عنوان الموضوع : بنتي عصبيه....فيدوني
مقدم من طرف منتديات الضمير العربي
السلام عليكم
شحالكم امهات وشحال عيالكم ان شاء الله تكونو بصحه وعافيه
طرحت موضوعي ابيكم تفيدوني لان ها البنت اول بيبي فما اعرف بهالامور
بنات بنتي عمرها سنه وشهرين وهي عصبيه لو خذيت عنها شي تم ترافس وتعض ايدها قو حتى تعلم اسنانها على ايدها وتبكي وتصارخ وتصفعني وتعضني مب دايم جيه بس لو خذيت عنها شي والا مسكت وصاخه هل هالشي طبيعي والا بنتي فيها شي .....حد من عيالكم جيه وعقب استوى هادي والا طول عمرها بتم عصبيه.....
وبعد ابا اسألكم بخصوص الاشياء العيب (الاشياء الي بين الحرمه وريلها) متى المفروض الطفل ما يشوف هالاشياء....؟فأي عمر...؟
متى يبدي الطفل يتذكر الاشياء الي شافها ؟...انا اشك فسنه ونص الطفل يفهم ....
ولكم مني جريل الحب والشكر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أتوقع عادي أنا ولديه يوم أشل عنه شي يقعد يدق براسه على أي شي,,,
__________________________________________________ __________
>>>> الرد الثاني :
__________________________________________________ __________
>>>> الرد الثالث :
الغاليه هالعادات تظهر في بعض الأطفال ..
وكل طفل يدور على وسيله يوصل فيها للي يبغيه ..
فانتي لو سايرتيها باللي تبغيه بمجرد انها تسوي هالحركات فانتي جذه تشجعينها انها تستمر و تخلينها تتخذ هالأسلوب عاااااااده تحصل منها اللي تبغيه ..
حاولي كثر ما تقدرين يوم بتشوفينها تسوي جذه انج تطنشييييييينها و أبدا لا تصدييين صوبها ولا تعبرينها ولا يحن قلبج ولا كأنج تشوفينها ولو تقدرين بعد تنططي والعبي و غني وافرحي و حسسيها انه الشي اللي تسويه ما منه فايده ولا بيغيير رايج ولا بيفيدها .. و مره بعد مره يوم بتحس انه اللي تسويه على الفاضي بتغيير أسلوبها وبتنساااااااه صدقيني ...
بس لو طاوعتيها باللي تبغيه جذه بيكبر راسها عليج و بتستمر على عاداتها الغلط هاي ..
ولا تنسين الغاليه انه الطفل مثل العجينه بايدج تشكلينه مثل ما تبين وهو صغير بس من تنضج العجينه و يكبر الياهل صعب انج تغييريينه .. علشان جي من صغرها عدلي سلوكها مثل ما تبين ..
و الله يخليها حقج يا رب ..
بخصوص العلاقه بين الرجل والمرأه .. الطفل يا عزيزتي يففففففففففهم و يستوعب من هو صغير بو جم شهر و الرسول عليه الصلاه والسلام وصى انه وقت الجماع يكون الطفل بعيد عن أهله ..
بنظري أقل شي عمر السنه لأنه الطفل يبدا يقلد و ممكن بدون ما تحسون تشوفكم و تبدا تسوي شراتكم بطريقه عفويه ><
ترى والله صارت مع وحده و ذكرت قصتها في المنتدى من جم سنه !
لا تقولين ما تفهم .. لااااااا صدقيني تفهم ولو ما تفهم ما بتيلس تتعير عليج و تاخذ اللي تبغيه منج بأساليبها الطفوليه ☺ >>> تيييييييك كير في هالأمور و خلكم اشوي حذرين .. و يوم بتكونين مشغوله مع ريلج حطيها في سريرها أو اخذيلها اللعبه اللي شرات السرير بو شبك و حطيلها ألعاب وخليها تنشغل بعيد عنكم .. يعني بحيث انها ما تشوفكم ...
__________________________________________________ __________
>>>> الرد الرابع :
نفس حالة ولدي عصبي ومتوتر الله يكون بالعون ..
__________________________________________________ __________
>>>> الرد الخامس :
كلــهم جــي
عــادي,,
