لاحول ولا قوة إلا بالله / محتاجينكم خواتي بنات جامعه الامارات .. ضرووري! تعليم الامارات

عنوان الموضوع : لاحول ولا قوة إلا بالله / محتاجينكم خواتي بنات جامعه الامارات .. ضرووري! تعليم الامارات
مقدم من طرف منتديات الضمير العربي

https://4arab.xplainer.net/images/smilies/rad.gif

شخباركم خواتي

الحمد لله وضعنا تعدل بعد مامرينا بظروف صعبه مايعلم فيها غير الله ..!

انا اليوم طالبتنكم وإن شاء الله تقدرون تساعدوني ..

خواتي اختي إلي فالجامعه الحمد لله عدت الكورس الاول بنجاح في كل مواد الاقرو والحين إنتقلت
للفل 2 في كل المواد / الحمد لله , وعطوهم جدولهم لهاذا الفصل وحبت تغير فغيرت جدولها , السالفه ومافيها إنها إتصلت لي الصبح قالت لي إنها بتغير وتمت فتره طويييييييله عندهم ‘لانها من النوع إلي ما يتكلم والبنات حطوا اوراقهم وهي تمت صابره لين ما خلصوا كل الدكاتره وصارت فصولهم متروسه !
جدولها صار موووووووووول مب زين ومتعب واااااااااااايد والله ! تمت تصيح يوم كلمتني والحين تبغي ترده للقبلي بس ما اعتقد بيوافقون .. حرام و الله من الصبح طالعه وكل محاضراتها ما سارتها عشان تغير ويوم سارت خافت تمت صابره لين ما خلصوا كل البنات تقووول كانوا فوووضى الكل يبغي يخلص عمره و الله حرام و امس يوم ردت تمت تصيح وتوها راده من العياده /ما اقول غير حسبي الله ونعم الوكيل !!

شوو تسوي الحين ! وين تروح ؟

والطلب الثاني هي إنسانه مب فاهمه شي في الجامعه ولالالالالالالالالا شي الله يعينها و لانحن مانقدر نفيدها لانه مادخلنا ولا جامعه هي آملنا الوحيد ، ونبي نستانس فيها ..!

اتمنى تساعدونا و الله المستعان

اختكم في الله

مريم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم

الله يعينها ويفرج همها تروح مبنى سي5 غرفة رقم 1 .. الاستاذة موزة المزروعي

رقمهم:7136690

دعواتكم لي بالتوفيق

__________________________________________________ __________

>>>> الرد الثاني :

الله يكون بعونها .. بس طمنوها وشجعوها وخلووها قويه .. لانه صدق المكان يخوف والجامعه نرتكب منها .. بس يبالها صبر وقووه ..

بس ان شاء الله ترفع الراس

تطلب من اي بنت وهي بتساعدها ولا اتم جي ... خليها تتشجع حاولو معاها ...

وللجداول اخر محاوله للتغير يوم الاحد<<اتشد حيلها ف هاليوم ..

وبالتوفيج يارب

__________________________________________________ __________

>>>> الرد الثالث :

السلام عليكم

مم اول شي اختج غلطت غلطه كبيره يوم انها تمت ساكته .! ضيعت على عمرها واايد

واعتقد صعبه و ما اظن ان بترد جدولها الجديم لانه هي بغت تغير و خلاص تم اعتماد جدولها ومثل ماقلتي الحين الكلاسات فل ..والحرم الجديد للجامعه مشكلته ف كلاساته ان المساحه ضيجه ..يعني عدد البنات ف الكلاس محدود و حتى لو طلبت رفع سقف"يعني يدخلونها ف الكلاس وهو فل" ماراح تحصل مكان تقعد فيه

الحين ماعليها الا تصبر ،او ترد تسير يوم الاحد وتقنعهم..ويفضل انها استشارت قبل لاتغير..لان معروف بنات الاساسي يذلونهم ذل ف الجداول ..للاسف يعني

اذا هي حابه تتواصل معاي ع الخاص اذا عندها اي استفسار فانا حاضره https://4arab.xplainer.net/images/smilies/smile.png ..

وخبريها خل تغير طريقه اسلوبها ..لان الجامعه محتاجه ناس عندهم حركه و اعتماد ع النفس..انا عندي ربيعات جي ،،كنت اساعدهم و اتكلم عنهم بس الحين خليتهم هم الي يسيرون ويستفسرون لان يمكن اعطي معلومه غلط او ان عندي ظروف ما اقدر اكون وياهم فخل يعتمدون ع نفسهم..


نزين الحين جدولها من اي ناحيه مب اوكي ؟! الوقت و لا الدكاتره و لا كيف ؟!


والله يوفقها ~ و عسـى ان تكـرهوا شيئا و هو خير لكم..

لازم الواحد يمر بظروف صعبه حتى لو كورس واحد..وان ما مر على الطالبات هـ الشي فما اعتقد انهم بنات جامعه الامارات https://4arab.xplainer.net/images/smilies/tongue.png مستحيييييييييل تشوفين حد تخرج بدون ما يواجه مشكله https://4arab.xplainer.net/images/smilies/biggrin.png فخبري اختج لا تتضايق

__________________________________________________ __________

>>>> الرد الرابع :

الأخت هجرك ماهزني ماقصرت بالرد
عزيزتي انصحيها ترافق بنات مجتهدات وشاطرات من بنات جناحها وبتمشي أمورها
أنا درست بكالوريوس بجامعة الإمارات وماجستير كمان وكنت من بنات السكن، صدقيني السر بالرفقة الصالحة سواء من بنات السكن أو بنات الكلية والتخصص، وكانت علاقتي مع دكاترتي ممتازة، أي مشكلة تواجهني بالدراسة ألجألهم، يعني السالفة ومافيها هي علاقات اجتماعية مع الناس الناجحين "لأن النجاح يعدي" بالإضافة طبعاً للالتزام بالدوام والمذاكرة أول بأول والثقة بالله والدعاء، إذا بدك أي مساعدة بالمستقبل بخصوص أختك راسليني وأنا بساعدك بالنصيحة لأني مثل ماخبرتك عندي خبرة 7 سنوات ونص بجامعة الإمارات والسكن

__________________________________________________ __________

>>>> الرد الخامس :

https://4arab.xplainer.net/images/sm...anotherone.gifhttps://4arab.xplainer.net/images/sm...anotherone.gifhttps://4arab.xplainer.net/images/sm...anotherone.gif