متوهقه ومادري شو اسوي الحياة الزوجية
عنوان الموضوع : متوهقه ومادري شو اسوي الحياة الزوجية
مقدم من طرف منتديات الضمير العربي
مادري شو اقولكم عن سالفتي انا تزوجت من انسان متزوج مع اني كنت رافضه فكرة الزواج من رجل متزوج وخطبني قبل لايتزوج الثانيه ورفضته وانا عمري28
وحضرت عرسه يوم تزوج الثانيه وبعد سنتين من تزوج الثانيه رجع خطبني مره ثانيه سبحان الله رفضته الف مره قعد فوق راس اهلي وابوي ومادري كيف انا ايلي فجاه صرت مصره اني اتزوجه وسبحان الله حبيته من كلامه بسعدها شاريها ماقدرة انساها حياتي متعلقه فيها ومب مرتاح مع حريمي وين ماروح يلحقنا انا وامي من تزوجته انصدمت فيه وربي بس كنت صابره اقول فخاطري اصبري نفس ماحريمه صابرين انسان كل ماقوله اريد فلوس ولاشي يقول علي ديون العرس ماعندي فلوس ربي الشاهد ماكلفت عليه شي ولاضغت عليه ولاكفلته فوق طاقته مسكني مع حريمه اصبر نفس ماهن صابرات اقول فخاطري ليش ازعل وحريمه صابرات مب احسن عني مع انه صعب يوم تجوفين ريلج يروح عند غيرج صبرت قلت انا الثالثه ماعليه استحملي واصبري يمكن بكره ربي يرزقني بولد انشغل شوي شفت ريلي واحد متعلق بزوجته الاولى وهي صغيره مب كبيره كل شي ياخذ رايها ويمشي بشورها استقرار ماعندي خصوصيه ماعندي حياة القرف معيشني كاننا في عصر الجاهليه عايشين مجمعنا مكان واحد صبرت قلت ماعليه استحلمت وصبرت على كل شي بدون فلوس بدون مصروف بحجة الظروف والديون حملت ولدت وزادت المسووليه وماشي فايده منه انتو بتقولون انتي رضيتي استحملي واصبري وانتي ايلي جبتي الهم حق عمرج ليش تزوجين واحد متزوج اول شي انا كنت اريد الستر وثاني شي حسيته رجال كان شاريني بالكلام المهم مع الايام انا ماقدرة استحمل لاني لقيته انسان مب قد المسووليه وكذاب ومنافق مسكنا في بيت واحد وغرفنا جنب بعض وعيال وحشره وايد في البيت كنت صابره ومصبره عمري بولدي وكنت احترمه واسمع كلامه وماضغط عليه بشي لكن فوقه ضرب وسب واهانه انا لين هني قلت له ستوب وقدام حريمه الضرب والاهانه انا هني خلاااااص ركبت راسي روحت عند اهلي اتصلت فيه قلت له انا مب راده المهم من اربع شهور وانا في بيت اهلي لاصرف على ولده ولاشي قلت له لوسمحت لاتدخل الولد في مشاكلنا اصرف على ولدك اهلي ناس على قد حالهم لاحول لهم ولاقوة وانت مواطن وراتبك زين اقل شي اصرف على ولدك كنت احترمه واحترم اهله وياخذنا كلنا انا وحريمه عند اهله كل جمعه سكت كانت عيشه قرف ابوه دوم يقول انا ماشفت شي منها من يوم ماخذني ماشاف ش مني لافتنه ولانقل كلام ولاشي دوم يتشكون من حرريمه الثنتين اختي ماخذها اخوه بعد بس مب معرس وهي تخبرني كانت انه ابوه دوم يذكرني بالخير وحتى امه المهم مب هذي مشكلتي وصلت الموضوع للمحكمه والتوجيه اول شي وحضر وكان نص كلامه كذب والله العالم بحالتي من اربع شهور وانا ادبر حليب وبابمرز بس من شهر فبراير جاب له حليب علبتين وبس كم من بدله ولين يومكم ماجاب له شي ابوي يتصل فيه يعطي حريمه يردون يقولون مب بس الحين خلاص اريد اطلب الطلاق في ناس تقول لاتطلبين الطلاق بتضيع حقوقي شو اسوي انسان مستهتر مب قد المسووليه ماقدر احط لي محامي شو اسوي شورو علي اريد اتطلق واخاف القاضي يحكم بشي ضدي وانا وافده وريلي مواطن حسبيا الله عليه ونعم الوكيل ياريته يطلقني ويفكني منه الحين شوتعتقدون بيقول القاضي ماريد ارجع له خلاص عافه الخاطر طاب خاطري منه واحد بايعني اخاف اقول طلقني ومااحصل حقوقي من نفقه ومسكن وريلي كانموجود خلصنا من التوجيه الحين اخر هالشهر عندي جلسه في المحكمه مع القاضي وانا من اشوف وجهه ريلي انسا شو اريد اقول وانا ماريد ارجع له اول شي كنت اطالب في بيت بروحي ونفقه حتى اتخيلو ماسك هويتي وجوازي مارضا يعطيني يقول حامض على بوزج تطلقين عشان تعيشين من وراي تحلمين بهالشي شو اقول للقاضي شو اسوي خبروني انتظر ردودكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صدق مافيكم رحمه لوماكتبت الموضوع وشكيت حالي كان ابرك كل هالمشاهدات ولارد شو هالقلوب القاسيه زمن اغبر
__________________________________________________ __________
>>>> الرد الثاني :
شوفي عندي لج حل لين مايحكم لج القاضي بنفقة وأصلا غصبن عنه يصرف ع ولدة
مب هو أبوه وشو ها بس علبتين حليب وبامبرز ياهل مصروفاته كثيرة
على الأقل يعطيج شهريا 3000 أو 5000 للولد تعيشكم
تراج ع ذمته وهو ملزوم يصرف عليكم
لاتتوترين ولاشي قولي كل شي جدام القاضي ولا كأنه موجود قولي كل الي في خاطرج
لأن قاضي هو بينصف لج وبيحكم لج بالعدل وبيطلعج من هالظلم
أنتي ما غلطي هذا حقج تبين توفرين لولدج حياة كريمة
والله ع الظالم مب من حقه يعيشج بهالمستوى ها شو من بشر
صح ليش ماتبحثين لج عن شغل ؟ يمكن يساعدج شوي بمصروفات الولد لين مايحكم
لج القاضي بموضوع وربي يوفقج وتلقين شغل
https://4arab.xplainer.net/images/smilies/frown.png
__________________________________________________ __________
>>>> الرد الثالث :
مس مي مي صادقه
تمسكي بقرارك طالما انه انسان مافيه عدل وكمان ضرب واهانة ومقصر معك ومع ولده بالمصروف سوى وانتي عنده او ببيت اهلج
هذا ما يخاف الله كيف اصلا يخليكم كلكم ببيت واحد حسبي الله عليه المهم حببتي في هنا قانون وبتاخد لج المحكمه حقج وبتلزمه بالمصروف على ولده
وانتي حاولي تبحثي عن شغل وربي يفرج همك
__________________________________________________ __________
>>>> الرد الرابع :
لا تخافين انج تطلقين و تضيع حقوقج سيري الجلسة و خبريهم عن كل شيء كل شيء صدقيني بيجبرونه انه يدفع لكم نفقة و سكن و بشكارة
__________________________________________________ __________
>>>> الرد الخامس :
