السحر وام الزوج رعاية الاطفال

عنوان الموضوع : السحر وام الزوج رعاية الاطفال
مقدم من طرف منتديات الضمير العربي

السلام عليكم ورحمه الله وبركاته

شحالكن خواتي ..

حبيت اطرح لكن قصه ربيعتي والله قلبي عورني عليها هي انسانه وايد زينه واهلها ناس زينين والله الشاهد عليه اني ما امدحها لانها ربيعتيه وع فكره انا عرفتها عقب عرسها
بصراحه طاحت في يد هل زوج ظالمين ويحسبون الدنيا دايمه لهم..

عمر زواجها بعد فتره بيصير سنتين .. اثمر زواجها عن طفل وطفلها الثاني في أحشائها .. زوجها انسان هادي ماله خص في حد وكان يروح عنها طول الاسبوع العاصمه ويرجع بالخميس تقول يوم كان يكلمني في الفون انسان ثاني ويوم يرجع احس انه راسه ممزور علي وكانت تسعى هي وبناتها بانه ما يقعد معاها ويوم تقول لعمتها بانه يسهر لين الصبح برى البيت تتم تقول لها لا تضغطين عليه وخليه ع راحته .
.في شهر 12 خلته يرجع البنت وولدها وولدها كان مريض ورجعهم عند اهلها والبنت ماتعرف بانه ناوي يطلقها ومن وداهم ولا سال عنهم وهي البنت تعرف بانه زوجها ما يتصرف بشي بدون ما تتدخل امه فيه لدرجه كانت تدخل حتى في خصوصياتهم والبنت كانت تعرف وتسكت علشان ولدهاا .. هي كلمته وحاولت معاه تم يصارخ عليها ويقولها انا اشووفج مثل اختي !!!! (( كيف مثل اختك ويايب منا عيال )) !!

وامه تقول لاهلها سكروا تلفونها وخذوا عنها علشان ما تزعج ولدي !!!!!!
بعد تمت تقول انا مابجبر ولديه على شي مايريده وربيعتي يوم كانت تكلمه يقولها انا ولديه مابقطعه وبيب له بدال الخدامه ثنتين وبااي كل فتره اشوفه وكل هالكلام اللي قاله ولا صار منه شي حتى ولده قطعه ما ايي يشوفه ..
اريد اعرف الخدامه كيف تعوض مكان الابوا ؟
,, الحمدلله والشكر عقلياتهم مادري كيف ..

المهم كل الناس اللي يعرفون ربيعتي ويعرفون اللي ماخذينها يقولون كل هذا صار لانه بناتها يغارن من زوجه اخوهن لانها راعيه بيت ومحتشمه .. مع انه اخوهن الكبير بعد متزوج بس لانها تقرب لهن ماسون لها كل هالمشاكل .. وكل من عرف سالفتهم قال لام البنت حتى اهل ريلها وربايع عمتها يقولن لام البنت..
انتي ماتعرفين انه (( فلانه )) ام زوجها راعيه سحر وطبوب وكل الناس تعرفها كيف انتي وافقتي انهم ياخذون بنتج .. ؟
و ترد عليهم ام البنت ,(( ماكنا نعرف عنها انها انسانه ظالمه وتمشي في هالطريق والله ياخذ حق بنتي من بيتهاا ومن بناتهاا ومن كل من ظلمها ))

في الفتره الاخيره عرفنا وانا بالذات عرفت عنها ان بناتها ثنتين ازواجهن ما يريدونهن وزوج بنتها الثانيه ينتظهرها تولد علشان يطلقهاا ,,

المشكله انه ام الزوج ظالمه ومتجبره وماتعرف بانه كل اللي يصير في بيتها وفي بناتها من ظلمها وسعيها بالسحر والشعوذه في التفريق بين ولدها وزوجته وعياله ,,

الحين ام الزوج بعد ماسعت بطلاقها مع انه الزوج يريد عياله وحرمته الا هي كل يوم مسويه له شي عشان يكره عياله وحرمته اكثر وتسعى بانه يعرف بنات ويتكلم معاهن ويطلع معاهن عشان ينسى حرمته وعياله وهي ماتعرف بانه بالاصل ولدها مريض وفيه مرض كانت زوجته تعرف عنه بس وكان طالب منها انها ماتخبر حد عنه بس هي كانت صابره تقول هو انسان زين ورب العالمين بيعفو عنه ..




الحين نتيجه ظلمها عندها بنات مب متزوجات وكل من سال عنهن وعرف بانها انسانه ظالمه يقول لا خلاص غيرنا راينا نخاف تسوي شي لعيالنا
.. يعني امهم اللي خربت حياتهم
وعندها بنات متزوجات وحياتهم مب زينه وكلها مشاكل ..


وكل ما اقول لربيعتي سيري ارفعي عليهم قضيه رد اعتبار ع اللي سوه فيج يابوا اغراضج وفرها عند الباب جنهم عاقين زباله ويطعنون في عرضج وشرفج تقول لي اللي الله كاتبنه بيصير وحسبي الله ونعم الوكيل هي عندها عرض والله بياخذ حقي .. تقولي وانا اتريا لين اربي وعيالي الله خلقهم وما بينساهم ..

يوم يابوا اغراضها هي رجعت طرشت الااغراض اللي ماتخصها لهم من خوفها ام الزوج لانها هي تسوي سحوور وطبوب سارت وودت الاغراض المزرعه وحرقتهم لانه تفتكر ربيعتي مسويه لها شي ,, ربيعتي تقول اللي مريحني كل الفقراء والمظلومين اللي هي ظلمتهم يدعون عليهم حتى دريولهم يوم ياب اغراض ربيعتي يقول والله انه ام الريال مب زينه ..

انا ما كتبت قصتها الا اني اعرف اللي يسعى لسحر والشعوذه خارج من رحمه الله ويعتبر من المشركين بالله
كيف ام تدعي بالدين وبناتها بعد وانهم كل يوم يقرون ويصلون
,, هل هو رياء ولا علشان الناس ماتشك فيهم ..

ربيعتي وعيالها مظلومين اتمنى منكم دعوه بانه الله ياخذ حقها هي وحق عيالها من هالام وبناتها الظالمات وكل من سعى بالتفريق بينهم ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله المستعان

__________________________________________________ __________

>>>> الرد الثاني :

الله يعينها ويفرج عنها

خليها تقرا البقرة كل يوووم والاذكار وان شالله يرد عليها زوجها وويوفق بينهم

__________________________________________________ __________

>>>> الرد الثالث :

اللهم فرج عنها وعنا
فرجا عاجلا قريبا
والله ياخذ حق كل وحده انظلمت بهالدنيا
والله المستعان

__________________________________________________ __________

>>>> الرد الرابع :

الله يعينها والله على هالعمه ..

والله يبعد عنها السحر ان شاء الله ..

حسبي الله ونعم الوكيل فيها ..

__________________________________________________ __________

>>>> الرد الخامس :

الله يرد كيدها في نحرها يارب