ولدي مايشرب الحليب ابداا اه في الامارات

عنوان الموضوع : ولدي مايشرب الحليب ابداا اه في الامارات
مقدم من طرف منتديات الضمير العربي

السلام عليكم ورحمة الله وبركاته
اشحالكم عساكم بخير
بدخل علطوول عالموضوع
الحين انا فطمت ولدي ماارضعه وﻻ يبا المرضعه ابداا وجربت له كل الانواع من الحليب وﻻ شربه حتى جربت ملكو ومراعي وفرالة ماشرب هذا غير البودرة والله يكسر خاطري ينام بدون حليب كله يشرب عصاير وياكل اكل اداوم وقلبي عنده وهو عمره سنه و4 شهور فطمته ﻻني حامل واايد وايد تعبت رضعته وانا حامل شهرين مت وربي الحين خبروني شو اسوي له والله احزن على ولدي اشغل له رسوم عالفون ويرقد ماشي غير هالشي اللي ينومة ونص الليل يقعد يصييح صيااح انا اصيح وياه ماعرف شو يباا شو الحل ساعدوني للي عندها فكرة
ادعولي خواتي ربي يسر حملي ويخفف عني الوحام

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي انا مريت بنفس حالتج ويابنتي بس انا اجباري طلبوا مني المستشفى اني افطمها وهي بعدها عمرها ثمان شهور لانها كانت مسوية عملية القلب واجباري انها تاخذ الحليب الخاص لاكن ابدا ماتقبلته فصرت اشتري لها الفواكه المهروسه اللي في الغرش واخلط لها بالحليب مثلا اسوي لها ستين مل حليب واحط عليه غرشة فاكهه مهروسه ويصير مثل العصير واصبه بالمرضعه وافتح مصاصة المرضعه فتحة شوي كبيره واشربها اياه لين تعودت وحتى في البيت اصحن لها فواكه مثل الموز والتفاح واحط وياه ثلاث حبات تمر في الخلاط واسوي حليب واصبه عليه واخلطهم ويا بعض واحطه بالمرضعه واشربها اياه واي شي ااكلها اياه اخلط وياه حليب وان كان ياكل السريلاك بتحصلين في الجمعيات السريلاك او السريال اللي بدون حليب اسويه لها واحط وياه حليب ويستوي مب وايد ثجيل ولا خفيف واحطه بالمرضعه واشربها اياه يعني اي شي ااكلها اياه لازم احط وياه حليب حتى الخضرا بعد ماتفورينها حطيها بالخلاط وحطي عليها ثلاث حبات تمر واطحنيه وجهزي مرضعه فيها حليب مثلا ستين ملي وصبي عليها الخضره المطحونه وحاولي اشربينه اياه وان رفض ياخذ المرضعه تقدرين قبل موعد رقاده الخضره المطحونه تحطينها بطاسه وتزيدين عليها حليب وسريلاك بيثجل شوي واكليه بالملعقه لاتعطينه عصاير عشان يتقبل ان ياكل ولما تحسينه تقبل الخضره مخلوطه بالحليب انصحج بهالطريقه فوري له خضره مثل البطاطا والجزر والكوسا والزهره والبروكلي والقرع وشوية عيش بعدين حطيهم بالخلاط وحطي عليهم ثلاث او خمس حبات تمر وملعقة زيت زيتون ورشة حبة السودة واطحنيهم بيستوي عندج كمية من الخضرا المطحونه خذي كميه من الخضره المطحونه وحطي عليها حليب واخلطيهم وحطيهم بالمرضعه وشربيه اياه والباقي من الخضره حطيه بالثلاجه وبعد كم ساعه خذي خذي شويه بعد من الخضره وحطي ماي حار عشان يدفا وحطي عليه سريلاك عشان يثجل واكليه اياه وتقدرين تحطين وياهم شوية حليب وبهد لما ايوع اطحني له فواكه وحطي عليهم حليب وبالمرضعه عطيه وبعد كم ساعه نفس الشي فوري قطع دياي وحطي شويه من الخضرا المطحونه بالخلاط وفوقهم الياي واطحنيهم مع بعض وانتي براحتج اذا بتحطينه بالمرضعه ويا الحليب ولا بالطاسه مع شوية حليب وسريلاك وتاكلينه بالملعقه وبعد نفس الشي خذي كميه من الخضره واخليه مع روب واكليه اياه يعني على طول اليوم نوعي باكله وبكل شي اخلطي له حليب عشان تعوضين عدم شربه للحليب وكل يوم غيري مره بوجبه وحده اخلطي يوم دياي ويوم لحم ويوم سمج واليوم اللي بتحطين له سمج بالخضره لاتحطين وياهم حليب ولا سريلاك بس انتبهي فوري اللحم والدياي والسمج لين يستوي عدل وانتي شوفي شو اللي بيتقبله ولدج اكثر يالاكل بالملعقه ولا بالمرضعه وعطيه اياه وان شاء الله بالهطريقه بتحسين ان ولدج شبعان وان شاء الله بيطول برقاده

__________________________________________________ __________

>>>> الرد الثاني :

وان ابد ماتقبل المرضعه مثل ماقلت اخلطي له الحليب ويا الخضرا بطاسه وحطي عليه شوية سريلاك اللي بالخضرا واخلطيهم واكليه اياه والوجبه الثانيه بعد فواكه مطحونه ويا التمر والحليب وبالطاسه اخلطي وياهم سريلاك بالفواكه واكليه وبعدها نفس الخضره المطحونه ويا الدجاج ولا اللحم وبالطاسه حطي عليهم شوية حليب وسريلاك واكليه اياه ومره اخلطي الخضراله ويا الروب واكليه يعني على طول اليوم نوعي له بس لازم تحفظين الخضرا المطحونه بالثلاجه يعني تقدين تقسمينها في اليوم على ثلاث وجبات وبينهم الفواكه المطحونه وروب بالخيار تبشرينه ناعم وحتى لما تطلعين مكان تقدرين تاخذين وياج خضرا مطحونه بالمرضعه اللي فيها ملعقه ولما ايوع تحطين عليها شوية ماي حار وحليب وتاكلينه اياه وان شاء الله بيتقبل ولدج الاكل ومابتحاتينه ان تعود على هالنوعيه من الاكل

__________________________________________________ __________

>>>> الرد الثالث :

وخلي كمية الخضرا المطحونه بس لنفس اليوم اللي بتفورينها له واليوم الثاي فوري له كميه تكفي لليوم نفسه يعني لاتحتفظين بالخضره لليوم الثاني كل يوم فوري له كميه تكفي ليوم واحد واحتفظي فيها بالثلاجه وكل مابغيتي تعطيه خذي كميه تكفيه

__________________________________________________ __________

>>>> الرد الرابع :

والفواكه تنطحن كميه لنفس الحزه اللي بتاكلينه اياها

__________________________________________________ __________

>>>> الرد الخامس :

لاتنسين الماي دايما بعد الوجبات وبينهم وبعد الفيتامين ضروري وفيتامين د