كل ما تحتاجين معرفته عن تعليم الطفل استخدام الحمام + تجربتي الخاصة.. حياااكم ... ^__^ لعشاق السياحة
عنوان الموضوع : كل ما تحتاجين معرفته عن تعليم الطفل استخدام الحمام + تجربتي الخاصة.. حياااكم ... ^__^ لعشاق السياحة
مقدم من طرف منتديات الضمير العربي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم
انا اليوم بديت اول يوم بتعليم ولدي على استخدام الحمام
حاسة ان الموضوع صعب واااااااايد
شكله يبي وقت كتييييييييير
على كل .. اي ام حابة تبدأ معي ياليت تخبرني عشان نواسي بعض اهئ اهئ
من الصبح صار كمال مسويها على نفسه 5 مرات
حفظتهم من عدد الاندرويرز اللي غسلتهم ><
هو رقد حوالي ساعتين واول ما فتح عيونه ركيييييييييض على الحمام وهناك اول مرة سواها ^^
طبعا الاحتفالات عمت البيت ^^
والله يستر من اللي ياي ...
هذا تقريري لفترة الصبح والظهر للعصر من اليوم الاول وانتظروني بالتقرير المسائي ^^
__________________________________________________ __________
>>>> الرد الثاني :
اسفة تاخرت عليكم بس صدج تعبت تعب مو طبيييييعي
البارحة تم يسويها على نفسه الييييييين الليل
صارت الساعة 10 ونص كنت غاسلة 14 اندروير .. تصدقوووووون .!!!!!!!
وحسيته مو فهمااااان شي ولا عارف القصة شو ....
لبسته بالليل بامبرز كيلوت ورقدته .... وجي انتهى اول نهار مع 4 حبات بندوووووول .. عشان حسيت راسي ينفجر ><
اليوم الثااااااااني
اليوم صحى كمال الساعة 10 وركضت سيدااااااا على الحمام ويوم فتحت البامبرز لقيته نظيييييييييف طول الليل مب مبول ولااااااااا مرة ^^
يلسته على الكرسي وبعد تقريبا 3 دقائق انتظار .. سواها بكرسي الحمام .. والاحتفالات عمت البيت مرة ثانية ^^
بس من وقتها للحين صار مسويها على نفسه 6 مرات ...
بس ترا عقب ما يسويها على نفسه يركض لعندي ويمسك ايدي وياخذني على الحمام اونه بسوي بي بي ><
الله يعييييييييييين
انتظروني بالتقرير المسائي لليوم الثاني ^^
__________________________________________________ __________
>>>> الرد الثالث :
التقرير المسائي لليوم الثاني ...
مازالت الحوادث مستمرة .. بس صرت انتبه ان الولد عنده توقيت معين يعني كل ساعة تقريبا ووقتها يسير بزاوية معينة بالبيت ويسويها
صرت انتبه اكثر واخلي عيوني دااايما عليه والساعة 10 ونص نزل من حظني وركييييض على الزاوية .. وقتها فمت عليه وخذيته وسرت الحمام وسواها بالحمام ...... فرحة رهييييييييييييبة
ماشاء الله عليه ..
المهم ماميز لازم تخلون انتباهكم مركز على الصغارية عشان تنتبهوا لأي حركة يسويها وقت يبا الحمام
ونهارنا جي يكون خلص بأنجاز عظيييييييم بالنسبة لي ...
ولقائنا يتجدد باجر باليوم الثالث من تعليم ولدي كمال على الحمام
__________________________________________________ __________
>>>> الرد الرابع :
اليوم الثالث ...
مازالت الحوادث مستمرة ><
وانا بس امسح هني وانظف هناك .. افففففففف تعببببببببببب ....
على كل حسيت انه بدا يفهم عليي .. يعني عقب ما يسويها يمسك ايدي ويقولي ماما بي بي ... يعني يبا الحمام .. وهذي خطوة كبيرة تدل على ذكاء الطفل ...
اليوم ولدي سواها 3 مرات بالحمام .. و المدة بين كل مرة ومرة صارت منتظمة مابين ساعة ونص وساعتين بس مب اقل من جي ..
وطبعا يحبس البول طول فترة الرقااااد بالليل او النهار وهذا الشي فرحني ^^
__________________________________________________ __________
>>>> الرد الخامس :
اليوم الرابع ...
عدد الحوادث بدا يقل .. يعني صرت انتبه له ويوم احس انه يبي يسوي شي اخذه فوراااااا على الحمام .. مرات يسوويها ومرات لااااااا
الموضوع يباله طولة بااااال وصبر واااااااااااايد
الله يعييييييييين ....
على فكرة من اول يوم بديت معاه للحين وهو ما بال باللليل ولا مرة .. يعني البامبرز نفسه من اربع ايام
بس شكله اللاصق بدا ينتزع
ادعولي ماميز يتعلم بسرعة .. لاني صدج تعبببببببببت ><
