أكاديمية الشيخ زايد للبنات تعليم الامارات
عنوان الموضوع : أكاديمية الشيخ زايد للبنات تعليم الامارات
مقدم من طرف منتديات الضمير العربي
السلام عليكم خواتي .. شحالكم عساكم بخير
https://4arab.xplainer.net/images/smilies/smile.png
حبيت استفسر عن أكاديمية الشيخ زايد اللي في ابوظبي و بالتحديد فالبطين، لأني بسجل بنتي فيها و هي بتكون KG1 و ولدي بيكون في الصف الثاني! بليز اللي مدخله عيالها في هالمدرسه تعطيني ايجابيات المدرسة و كيف نظام الواجبات و من ناحية الاهتمام و بعد ابي اعرف هل الطالب يمتحن او يسوونله مقابله و كيف طريقتهم لأن بنتي الصغيرة وايد تستحي انها تتكلم مع الغرب
اللي عندها خلفية تفيدني
https://4arab.xplainer.net/images/smilies/bb/12.png
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
انا بفيدج اختي ..بس بصحح لج معلومة هي سابقا للبنات فقط الحين بدال البنات اسمها اكاديمية الشيخ زايد الخاصة https://4arab.xplainer.net/images/smilies/smile.png
من رغبه الاهالي حطوا اولاد فيها كيجي وعقب سولهم صف اول وعقب ثاني وكل مرحلة يزيدون صف للحين لثالث وان شاء الله يفصلون البنات عن الاولاد لانه الاغلبيه يبون هالشي https://4arab.xplainer.net/images/smilies/smile.png
لازم في مقابلة لكل طفل خاصة الكيجي بس مايركزون وايد عليهم شي بسيط جدا وسهل تروحين وياها وتكونين موجوده يسالون عن الاسم واذا كانت فحضانه قبل ولا ويعطونها ورقها وقلم يشفون مسكت القلم اذا تلون مثلا عادي كل اليهال خرابيش يلونون مب لازم يكون صح اللي تلونه ..يشفونها تلعب ويا اليهال مثلا ..وايد يهال يصيحون ومايرمسون بس ينقبلون المقابلة ماتكمل دقيقتين.. المهم تكون فوق 4 سنوات واهم شي بيسالونج تعرف تستخدم الحمام وانتي بكرامة بروحها لانه مافي حد يساعدهم ..لازم يعتمدون على نفسهم وكل صف فيه حمام للبنات والاولاد
بالنسبه للكيجي لازم لانش بوكس وملابس احتياط يعطونهم ملف للانجليزي فيه دفتر يوميا هالدفتر لازم يروح ويرد وتوقعون عليه يكون دفتر متابعه اذا في ملاحظه يكتبون لج واذا عندج ملاحظه تكتبين لهم بالتفصيل ..وفي ملف عربي مرة فالاسبوع واجب يعطونهم واشياء بسيطة تلوين ..بالنسبه للانجليزي كل شي يكون فالصف ..
واحسن يوم مافي واجبات لاحقين اليهال على هالاشياء كيجي تو يعطونهم بشكل يومي وفالصف بعد يحلون ويا المس اغلب الامهات يقولون ليش مافي واجب مايعرفون انه الياهل يحل فالصف وهالشي كفايه اشوف عليه وايده ماتكون متمكنه بعدها
بالنسبه للابتدائي يسون لهم امتحان ومبناهم يديد منفصل عن مبنى الكيجي
الاهتمام وايد مهتمين واذا عندج ملاحظة دايما تكلمي وعطيهم ملاحظاتج وياخذونها بعين الاعتبار عن تجربة
المدرسة اهم شي مافي احتفالات الكرسميس واحتفالات الاجانب ..اهم شي احتفالاتنا
اغلب المدرسات بتحصلين حد منهم مسلمات من كذا جنسيه والاكسنت مختلف حد برتش وحد كنديات او استراليات او جنوب افريقيا ..
نصيحة طلبي يحطون بنتج عند مس خديجة ممتازة بمعنى الكلمة وتاسيسها ممتاز جدا وقوي هي هندية عندها جواز بريطاني ومسلمة والاكسنت برتش وتقيم الطفل بمصداقية ماترمس هندي وماتهز الراس https://4arab.xplainer.net/images/smilies/smile.png
واي استفسار حاضرة
__________________________________________________ __________
>>>> الرد الثالث :
تسلمين حبيبتي ماقصرتي .. عندي بعد استفسار بالنسبة للأبتدائي، هل الامتحان يكون ف speaking, listening, writing بس! و بنتي اللي بدخلها الكي جي عمرها ٣ سنين بس شهر 8 بتدخل ال٤ يعني قبل لتفتح المدارس ب شهر تقريباً بتكون دخلت الاربع
و يعطيج الف عافيه وايد افدتيني
https://4arab.xplainer.net/images/smilies/bb/34.png
__________________________________________________ __________
>>>> الرد الرابع :
الامتحان ماعتقد معقد ماعندي فكرة بالضبط شو بيكون مابقدر افيدج بهالشي .. بس اذا ولدج كان في مدرسه خاصه بيمشي على طول ..ولد عم بنتي كان في حكومي كيجي وسوله امتحان صف اول وماشاءا لله نجح فلاتحاتين وايد
بنتج بتنقبل لانه بتكون 4 سنوات شهر 9 بدايه المدارس لانه المقابلات من الحين بتستوي بعد الفصل الاول والتسجيل هالسنه كان مفتوح عندهم لفترة طويلة ويعرفون اليهال فترة المقابله تحت 4 سنوات ومايعرفون شي ويخافون
خلج متابعة الجريدة ينزلون اعلان عن فترة التسجيل وبعد اتصلي فيهم ساليهم اول شهر 1 وبيخبرونج ان شاء الله
__________________________________________________ __________
