تجمع اصحاب الاكزيما سياحة الامارات
عنوان الموضوع : تجمع اصحاب الاكزيما سياحة الامارات
مقدم من طرف منتديات الضمير العربي
السلام عليكم يا امهات اشحالكن اكيد شي حريم يعانون نفس حالتي ويا اطفالهم ولهالسبب سويت هالتجمع للامهات اللي عندهم اطفال فيهم اي نوع من الحساسية بنتي تعاني من حساسية الجلوتين والبيض وجفاف فالجلد وماعرف شو اسوي وياها هي وايد بيضة وجمسمها مبقع من الحساسية عمرها سنة عرضنها على عدة دكاتر الحين استقريت ع مستشفى خليفة صرفولي سيتافيل ارطب جسمها دوم
شاركونا بتجاربكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا عانيت معاناه مع ولدي طول الليل حكه من الاكزيما ما خليت شي والله ماكنت انام بعدين راحت قالو في انواع من الاكزيما بعضها يروح لما يكبر الطفل الله يعافي بنتج
__________________________________________________ __________
>>>> الرد الثاني :
__________________________________________________ __________
>>>> الرد الثالث :
انا عيال الاثنين يعانون معاناه ويا الاكزيما
لو تشوفون بنتي وهي صغيرة قلبكم بيتقطع عليها
ويها كللللللللللله احمر من الاكزيما
وكان عندها حساسية من البيض
بس الحمد لله خاز تحسسها من البيض واستوت تاكله عادي يوم كملت الثلاث سنين
وكنت اتريا تخوز عنها الاكزيما بعد
لكن بعدها مار احت عنها لين الحين بس اقول الحمدلله انها استوت اقل بشوي وخاصة ان منطقة الويه اختفت منها تماما
لكن جسمها قلبي يعورني عليه
لانه جاااااااااااااااااف جدا وفيه بقع حمرا تتحول الى بنية عقب ما تخوز الاكزيما
وولدي نفس المشكلة الا اني لاحظت ان الاكزيما عنده اخف لكن مو خفيفه
ولين الحين رغم انه عدا الثلاث سنوات الا انه بعد يعاني منها شرات اخته
وبالليل يهرشون جلودهم هرررررررررررش
يغمضون والله
الله يشافيهم يارب
وجميع اطفال المسلمين
__________________________________________________ __________
>>>> الرد الرابع :
أنا أعاني من الأكزيما من يوم أصغيره واذكر أروح المدرسة ودوم ويهي أحمر ويحكني او وه معاااااناه. وللحينه بعد و ايدي بعد جافة وايد و تحكني ولازم أسوي كريماتي مال أكزيما تعبت ويوم عرست ما خليت مكان إلا سرته ما شي فايده طبعا تروح بالأدويه و لازم ترجع مره ثانيه و ولدي بعد يوم كمل اربع شهور يالله لعوزني لعوزه الأكزيما في منطقة صد ره و راسه واااايد. دوم كان يحج و كله دم قلبي يعورني بس شو أسوي عالجته كذا مره لين ما وحده يزاها الله خير قالت لي روحي للدكتوره في خور فكان و سرت و قالت لي كل ما كبر بتخف انشالله عطتني أدويه للأكزيما الحمدلله زينه و الله كريم
__________________________________________________ __________
>>>> الرد الخامس :
انا ولدي عمره 6 شهر و متأذي من الاكزيما فديته . ,
كله تحت ريله فالثنيات وآيد فظيعه لدرجة يستوي شرات اليرح المفتوح
لاحظت انه يتحسس من البيض و اشياء معينه اكثر ف ممنوعه علي بما اني ارضعه
https://4arab.xplainer.net/images/smilies/bb/2.png .,
الدكتور قال يوم بيكبر بيخف و بيخوز بروحه و الله يعين .,
بنت عمتي عيالها نفس الشي فـ ابوهم مسك نحلة و تم يغزهم مكان الاكزيما وراحت عنهم سبحان الله ، اقولهم دوروا لي نحلة لولدي
https://4arab.xplainer.net/images/smilies/bb/28.png .,
بس بشكل عام لازم دوم جسمه يكون مرطب عسب ما يجف و يتأذى من الاكزيما
