بنتي وعيوونها .. ماعرف شو اسوي ..!! سياحة الامارات

عنوان الموضوع : بنتي وعيوونها .. ماعرف شو اسوي ..!! سياحة الامارات
مقدم من طرف منتديات الضمير العربي

السلام عليكم

اشحااالكن خواتي عساكن بخير وعافية ..

حبيباتي انا بنتي عمرها الحين اسبوعين الله يحفظها ..

ومن لما كان عمرها 6 ايام لين اليوم .. وعينها اليسار تطلع هالوصخ ..

من اول ما بدى فيها .. الدكتورة شافتها وقالت فيها التهاب بكتيري .. وكتبت لها مضاد حيوي .. لكن ما استوت زينة بالعكس .. جفنها كل يوم يتورم اكثر من اللي قبله ..

وعقب وديتها عند الدكتور محمد ترابي ( وايدين مدحوا لي اياه ) وهو طمني وخذى عينة عشان يشوف نوع الميكرووب .. وطلعت النتيجة الاحد اللي طاف لكن لما سرت ما حصلته ,,

وهو كان كاتب لها قطرة كل نص ساعة .. بصراحه حطيتها حقها يوم واحد بس يعني خفت هالكثر اقطر في عيونها ..

والكل تم يقول لي حرام البنت صغيرة على هالكثر ادوية .. وبدل هالدوا حطي لها حليبج وشاي .. ودومي احط لها حليب .. واسويلها كمادات شاي .. بس للحين العين وارمة .. وتطلع وصخ .. صح اقل عن قبل .. لكن بعد للحين وارمة ..

فديتها والله ما تروم تبطلها الا بغصب ..

بليز خواتي .. اللي تعرف دكتور زين .. والا اللي مرت عليها هالسالفه قبل .. تقول لي كيف تصرفت ..

بلييييييييز خواتي والله نفسيتي تعبت . كفاية تعب الاربعين .. بعد عيونها زادتني .. ولانها البجر .. تعرفون .. ما عندي اي خبرة .. فقلت استشيييييير هل الخبرة .. وعندي ثقة انكن ما بتقصرن وياي ..

ودمتن بووووود ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أنا ما أنصحج بالأدويه قطريلها من حليبج ع كل رضعه وأستمري وما فيها إلا العافيه

__________________________________________________ __________

>>>> الرد الثاني :

انا نفس الشي كان الماي اخضر ودخل في عيون ولدي وتميت احط حليب من صدرية صح المفعول بطئ وكنت خايفة لانها عينة وشوي شوي راح كل رضعه احط في عينة

__________________________________________________ __________

>>>> الرد الثالث :

اختيه استعملت القطره لولدها شهر وما فادت وقال لها الدكتور ما يقدرون يعطونهم في هالسن الا هالقطره

جربت تشخب له من حليبها ونفعه

وبعد الريج وااايد نفعها

__________________________________________________ __________

>>>> الرد الرابع :

قطري من حلييبج ولدي يوم يبته كان جي بعدين قطرتله وفااده صح بطيء بس ها ضناج استحمليhttps://4arab.xplainer.net/images/smilies/smile.png

__________________________________________________ __________

>>>> الرد الخامس :

حطي لها من حليبج احسن وبعدين نصيحه تحملي تشربين شي بارد لأنه هو السبب في التهاب عيون اليهال