تعبت نفسيتي من هالريل المومة و الطفل

عنوان الموضوع : تعبت نفسيتي من هالريل المومة و الطفل
مقدم من طرف منتديات الضمير العربي

السلام عليكم شخباركمـ

حريم بغيت اطرح عليكم مشكله اختي وصديقتي ..>>المهم ما علينه

هيه معرسه من 3سنين وريلها مثل ما هو ما تغير كل مرة يقولها صبري علي وان شا الله بتغير

المشكله انه ابد ما يهتم فيها وله يهتم بشي يخصها يعني الوحده ليش تعرس
محتاجه احد يسمعها احد ينصحها يكون له الاب والزوج والاخ
هيه مسكينه يتيمه الاب والام وعندها اخو واحد بس معرس ومنشغل ويه حرمته وعياله

يعني يوم تزوجت كانت تتمنى تلاقي شخص يعوضها عن كل الي ناقصنها

بقولكم مثال عشان تفهمون كيف وضعها :

اي مناسبة تمر عليهم ابد ما يذكرها ولو هيه ذكرته يخلي عمره ما سمع

شغله بالشفتات ( يعني يومين عندها ويومين بالدوام ) ابد ما يتصل لها واذا رسلت له مسج وله اتصلت ما يرد عليها ويتعذر ويقول كنت راقد وله تلفون صامت وله اي شي

مثلا ترسل له مسج تقوله اريد اكلمك اليوم ضروري وله يرد عليها ..بعدين يتعذر يقول سوري ما قريت المسج عدل

كل ما تقوله كلام حلو يقولها انتو الحريم بس تحبون شي اسمه الكلام الحلو ..مب لازم ابين لج تره حبج بقلبي

وكل سنه يسافر مع ربعه والمشكله يقولها انا ما بسوي شي قبل موافقتج بس بالاخير يروح ويسوي الي براسه سواء هيه وافقت وله لا

يوم تخرجها وله عبرها وله حتى قالها مبروك لمه ذكرته طنش وخله عمره ما يسمع ..

تمرض مسكينها بالايام وله يداريها وله يهتم فيها ..لو هو بتسهر عليه واداريه وبتحاتيه في الروحه والييه

مسكينه عيزت معاه ما خلت شي ما سوته له وكل مره تحاول تكلمه ويقولها خلاص اخر مرة ما بعيدها ويرد نفس الاسلوب

انا نصحتها وقلتلها عامليه مثل ما يعاملج يمكن يتغير

بعدين قلتلها صبري بشاور بنات المنتدى يمكن حد يقدر يفيدج

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اول شي عندها عيال والا لا؟

__________________________________________________ __________

>>>> الرد الثاني :

انا رائي من رايج تعامله شرات ما يعاملها

__________________________________________________ __________

>>>> الرد الثالث :

عامليه شرات ما يعاملج
بس لاه حق شو تحرق اعصابها خل اطنشه ولا بتتعب واايد وبتتلعوز

__________________________________________________ __________

>>>> الرد الرابع :

شكله ما يحبها والله اعلم

اللي يحب ما يسوي جي

__________________________________________________ __________

>>>> الرد الخامس :

الله يعينها ربيعتج..
يكون هالفترة تعاملة مثل ما يعاملها.. عشان تشوف اذا بيحس بشي او لا.. واذا ما حست في تغيير يكون احسن تدخل اخوها في السالفة عشان يرمسه.. بصراحه اذا تمت على هذا الموال طول عمرها نفسيتها بتتعب وايد.. وما اقول غير الله يكون في عونها ويصبرها ويوفقها مع ريلها..