ممكن نصيحتكم ..ومشورتكم..احتاجها
عنوان الموضوع : ممكن نصيحتكم ..ومشورتكم..احتاجها
مقدم من طرف منتديات الضمير العربي
السلام عليكم ورحمة الله وبركاته
خواتي انا بدخل في الموضوع على طول
أنا زوجي الحمدلله ما مقصر معي ..يعني في الناحية المادية وحت طلعاتي يطلعني ويمشيني ويعزمنى على سينما ويوديني نتعشا في مطاعم...
لكن هنالك شيء واحد متعبني
إنه مب رومانسسي، ولا يقول كلام حب ، حتى لما اسويله شي يديد ما يعلق ولا ينتبه..وتعبت وأنا أكلمه وأقوله اني محتاجه منك حب، ويقولي أنا أحبج انزين ظهرلي هذا الحب، بس ماشي فايده
قولولي شو أسوي
كيف أتصرف عشان أقدر أخليه يظهر مشاعره لي ويظهر حبه حقي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والله ياأختي انا نفس الشي مايقصر معاي بشي ابدا بس مش رومانسي وعادي تمررررر ايام وشهوووووووووووووور ولا يصير بينا شي
__________________________________________________ __________
>>>> الرد الثاني :
هذا حال اغلب الازواج ..
لانه عندهم الحب فعل مب قول ..
نحن كحريم نحتاج هالشي بس هم يعتبرون الفعل هو دليل الحب ..
سمعت مرة فوزية دريع تقول ان الريال يوم يحب حرمته يوفر لها كل شي وهذا عنده هو التعبير عن الحب ..
الله ييسر امروكم ان شاء الله ..
^_^
__________________________________________________ __________
>>>> الرد الثالث :
انصحج تقرين كتاب الرجال من المريخ والنساء من الزهرة
وووايد بتستفيدين منه وبتفهمين عقلية الرجل
وبتحصلين حل لمشكلتج
__________________________________________________ __________
>>>> الرد الرابع :
أنا ما أقول غير الله يهديج
احمدي ربج على النعمة اللي انتي فيها
ترا في رياييل ما يسوون حتى ربع اللي يسويه ريلج
وقولي الحمدلله الف مرة
وترا اغلب الرياييل جيه في منهم اللي ما يعرف ايعبر
عن مشاعره وفي اللي أصلا ما يحب أيعبر عن مشاعره
بس مب معناته ما يحبج
__________________________________________________ __________
>>>> الرد الخامس :
انتي قوليله كلام حلو ........ يعني كانج تسكبين الكلام في اذنه ....... وهو منج بيتعلم .....
واغلب الرييايل ترى ما يحبون وايد الرومنسية ....... عن تجربتي الشخصية بقولج ...
في البداية ( سعدت الباشا ) ما كان يقولي كلمات حب وايد وللاسف كنت دايما الح عليه بانه يعبر ..
بس في مرة قال لي ان هذا الكلام عنده لازم يوم يطلع يطلع من خاطره مو بس يكون كلام من الشفايف
وفعلا والله تركته على راحته وكنت احس لما يقول شي يكون فعلا من قلبه ....... يعني كلمة صادقة
من الخاطر يقولها بس مرة في اليوم احسن من ما يسمعني شريط يطلع من دون احساس ........
