مكياج السموكي البنفسجي مايك اب عصري

عنوان الموضوع : مكياج السموكي البنفسجي مايك اب عصري
مقدم من طرف منتديات الضمير العربي

https://v.3bir.net/images/smilies/36_1_11[1].gifمكياج

السلام عليكم ورحمة الله وبركاته ..

مرحبا بنوتات ..

شخباركم؟؟

عساكم طيبين ان شاء الله ...

نبدأ مع الدرس الأول ...

(( السموكي البنفسجي ))

وهو خاص للاعراس ... يعني ماينفع ينحط في أي مناسبة ثانيه لأنه وااايد ثقيل ..

يعني مكياج سهره ...


هذي الصور قبل المكياج :



https://v.3bir.net/imgcache/2017/11/picahat-1.jpg

وهذي بعد المكياج :

https://v.3bir.net/imgcache/2017/11/smoky20bnfsj-1.jpg

https://v.3bir.net/imgcache/2017/11/roj1-1.jpg
.
.
.


أولا .. تهيئة البشره ...تنظيفها بصابون خفيف ..

وترطيبها ..

ولا ننسى البشره حول العين .. بالنسبه لي استخدم لها كريم كلينك ...

ونرتاح بها فتره .. لين تمتص البشره الكريم ..

لازم ننتظر فتره بعد الكريم (( يعني جذي من ربع الى نص ساعه .. حسب امتصاص البشره للكريم))..

عشان مايدهن الويه .. وعشان مايختلط المكياج بالكريم ...

خاصة أن للكريمات خاصية ازالة المكياج بسهوله ..

واذا حطينا كريم فوقه مكياج على طول بيطير بسرعه من اقل حركه ..


بعد هالخطوه ..

نبدأ بالأساس ..

أول شي .. الكونسيلر حول العين ..

والسبب : لأنه يثبت فوقه المكياج اكثر من لو حطينا بودره ..

ثانيا أنه خافي عيوب البشره .. وغالبا يكون فيه هالات حول العين ..

بالنسبة لي استخدم كونسيلر بن ناي .. او فور ايفر ..

https://v.3bir.net/imgcache/2017/11/P12630_hero-1.jpg

وممكن نغطي عيوب البشره الثانيه بالكونسيلر "حبه مزعجه او حول الشفايف في حالة اذا تبون تغيرون شكلهم "

.بعد الكونسيلر ... نبدأ الاساس نفسه ..

وبالنسبه لي اضل مع نفس الماركه "بن ناي"

بس مره قريت معلومه وصرت اطبقها .. حسيت بودرتي صارت ثابته أكثر واللي هي :

نحط طبقه خفيفه من السمر كيك ...

وفوقها طبقة بن ناي ... "كيك بن ناي"

عشان تثبت اكثر وماتتقطع مع الضحك او مع طول السهره ...

واخر شي البودره الحره ...

انا استخدم بودرة ماك...

وظيفتها تثبيت البودره اللي قبلها .. وتقلل اللمعه في البشره الدهنيه .. واهم شي تخلي شكل البشره مخملي ...

"البودره الحره واااايد مهمه عشان منظر البشره يطلع طبيعي .. لاتقولون مالها داعي ... "

والحمدلله خلصنا الاساس ...

"ملاحظه : مرات بعد ماخلص من طبقه البودره الحره ... اخذ الفرشاه الدبه <<< خوش اسم ... واوزع بها بودرة الاضاءه من اليزابيث اردن "

https://v.3bir.net/imgcache/2017/11/IMG_5451-1.jpg

وايد حلوه وتعطي لمعه حلووووووووووووه ... بس لا تكثرون منها ..

يكفي مسحه خفيفه ...
نروح للعين :

نبدأ أول شي ...

بالعدسات ... لو البنت حابه تلبس عدسات


https://v.3bir.net/imgcache/2017/11/happy-1.gif



في هالصوره .. العدسات شفافه بس لها لمعة الازرق ...

راح تحصلونها بماركة فريش لوك ...

وثاني شي الحواجب ...

وااااااايد يغيرون الشكل ويطلعونه مرتب ...

ونصيحة ... لحد يلعب بحواجبه ويحفهم ...

خلهم طبيعيين .. بس تقدرون تغيرونهم بالمكياج ..

اللي حواجبها غليظه ممكن تستخدم الكفر من بن ناي او الكونسيلر نفسه بس على شرط يكون ثقيل ...


انا الحمدلله حواجبي خفيفه ماتحتاج تغطيه وايد ... بس تحتاج مليء فراغات وترتيب لأنهم غير عن بعض ... ولازم ارسم لهم نهايه حاده ...

استخدم الكيك لاينر من كريولان ... مع فرشاه بودي شوب المشطوفه أو فرشاه كريولان ...

https://v.3bir.net/imgcache/2017/11/IMG_4187JPG-1.jpg

...اخر وايد عاليسار ...

واستخدم لون بني ... عشان مايطلع وايد ثقيل على الوجه .. لأن الاسود وايد وايد يطلع غامق وغالبا مايكون شكله حلو ..

ونصيحه .. حتى لو استخدمتوا بني .. وكانت حواجبكم حلوه .. لاتكثرون منه ...

اهم شي ترتبون الحواجب ...

خطواتي انا تكون أول شي :

1) تمشيط الحواجب ..

2) ثاني شي احط عليهم جل الحواجب من بودي شوب .. عشان يثبتون على نفس اللي ابيه .. هو مثل الماسكرا .. شفاف مايظهر بس تاثيره حلو ..

3) ثالث شي : ارسم عليهم واملي الفراغات وارتبهم واخليهم نفس الشي عن طريق الفرشاه المشطوفه .. بس ابللها بشوية ماي واخذ من الكيك لاينر وارسمهم ..

واخر شي البلاشر :

https://v.3bir.net/imgcache/2017/11/blashr1-1.jpg

لون فااااااااتح جدا وطبيعي ..

ولازم الوحده تعرف شكل وجهها عشان تعرف ترسم البلاشر ..

بحيث لو كان وايد طويل تخليه شوي مدور .. والعكسhttps://v.3bir.net/imgcache/2017/11/happy-1.gif
ومع السلامه انتظر ردودكم
https://v.3bir.net/images/smilies/7929_21162182856.gif

تحياتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكوووووووورة توتة واااااايد حلو

__________________________________________________ __________

>>>> الرد الثاني :

مكياج ولاارروع ويسلمووو خيتوو

__________________________________________________ __________

>>>> الرد الثالث :

يسلمووووووووووووا يالغالية

__________________________________________________ __________

>>>> الرد الرابع :

يسلمووووووووو قلبوووووووووو نور

__________________________________________________ __________

>>>> الرد الخامس :

روعههههه