بنتي وحيدة ما تندمج مع اليهال في الامارات
عنوان الموضوع : بنتي وحيدة ما تندمج مع اليهال في الامارات
مقدم من طرف منتديات الضمير العربي
السلام عليكم
بنتي عمرها سنتين واربع شهور هي بنيتها ضعيفة وزنها 10.5 كيلو ما تاكل الا بصعوبة والمشكلة الثانية آني من سنتين انتقلت بشقة مع ريلي ولا عندنا حد ولا جيران وبيت اخوي بعيد شوي مب دائماً اقدر اوديها عند حد وكله اتعودت بروحها تلعب وأتم طول اليوم بروحها بس انا وبوها لما نوديها العاب او حديقة ما تندمج مع اليهال الثانين أتم تلعب بروحها ومن أسبوعين ودينها الحضانة عشان تندمج مع اليهال بس كله تصيح وأتم يالسة بروحها حتا احيانا مع اليهال فالعائلة بروحها تلعب خايفة عليها وايد طمنوني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يمكن لأنها مستوحده ف طبيعي ما بتندمج الا بعد فترة
عندنا طفل بالعايله جي ، مع انه عنده ما شاء الله اطفال بالعايله بعمره و اكبر و اصغر بس ما يندمج و كله يصيح
يمكن مسألة وقت حبيبتي لا تخافين
__________________________________________________ __________
>>>> الرد الثاني :
__________________________________________________ __________
>>>> الرد الثالث :
هي محتاجه وقت اكثر بالحضانة وتندمج ان شا الله , لا تخافين عليها , الي هم من قصة الاندماج هي قصة ضعف البنيه,وزنها قليل , يا اختي العقل السليم في الجسم السليم
حاولي تعالجي مشكلة التغذية, حتى ينمو عقلها ايضا
يمكن البنيه ملت من اصناف الطعام الي تقدمينها , حاولي تغيرين لها
مثلا بدل ما تعطينها حليب فرش وما تحبه , جربي ضيفي عليه هولكس او نسكويك , يتغير الطعم وتحصل الفايدة
مثلا بدل ما تعطينها فواكه وما تاكلها , جربي اخلطي الفواكه وسوي لها كوكتيل , او خذي صنف فواكه معين واضربيه بالخلاط مع لبن (زبادي خلاط يسمونه )
قدمي لها صنف الحلو الي تحبه وضيفي عليه مكسرات مهشمه , المكسرات ملياااااانه فوائد
وهكذا تحايلي عليها في تقديم الطعام
__________________________________________________ __________
>>>> الرد الرابع :
وزنها يالغلا ،،، ماله دخل في أنها ما تندمج لان بنتي عمرها سبع سنوات و وزنها 15كيلو ،،، يعني وزنها مناسب حبيبتي ،،،، هي يبغى لها تندمج اول شى مع عيال أخوج ،،، أو تاخذينها الحديقة العامة أو أي مكان في يهال ،،، و يكون مكان امن لها ،،،، بتشوفين كيف بتندمج عسى ربي يحفظها لج ،،،، بس نصيحةابتعدي عن الأكلات المحفوظة في هذا لعمر
__________________________________________________ __________
>>>> الرد الخامس :
نشكورات خواتي وما قصرتن بالنسبة لوزنها سويت الها تحاليل وانتظر النتيجة المشكلة ما فيها حيل لانها ما تاكل وتنام ساعات وايجة وكله تيهر بالليل في يهال ضعيفين بس ياكلوا ما شاء الله بس هي من ولدت وهي عنيدة بالحليب وبالاكل بس تحب الحلويات ةبالنسبة للحديقة اوديها وللالعاب بعد بس نفس الشي
