
الله يرزقكم إن شاء الله بمزرعه في الدنيا و مزارع في الجنه
نحن في بوظبي موففين طلبيات المزارع تماما لان اتوقع في استهلاك وااااايد بالماي و المزارعين غير مهتمين بهشي ...
أما الإمارات الثانيه ما عندي فكره بس خلي ريلج يكتب كتاب للشيوخ و يقدم عندهم يكتب انه يبا ارض سكنيه و ارض زراعيه و ما بيقصرون ان شاء الله ..
و الله يسعدكم و يوفقكم لكل خير ان شاء الله
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
