%&% لـــحـقـــوا عـلـــي يــاحـــريـــم %&% عالم الامومة
عنوان الموضوع : %&% لـــحـقـــوا عـلـــي يــاحـــريـــم %&% عالم الامومة
مقدم من طرف منتديات الضمير العربي
هلا أخواتي وحبيباتي
كل وقتي أقضيه في هالمنتدى الرائع وأعيش بين صفحاته وأتخيل نفسي في عالم ثاني...أنا متزوجة وصارلي 3 سنوات وأعيش حياة أحزان وندم ليش تزوجت ؟؟؟
دايما أردد هالسؤال في قلبي ليش تزوجته كنت شحلاتي بيت أهلي لا هموم ولا مشاكل وكنت عايشه بين أخواتي وأخواني وماأحس بالوحده ولا بالضيق ولا بالحزن وبس في النهايه أقول الحمد الله...
أول ماملجت كانت حياتي كلها أفراح ولا يوم كنا نتزاعل وكأننا عايشين عالم ثاني وكان بس شهرين والشهر الثالث كان العرس وقالت الحمد الله رزقني بالرجل إلي كنت أحلم فيه طول عمري...
أول مابدينا حياتنا الجديده وكان اليوم الثاني من زواجنا يطلع أول ماياأذن المغرب ويروح يصلي بس مايرجع البيت وأنا أترياه لأني كنت في مدينة ثانيه يعني بعيد عن أهلي بوايد وفي غربه وتخيلوا تميت أنتظر وأنظر وأنتظر على أمل أنه أستوى طارىء وبيرجع وبيتأسف على التأخير وجسلت في صالة البيت من الساعه 6 إلى الساعه 1 بالليل ودخل البيت وكأن شي ماصار وعذرته !!!!!
وجا اليوم الثالث والرابع والخامس وكان على نفس الروتين يطلع ويرجع بالليل وكنت عايشه في سجن بين غرفه وصاله وحمام ومطبخ كلهم لا يتجاوزا 6 أمتار وماكان في تلفيزيون ولا مجلات ولا مسجل ولا تليفون...
وكل يوم أكلمه في الموضوع وأفهمه بس يردد هالكلمات أنا ريال وإنتي مره
بس ويعصب ويطلع في الحوش ويدخن ويدخن وكأني أنا غلطانه؟؟؟؟؟
وجربت حركات كثيره في تغيير الحياه الزوجيه بس ريلي مايتغير قال هذا طبعي ومستحيل أغيره لين ماأموت وأول ماأناقشه تبدا المشاكل ؟؟؟؟
بصراحه بديت أشغل نفسي في الرسم.....بس أحس نفسي عايشه بروحي..لأنه يقوم يروح الدوام ويرجع يتغدى وينام ويطلع ويرجع يتعشى وينام بس هالروتين من ثلاث سنوات.....
أريد أسمع أرائكم ونصايح المتزوجات إذا كان ريلج جذيه كيف تتعاملين وياه...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ليش ما تشتغلين ؟؟ او زوري ربيعاتج يرانج
سوي عزيمه لربيعاتج بين فتره وفتره
جاملي وسيري عزايم اهلج
لا تخلينه يقطع علاقتج بالعالم
وليش ما عندج تيلفون ؟؟ الله لا قال صابج شي كيف بتصرفين احس التيلفون والموبايل واايد مهم في حياتنا
__________________________________________________ __________
>>>> الرد الثاني :
الله يهدي ريلج ان شاء الله وايسر اموركم يارب
ويرجع لج مثل ما تبين تتهنين وياه يارب ,,,,
عليج بدعاء والاستغفار الغاليه وان شاء الله
بتشوفين انه تغير ...
__________________________________________________ __________
>>>> الرد الثالث :
الله يسعدكم ويسخر لج زوجج
ادعيله خاصه بالثلث الاخير من الليل وفي السجود
الله يهديه يارب
__________________________________________________ __________
>>>> الرد الرابع :
الله بعينج بس اقول لاني انا مرة بنفس الموقف بس من ربيت ان شغلت الحمدالله ولا اسويله ساااااااااااااااااالفة
__________________________________________________ __________
>>>> الرد الخامس :
كيف عندج نت ولا عندج تلفون؟؟
الله ييسر امرج ويهدي ريلج..
