ولدي والخادمه في الامارات

عنوان الموضوع : ولدي والخادمه في الامارات
مقدم من طرف منتديات الضمير العربي

السلام عليكم خواتي ربي يجزيكم الجنه انا مشكلتي خايفه على ولدي انا حامل بشهر الاول عن طريق الانابيب والدكتوره قالتلي ما اتحرك ابدا عن الشبريه المشكله ان ولدي عمره سنتين ونص والحين كله مع الخدامه هي تاكله وتسبحه وتنومه احيانا وتلاعبه واحيانا ابوه يقعد معاه بس المشكله بدوامه طويل انا خايفه على ولدي وما ابيه يتعلق فيها لان انا من اول ما اعتمد عليها ابدا باي شيء يخصه هي بس شغلها البيت بس الحين اطريت وماعندي حد ممكن يساعدني غيرها شو تنصحوني وممكن بعدين بس اقوم اقدر اخليه ينساها وهو حتى لو قعد عندي ما اقدر اخليه فتره طويله لانه ماشاء الله حركته وايد ويتم يناقز ع الشبريه واخاف يطيح ع بطني الله يخليكم ابى نصايحكم والله تعبت نفسيتي واحس مو فرحانه بالحمل سبه هالموضوع واتم افكر ليل نهار وانقهر بس اطالع ولدي معها ويتعلق فيها ويتم يحبها ع ويها لانها هي طيبه وياه بس انا ما اقدر استحمل بصراحه وبعد ولدي بدايه كلامه ما يعرف يتكلم زين هو تاخر بس الحين بدا يتكلم كلام خفيف ومن استلمت اموره الاحرف عنده نفس كلامها مرات الاحظ عليه لان هي كلامها مكسر العربي وهي اندونيسيه وبعد مرات تعلمه اسماء الحيوانات غلط انا قلتلها لاتعلميه بس ما اعرف شو العمل خبروني ارجوكم وانا بعد اتم ع الشبريه بغرفتيه فوق وهي ولدي دايما تحت ادري طولت عليكم بس ارجوكم ارجوكم ابى نصايحكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله المستعان
اختي لو تقدرين تخلينه عند الوالده او خالته او اي احد ثاني ,حتى ما يتم كل الوقت مع الخدامة يكون افضل

ولو تقدرين تسجلينه بحضانة يكون افضل

وممكن ترتبين غرفة بطريقة يتم الولد معاك بس من دون ما يأذيكي, يعني مثلا يكون بالغرفة سرير لك تظلين ممدده ويكون فيه تلفزيون وامام التلفزيون تحطين العاب ومراجيح للولد وتكون الألعاب محاطه بسور مخصوص للأطفال ,مثل الي بالصوره , اخوي اشتراه لولده من السوق الصيني

https://t2.gstatic.com/images?q=tbn:...vrQpKShlKslqgQ

__________________________________________________ __________

>>>> الرد الثاني :

انا اشوف انه عادي فترة وتدعدي والأطفال بسرعة ينسون..
حاولي انه يكون معاج في الحجرة وهو يلعب والخدامة جنبه وانتي سولفي معاه .. اقريله قصة أو غنيله أو افتحي التلفزيون وخليها تطعمه وانتي شاركيه الضحك والتعليق على الي يشوفه حتى لو ما يفهم عليج بس سقربه منج..
وبالأخير ادعي الله سبحانه وتعالى انه يستودع قلب ابنج عنده ويحرمج من حبه.. وربنا ييسر عليج وتقومين بالسلامة إن شالله..

__________________________________________________ __________

>>>> الرد الثالث :

الله يتمم حملج ع خير
اكبر غلط انج تخلين الخدامة مع ولدج بعيد عن عينج يا حبيبتي
ع الاقل جدام عينج مب بعيد عنج هم تحت و انتي فوق ، شي طبيعي بيتعلق فيها
اذا تقدرين انج تروحين بيت الوالدة هالفترة بس لين يثبت حملج و هناك امج او اختج تداري عليه يكون افضل اذا ما قدرتي فالحل انه يكون قدام عينج لو هي موجودة مش بعيد عنج ، لا تأمنين ع الخدم يا حبيبتي ابدا ... خلي ولدج جدام عينج و لا تخلينها تختلي فيه
ربي يخليه لج و يعينج ع تربيته التربية الصالحة

__________________________________________________ __________

>>>> الرد الرابع :

ليش مغربله عمرج بتفكير
تراج انتي موجوده عنده
واي وقت ناديها خلها تيلسه صوب حجرتج و افتحي الباب و جوفيهم
عادي مكبره الموضوع و مخوفه عمرج وقضيه
حياتنها فيها ازمات اكبر
لا تمين توسوسين ع ولدج وهو بحضنج ..
اكيد بتعلمه اسماء الحيوانات تراه يجوفهم بالتي في حبيبتي ..
انا بنتي ما تقول ماما انا اهني تقول ماما انا اهون هههههه لان خدامتي مشتغله في سوريا و ترطن سوري ذبحتني
و كل ما اقول حقه بنتي شي تقولي ماما ضروري اقولها قولي لازم تقول لا ضروري يعني متلعوزه بلهجتها بس احينا تفهم بروحها و يا الخدامه تقول هون و ياي تقول اهني عادي الاطفال يستوعبون بس انتي راقبيهم و خلج مطلعه دوم ..

و لا تمين تفكير ع الفاضي تراج محتاجه راجه نفسيه لان اطفال الانابيب ع التكه ..

__________________________________________________ __________

>>>> الرد الخامس :

انتي مثلي انا وااااايد انقهر يوم أشوف الشغالة تمسك بنتي ماعرف كيف الحريم يخلون عيالهم عند الشغالات ،، انتي معذورة مضطرة وما عندج حد ،،خليها تشوفه بس جدام عينج انتي كوني معاها بنفس المكان لاتخلينها بروحها وياه ،،