عيّن ماصلت ع النبّي ..! رعاية الاطفال
عنوان الموضوع : عيّن ماصلت ع النبّي ..! رعاية الاطفال
مقدم من طرف منتديات الضمير العربي
السلام عليكم
بنات بخبركم بموضوعي
انا كنت حامل واجهضت وحملت على طول بعد مااجهضت
المهم خبرت زوجي واستانس وقال بيخبر امه
المهم من 3 ايام كنت سايرة بيت اهل زوجي وكلهم كانو متجمعين
الا كلهم يباركون لي وفرحانين
شوي الا معاهم وحده هي تصير ربيعه ام ريلي
الاتقول: مب حرمه ولدج توها عاااقه.!
الاتقول امي زوجي هيه وحملت حمدالله
شوي الاتقول الحرمه :زين هي شلون حملت وهي كانت مسافره
مكه معاكم بعد مااجهضت
اعنبوووهاااا على طوووول ياحافظ !!!!!
انا انصدمت ماعرفت شو اقول
وام زوجي قالت لها قولي ماشاء الله تبارك الرحمن وبعدين عيب هالكلام وخلاص مالج دخل فيهم
المهم تهاوشت معاهااا وسارت الحرمه بيتهاا
وعقب ام ريلي تقولي ماعليج منهاااا وان ليتنا ماتكلمنا جدامهاا
وعقب خبرتني ان ولد هالحرمه صارله متزوج 4 سنين وبعدها مرته ماحملت
بعدين يوم سرت بيتي كنت وايد متضايقه
وخبرت زوجي
الايقول امي ليش تتكلم كله منهااا لو ماتكلمت جان محد درى
والله بنات مااكذب عليكم صرت مااحب ارقد مع زوجي
ولااحب اكلمه
ويوم يكلمني ماارد عليه
وصرت ارقد بالغرفه الثانيه
مااعرف من شووو
ساعات اقول يمكن من الحمل وساعات اقول يمكن عين من هالحرمه
لان من رجعنا البيت وانا حالي معتفس فوق تحت
حتى اكل مااكل شي الا اشياء بسيطه
والله مب عااارفه شسوي
وامس ريلي عورلي قلبي يقولي لين متى بنتم جي
انا مااقدر اقعد بدون ماتسولفين وتضحكين واسمع ضحكتج
حياتي ولاشي بدونج
وانا ولااقدر ارد عليه
وقعدت اصيح من قلب..
وبعدها سرت ارقد الغرفه الثانيه
شوي الا حسيت ان حد يايي عدالي ع السرير
وانا سويت روحي نايمه
قام ورقد ع الكرسي
ويوم شفته جي قعدت اصيح على مخدتي..
اليوم احس اني شوي احسن
بس مب عارفه من شوو متغير حالي
بنات تتوقعون عين والله اني خايفه
اخااف اتم جي على طووول وريلي يتعب وياايه
نصحوني دخيلكم ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يهداج يالغاليه...ممكن تكون عين وممكن يكون من الحمل ...بس لو استمريتي جي ريلج بيطير عنج
ترى البنات الي ما تخاف الله وايد
__________________________________________________ __________
>>>> الرد الثاني :
ختيه هذي بدايات الحمل .. والوحده اتكون كارهه كل شي حوله
حاولي تصبرين .. واقري قرآن وصلي دوم واذكري الله ونفسيتج بتتعدل يوم عن يوم
ولازم اتوصلين حق ريلج انه هالشي مسأله وقت .. وخليه يستحملج هالفتره
وقوليله انها مرحله وبتعدي .. وانتي ربي اييسر امورج ويثبت حملج ان شالله
__________________________________________________ __________
>>>> الرد الثالث :
أختي اقرائي سورة الكرسي كل يوم الصبح والمساء لانها تحفظ الانسان من العين
__________________________________________________ __________
>>>> الرد الرابع :
حبيبتي لو كان شاكه انها عين خلي ام ريلج تعزم الحرمه في بيتها وتقهويها انزين وتقدم لها اكل على اساس انها تاكل بايدها وبعدين خليهم يقدمون لها الغسول تتغسل فيه مش تروح الحمام ونبهي عليهم ييودون لج الغسول لانها إذا كانت معينتنج هي بغسولها بتروح العين عنكم وعن تجربه خذي الغسول وتغسلي به انتي وريلج مسحو روسكم وغسلو وجوهكم وايدكم قد ما تقدرون توصلون والله يشفيج
__________________________________________________ __________
>>>> الرد الخامس :
الله يهديج لو من الحمل ولا من العين كثري من قرايت سوره البقره واستغفار وحاولي كثر ما تقدرين تمنعين نفسج من البعد والصد ترى عقب راح تندمين
