ساعدوني كيف اعدل وقت نوم رضيعي لعشاق السياحة
عنوان الموضوع : ساعدوني كيف اعدل وقت نوم رضيعي لعشاق السياحة
مقدم من طرف منتديات الضمير العربي
السلام عليكم عزيزاتي
اباكم اتساعدوني بعد ما وصلت حدي و استسلمت
من خبرتكم انشالله اوصل لحل
ولدي عمره 7 شهور ارقاده فليل مب متواصل كل ساعه او ساعه او نص يقوم يشرب حليب بس اشوي و ساعات ايرد يرقد او اوقات لا
و غير هذا اوقات اقوم عل صوته يصيح اعطيه حليب ما يبا اشيله او امشي فيه يسكت ارد احطيه في السرير ايرد بعد عشر دقايق ايصيح من اول
احترت ما اعرف شو اسوي
كل حد ايشوفني ايقولي شكلج تعبان
احس كل يوم نفس الشي ما يرقد مثلا ثلاث ساعات متواصلات و نومه وايد متقطع
شو الحل قالولي اسويله جدول من الصبح لين فليل امشي عليه من ناحيه متا ياكل و متا يرقد عشان يتعدل ارقاده بعد ما ضبط معاي
ساعدوني حبيباتي و اكون شاكره لكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مابا احبطج بس انا بنتى خلصت 10 شهور وهذا حالها ماشى رقاد متواصل ومدرى متى يعتدل رقادها بالرغم من انها ترضع صناعى من انولدت بس مدرى ليش تنش كل ساعه وهى موب يوعانه الله يعينج ويعينى
__________________________________________________ __________
>>>> الرد الثاني :
مشكوره عل الرد
انشالله البنات ايفيدوني و ايفيدونج
__________________________________________________ __________
>>>> الرد الثالث :
الله يكون فــ عونك عزيزتي
عن تجربة ف إحتمال السبب إما إنه بادي يطلع أسنان او حاجة متعلقة بالحرارة والبرودة
واكثر شيء إحتمال يكون جوعان فديته ،،، ف حاولي قبل لاا ينام تعطيه صناعي
وعلى المغرب عطيه زبادي وشوي شوي نوعي له فالاكل اللي يناسب سنه
واهم شيء لاااا ترجديه المغرب ،،، حاولي تلاعبيه شوي لغاية موعد نومه
__________________________________________________ __________
>>>> الرد الرابع :
الله يكون في عون الأم
أصعب وظيفة بالحياة
كلنا نفس المعاناة حبوبة
__________________________________________________ __________
>>>> الرد الخامس :
احاول ما انومه المغرب والله بس ساعات يصيح وايد و ينام غصب عني و عل الساعه ٨ او ٩ اعطيه روب او سيريلاك علشان يشبع
بس بعد ما فيه فايده
احترت ساعدوني
