خبراتكم ،،، لكتب التعليم قبل الروضه في الامارات
عنوان الموضوع : خبراتكم ،،، لكتب التعليم قبل الروضه في الامارات
مقدم من طرف منتديات الضمير العربي
السلام عليكم ماميز
طفلي عمره 3 سنوات وحابه ابدا معاه تعليم بعض الاساسيات
شو افضل مجموعه كتب وادواات اقدر اشترياها وتكون مفيده غير اللي في مركز التعليم المبكر
اشتريت قبل مجموعه وابدا ما فادتني من ناحيه تعلم الارقام كان مجرد صور وخرابيط
افيدوني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ما شريت غير سيارة وسيكل ودبدوب وكل مرة كورة
أختي التعليم ما يباله محل معين او أغراض معينه سويت أدواتي الخاصة
ارسم لها اشكال شرات سيارة او كورة او سيكل واقعد اسألها شو هذا؟
الأحرف نزلت لها فيديوات أطفال في الآي باد وألعاب تعليمية واقعد معاها واغني واساعدها في التعليم
بالليل احكيلها قصص وادخل اسمها في القصة واذا شي سوته غلط بالنهار ادخله في القصة ما اعرف اذا تفهم الصح من الغلط بس احاول
الأرقام صرت اي شي أعطيها لازم اعده لها يعني اذا عطيتها زبيب اعد حبه حبه لين العشرة وارد أعيد اكثر من مرة
الأذان كل ما تسمعه اخليها تعيد واساعدها في التكرار
الحين أحاول احفظها القرآن وان شاء الله اقدر
فاختي انتي حاولي تجمعين الاشياء والأدوات واتعلمينه بالتدريج وكل ما مسك القلم وقعد يشخبط أصابعه بتشد وبعدها سويله نقاط خليه يسير عليه وخل التعليم لعبة شوي شوي ان شاء الله بيتعلم
__________________________________________________ __________
>>>> الرد الثاني :
هاتي له دفتر والوان خليه يلون يشخبط
عشان يقوي عضلات اصابعه ويقدر يتحكم بمسكة القلم حتى الصور ترى تفيده وايد علميه شو الصور الالوان ابدي علميه اشيا يقدر يفهمها بسرعه لاتضطين عليه باشيا بعده مايقدر يتعلمها
__________________________________________________ __________
>>>> الرد الثالث :
__________________________________________________ __________
>>>> الرد الرابع :
والله انا بنتي نفس عمر ولدج واحاتيها لما تدخل الروضه وما اعرف على اي عمر ينقبلون بالروضه وانا طبعا ما دخلتها حضانه وقلت اقعد اعلمها بروحي لكن اشوف الموضوع صعب وايد قنوات طيور الجنه وكراميش وطه وبراعم ماتقصر بالاغاني والاناشيد سواء حيوانات او ارقام وحروف والوان واخلاق لكن عيالنا بالغصب المخ يمسك عندهم كلمه انا للحين قاعده اعلمها على الحمام ولكن كله عنيده وراسها يابس الكلام ما ينفع معاها دوختني وخذت لها من المكتبه ارقام وحروف وصور كلها قطه خشب وبديت بالصور والاعداد حفظت لين رقم 5 والتعليم مستمر
__________________________________________________ __________
>>>> الرد الخامس :
هانا مثلج ادور لولدي هالبرامج اتمنى حد يفيدنا
