ربيعتيه تبا ترد لريلها . ساعدوها ؟ لتربية طفلك

عنوان الموضوع : ربيعتيه تبا ترد لريلها . ساعدوها ؟ لتربية طفلك
مقدم من طرف منتديات الضمير العربي

مرحبا يا حلوات يا بنات احلى منتدى


بدخل في الموضوع على طول .........


هذي الله يسلمكن ربيعتيه الروح بالروح ... متزوجة من 5 سنين لكنها تمت سنه وحدة بس عند ريلها و الباقي بيت اهلها معلقة مب طايع يطلقها ولا يردها

كانت امبينهم وااايد مشاكل عسب جيه طردها و سارت بيت اهلها من اربع سنين


و تقول الحين تبا تردله ..... طرشتله مسج انها تبا تتفاهم وياه بس ما رد عليها و الحين صارلها اسبوع اطرشله مسجات اعتذار رومانسيه شوي عل و عسى يرد عليها ولا يحن قلبه عليها


تقول انا لو عليه عادي بتطلق ولا يهمني بس تقول انه ولدها غامضنها و تحسة محتاج لابوة و تشوفه يوم يشوف خواله ويا عيالهم تقول شكله جيه يبين انه يغار و حاس بالفرق


ف تبا منكم طرق واشياء تسويها و مسجات حلوة عسب تقدر ترد ريلها الها ..... على فكرة ريلها يموت فيها بس يكابر


ف ياليت اتساعدونها لان انا ما في بالي افكار ف مب قادرة اساعدها

الخير و البركة فيكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

معقولة اربع سنين لا هي مطلقة ولا هي متزوجة؟؟؟؟
والله كبيرة عند رب العالمين الله يهديهم ويريح بالهم...دومها تبى تردله تشد الهمه وتشغل والوسايط
والله يلم شملهم يا رب

__________________________________________________ __________

>>>> الرد الثاني :

الله يجمعهم إن شاءالله ..
وإن شاء الله البنااات يفيدوونج

__________________________________________________ __________

>>>> الرد الثالث :

كيف يمووت فيها وهو مخلنها عند اهلها 4 سنين ,,,, شي ما يدخل العقل
وخليها تدعي في صلاتها ان الله يهديه ويرده لها ولولدها والسمووووحه

__________________________________________________ __________

>>>> الرد الرابع :

4 سنين مب شوي!!!
ماعرف لهالسوالف وايد، بس ماظن شوية مسجات بتنفع، السالفة يبالها نقاش وتفاهم..... صح يمكن شوية دلع وذكاء من الحرمه بعد https://4arab.xplainer.net/images/smilies/wink.png

أعتقد انه الأحسن لو حد من اهلها ابوها مثلا ولا اخوها يتفقون وياه على موعد ايي البيت ويرمسونه
ويحاولون يصلحون ما بينهم.. ويبينون انها مستعدة تحاول
ولا اذا ما صار يتم الطلاق "ولا انها اتم معلقة"
بس انشالله يتفاهمون وتتصلح امورهم ويردون لبعض..... ^_^ والله يوفقهم انشالله

__________________________________________________ __________

>>>> الرد الخامس :

)(تمت سنه وحدة بس عند ريلها و الباقي بيت اهلها معلقة مب طايع يطلقها ولا يردها )!!!!!!!!!

>>(على فكرة ريلها يموت فيها بس يكابر )..

اشوف تناقض كبير في الكلام والتصرف.. مستحيل ريال يحب حرمته يتركها بيت اهلها 4 سنين ويخليها معلقه ..يمكن

هي شافته انه مصمم انه ما يطلقها وتحسبته يموت فيها عقولتج...

االلي اعرفه ان الريال هو اللي يركض ورا الحرمه عشان تردله .. وربيعتج المسكينه تطرشله مسجات وهو حتى مو

معبرنها؟؟ شو تتريا أكثر من هالاهانه؟؟ والمصيبه انه هو طاردنها من البيت يعني مو هي اللي طالعه بكيفها..

حتى لو الموضوع يخص ولدها.. يعني نفرض رجعتله .. المشاكل بترد بينهم .. وبيعيش الولد في بيئه ممكن تعقده

نفسيا.. والمصيبه لو يابت عيال زياده .. بتشل همهم وبتندم انها رجعتله ..وححزتها بتشل ذنب اكثر من طفل في رقبتها ..

هذا رايي .. ومجرد وجهة نظر...

عالعموم خليها تتأكد ان الرقم اللي تطرش عليه هو رقم ريلها ولا يمكن نطلع ظالمين الريال وهو مغير رقمه او عاطنه

لحد...