مخططي ليله خاصه جدا جدا ... رعاية الاطفال

عنوان الموضوع : مخططي ليله خاصه جدا جدا ... رعاية الاطفال
مقدم من طرف منتديات الضمير العربي

مرحبا بنات ...

تعرفون كيف الحياه تستوي ممله بالروتين اليومي .. و يستوي كل واحد ماله نفس الثاني

المهم انا خططت و فكرت .. و باقي علي التنفيذ ..

وقلت اشاركم بمخططاتي .. عسب الكل يستفيد ..

الليلة عبارة عن دعوة عشاء ...

الأشياء المطلوبه:

بطاقة دعوة للعشاء
لبس خادمة تنكري
عشاء غير عن كل يوم
شموع عطريه
شمعدان
طقم حق الطاولة من مناديل و أكواب و صحون و كل شئ ..
ورود طبيعية .. + ورود ساتان معطرة
جو هادئ جدا ..
مؤثؤات صوتيه .. صوت ماي .. صوت عصافير
نافورة مياه ..
دخان ملطف للجو

الحينه بنتكلم عن جزء جزء ..
بطاقة الدعوة:

انا ناويه اسويها روحي .. هاند ميد .. بس تقدرون تشترونها .. بطرشها مع الدريول لدوامه .. وجي بتكون المفاجأه أحلى ..

العزيمه بتكون اليوم الثاني
يعني يوم الجمعه أحسن إجازه

اللبس:
خذته من ساندي في سوق زايد و فيه منه فرع في المارينا ..
لبس خادمه بس وايد ْXXXXX
و بصوره و بحطلكم اياه .. و سعره بحدود ال 200 الى ال 250 درهم

باقي الأشياء بعدني ما خذتها .. و عندي بعد شموع من قبل .. و شمعدان يمكن استخدمهم اذا ما حصلت شئ أحسن ..

ورود طبيعيه .. ورود ساتان

بستخدمها ع طاولة الطعام و في غرفة النوم ..

بنثر ع الشبرية .. و في كل مكان في الحجره .. و بحط في الحمام .. في البانيو ..

مؤثؤات صوتية ..
عندي CD مشترتنه من اسثتك .. هو مركز تجميل .. واااااااااايد حلو .. و صوت ماااااااي و عصافير .. صدق يريح الأعصاب ناويه أحط في الصاله و في غرفة النوم و الحمام ..

النافوره عندي .. ماخذتنها من هوم أر اس .. و باخذ وحده ثانيه بحطها في غرفة النوم

الدخان الملطف للجو هذا اللي نشوفه في لايف ستايل .. شكله وايد حلو و من متى خاطري اشتريه .. ف ناويه اشتريه حق ها الليله ..

طبعا هو بيكون عنده خبر انه معزوم و في البيت .. فا اليوم الثاني من غير مطرود بطلعه من البيت .. بخليه يهيص و يا ربعه .. و بجهز كل شئ .. عسب يوم ايي ع العشا يتفاجأ

و طبعا ما بقصر بشكلي .. و برويكم المكياج اللي بستخدمه .. و اللبس حلاته انه ايي معاه الكبوسه مال الشعر .. و كل شئ برويكم بالصور .. انشاءالله ... و ما بنسى المنكير و البوت .. و اللماعي على جسمي كامل .. والريحه الحلوه ..

المهم بنكمل بعدين ...

واتمنى من اللي عندها اي ملاحظه ع الموضوع .. تبا تزيد تبا تنقص تتفضل و تشاركنا ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بالتوفيج

__________________________________________________ __________

>>>> الرد الثاني :

الله يوفقج ويسعدج

__________________________________________________ __________

>>>> الرد الثالث :

الله يوفقج ويسعدج

__________________________________________________ __________

>>>> الرد الرابع :

الله الله عليج ربيه يسعدج وانا اتريا الباقي ..... لهفتيناااا شكليه بسرق افكارج حق عرسيه .... https://4arab.xplainer.net/images/smilies/smile.png

__________________________________________________ __________

>>>> الرد الخامس :

ما شاء الله..... الله يسعدج ان شاء الله.... و ننتظر الصور