عنوان الموضوع : بس سؤال من روح الإمارات
مقدم من طرف منتديات الضمير العربي
السلام عليكم
في نفسي سؤال والله يا خواتي واايد متعبني أحيانا مب أحيانا دائما أفكر منو بيتم معاي لما أعيز الكل تنازل عني عقب طلاقي ما بقى إلا ربيعات لي في المسن و البيبي من برمس معاه بضحك بسولف
أحيانا أفكر أقول ليش ما أتزوج بس احسن أني أفكر بجريمة مب مني من المجتمع معظم المقربين ينظرون بزواجي شيء عود إنزين انا بشر محتاجة أحد ينبي والله أني أحيانا ما أحصل أحد في البيت أو صديقات لي اشاركهم أفراحي وأتراحي بس ربيعات البيبي إنزين مب لي حق أحد يكون جنبي ليش المجتمع ينظر للمطلقة اللي عندها عيال بأنها خلاص لازم تعتني بعيالها وبس تستوي دادة حقهم ووالله طليجي من ألحين يقول لما يبلغون اليهال بشلهم مقهورة يا خواتي وتعبانة يمكن تقولون منو قال واايد مطلقات تزوجوا بقولكم مجتمعي غير ممنوع وكبيرة عندهم مطلقة تتزوج يعني وحدة تمشي ورا... وتبا ... كل ما أقول لأحد بشوف عمري يرد ربي عيالج من لهم إنزين انا وين من ها السالفة هاي وين بس مجرد خادمة أربي وبس
ما أعرف شو أقول بس والله تعبانة وااايد تعبانة بنتي تقلي أحيانا ماما ما أريد أسير عند بابا أقولها لا سيري تعودي على طباعه مهما كان ها أبوج وله حق عليج https://4arab.xplainer.net/images/smilies/frown.png وأنا صفر على الشمال
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عادي مافيها شي من حقج تتزوجين مره ثانيه ياما حريم تطلقووعندهم عيال وعرسوو مافيها شي
والطلاق مب اخر الدنيا ولا تفكرين وايد وماعليج من كلام الناس
الله يوفقج حبوبه ويسر امرج
__________________________________________________ __________
>>>> الرد الثاني :
فدييييييييييييييت رووحج ياارووح
عااد انتي اختي الي ماولدتها امي ويوم اشوفج بالمسن ارفرح
ربي بيرزقج بالرييييييل وماعلييييييج من احد وكلن ببياخذ نصيبه
يلاا بكلمج بالمسن احسن هههههههه
__________________________________________________ __________
>>>> الرد الثالث :
مشكورات خواتي على الرد
__________________________________________________ __________
>>>> الرد الرابع :
امر الله ما بيمنعه لا مجتمع ولا غيره
كل ما فالموضوع انه هذا رزق من رب العالمين
ادعي ربج يرزقج بالريل الصالح بقلب صادق
وربج ما بيخذلج
كثري من الاستغفار .. صدقيني كثير من هالخلق
يجهلون الاجر والرزق اللي اييي من ورى الاستغفار باذن رب العالمين
الاغلبية ييلسون يحرقون اعصابهم ويضيعون وقتهم
بدال ما يلجاون لربهم... من جي يمر عليهم العمر
وهم بعدهم ع حالهم
ولو انهم وثقوا برب العالمين واتفائلوا به
احسنو الضن به ودعوه بقلب صادق
جان ما كان هذا حالهم
ادعي ربج هو فارج الهم وكاشف الغم
رب العالمين قادر على كل شي
خلق ورزقج طول هالعمر وانعم عليج ،، ع بالج ما بيقدر يكتب لج رزق يديد
ويعوضج عن اللي فاتج ؟؟؟
حاشاه سبحانه وتعالى
هو على كل شيء قدير
وان اراد شي فانما يقول له كن فيكون
ربي يرزقج ولا يحرمج ان شاء الله
__________________________________________________ __________
>>>> الرد الخامس :
ما عليج الا الدعاءوالله يكتبلج الي فيه الخير لج ولعيالج
