السلام عليكم
مرحبا بنات
بدش بالموضوع على طول
بنات يبت خدامه أندونيسيه من 8 شهور و الحمدلله أهيه زينه و مطيعه و نظيفه لله الحمدلله لكن فيها صفه و هاي الصفه أنه ما أدانيها كلش !!! و هي انها وايد تكذب و كذا مره نبهتها على هذا الشي
المهم خلينا نبتدي بالموضوع
طبعا اهيه الصبح انا اقولها تنش الساعه6 تتسبح و تتلبس و اذا تبا تشرب شي جاي و لا أي شي تبغيه مهمن كان اهيه انسانه و حالها من حالنا
بما اني ساكنه عند اهل ريلي فلي الملحق الخاص فيني و قسمي يتكون من غرفتين و صاله و عزكم الله حمامين
المهم اول ما تنش أتيي تنظف الصاله و تغسل الحمام و الحمدلله غسالتي اوتوماتيك يعني مريحتنها على الاخر مجرد انها تحط الثياب في الغساله و تشغلها
المهم عقب ما تخلص شغل شو تسوي أختنا بالله تورح تحط راسها على المخده و ترقد لين الظهر
و ما تخلص الكوي ألي عندها لين أنش أنا الساعه 8 أشوفها محد و اروح أسال خدامات اهل ريلي يقولون لي فلانه راقده
المهم رحت لها و كلمتها بالكلام الزين و ما هزبتها لأني ما احب اهزب احد و قلت لها أذا تبين تريحين تعالي قولي لي و آنا ما امنعج مهمن كان اهيه انسانه و تحتاج للراحه
المهم عقب ما كلمتها ما قامت ترقد لكن بدت بالجذب و يا كثر ما تجذب !!
تروح تصلي تبطي بالساعه و على طول تتهم خدامات البيت و الله هم في الحمام عزكم الله و أنا أبغي اتوضى و لين ما اكتشفت أنها شو تسوي تروح تصلي و ترقد !!
و هم كلمتها للمره الثانيه و قلت لها يا فلانه اذا تبين تريحين تعالي خبريني على عيني و على راسي أخليج تورحين بس ما احب الجذب !!
انزين لين امس فليل انا شو أسوي الساعه تسع خلاص اخليها تنزل لني مااحتاج لها تكون نخلصهكل الكوي و الغسيل ألي عندها و خلاص ارخصها
شو صار الله يسلمكم الصابون الملابس و الكومفورت مخلص اتصلت في ريلي و قلت له وقال انه جريب الكارفور و احين بدش و بييب الاغراض متى وصل ريلي الساعه تسع و نص وصل و من شاف شاف خدامة اخو ريلي قالها يا فلانه روحي خبري خدامتنا اتيي و ترقي الاغراض فوق عند المدام
و خدامتنا كانت تتعشى في المطبخ
طبعا خدامتنا ركبو زيارينها راسها طبعا اهيه رقت الأغراض و خلصت عقب ما نزلت شو سوت أستوت المهزله
المهم على الساعه 11 و نص يت خدامة أهل ريلي و تقولي تعالي شوفي خدامتج سارت الحمام و يالسه تكسر كل شي في الحمام و ترقع في البيبان
المهم منو كان عندي اخت ريلي قالت لي سوي عمرج ما تدرين عن شي و قالت انا بنزل و بشوف السالفه
المهم نزلت اخت ريلي و كلمتها بالطيب و بالكلام المحترم و بالكلام الحلو و قالت لها شو فيج ؟؟
قالت و الله الأرباب ماله حق يناديني و أنه كنت يالسه اتعشى
قالت لها هم ما كانويعرفون انج تتعشين و ما صار إلا خير و شو فيج !!
قالت و الله انه ما كليت شي ( طبعا جذب ) الخدامات يقولون كلت و تعشت و مزلت البطن
المهم اخت ريلي ما بغت تكبر السالفه و قالت هاذيلا ما منهم امان
قالت لها تعالي خذي خبز جبن من الثلاجه و فواكه و عصير و تعشي
عقب يتني اخت ريلي قالت لي سوي عمرج و لا كانج تدرين عن السالفه طنشيها و خليها تكمل سنتينها و تذلف
لأنه الحقران يقطه بالمصران
و لا تكلمينها بالموضوع لأنه أذا كلمتيها بتزيد و فكرت في كلامها و طلع الكلام صح
أحين يالسه تشتغل و هي ساكته
و الله العظيم اني ما قصرت بحقها من كل النواحي و يوم يبنها قلنالها انتي وحده من البيت مو خدامه
و كل شي نشتري لها و اليونيفورم كل 3 شهور يتبدل يعني ما قصرت بحقها
الشامبو و الصابون و المعجون و الجل شور و الفوطه و المشط و الاكل و الاندومي و البسكوت و الحلاوه و كل شي كل شي أشتري لها
أقول ما علي مهمن كان اهيه انسانه
لكن هاي نتيجة الحشيمه ألحين ؟؟؟
خبروني شو أسوي ؟؟
أكلمها ؟
أسكت عنها ؟
ما عرف ؟؟
