بنتي وولدي ؛) لعشاق السياحة
عنوان الموضوع : بنتي وولدي ؛) لعشاق السياحة
مقدم من طرف منتديات الضمير العربي
مرحبا بنوتات حبايبي انا مضايجة انا الحين صارلي 20 يوم من ربيت في بنوتي طبعا هاذي الثانية بس احس مب قادرة على بنتي كله تصيح لو برضعها احسها ماتشبع كله بس تبا ترضع انا اعطيها صناعي وطبيعي لاني اشتغل ومضطرة اعودها شوي على الصناعي المهم لا ليلي ليل ولا نهاري نهار كل تصيح واذا بترقد شوي وبتنش تصيح تبا حليب وغير المغص اللي ذابحنها اعطيها هملايا بس ما ينفع معاها وغير اني هامله ولدي مسكين مب عارفة كيف انسق وقتي معاهم احس بنتي ماخذتني طول الوقت عن ولدي وهو كل عند الشغالة ريلي يحتشر عليه اذا يبته عندي ف الغرفة يقولي بيلعوزج وانا قلبي يعورني عليه مب عارفه كيف ارتب اموري وياهم وغير اهمالي لشكلي استغفر الله احس اني استعيلت يوم يبت بيبي ولدي عمره سنه و7شهور وما شاء الله عليه حركي وما يسمع الكلام دلوووووع كل شي يبغيه واذا ما عطيته يقعد يصارخ بصووووت عااااااااااااالي لين ما ينرفزني قتلي ريلي هدي وياه هالفترة لانه حاسس بالغيرة والله مب عارفة كيف اعدل وقتي معاهم الله يعين الحريم اللي عندهم اكثر من 2 وربي تعب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
استغفري الله هاي رزقة من الله العيال الله يخليهم طولي بالج الوضع يديد عليج في كتب ف المكتبة اقري عن كيفية التعامل مع الطفل الثاني موفقة
__________________________________________________ __________
>>>> الرد الثاني :
خذيلها مصاص
يانسون يوخر الم البطن + يرقدها
حطي قران فالحجره لي تكون هي فيها
__________________________________________________ __________
>>>> الرد الثالث :
__________________________________________________ __________
>>>> الرد الرابع :
سبحان الله وبحمده سبحان الله العظيم
__________________________________________________ __________
>>>> الرد الخامس :
الله أيكون بعونج أختي ...
بس هالشي طبيعي وأنتي توج مربية يبالج وقت ألين ماتنظمين وقتج معاهم فلاتفكرين وايد وتتنرفزين مب زين لج انتي نفاس ، ولدج لاتبعدينه عنج غلط بيغار وبيكره اخته وحرام بيحس بالنقص ، بالعكس خليه يشاركج بكل شئ وخليه يحس انه مسؤول عن البيبي معاج عسب يحبها وبنفس الوقت يظل قريب منج ترا يحتاج للحنان أكثر لانه يفهم ، والمغص انتبهي لأكلج وعطيها أعشاب وممكن ماي غريب إذا تتقبله ، وإن شاء الله فتره وبتعدي وربي يسهل أمرج ويحفظهم لج
