طريقة عمل رولات التوست بالجبن سريعه بالصور معجنات

عنوان الموضوع : طريقة عمل رولات التوست بالجبن سريعه بالصور معجنات
مقدم من طرف منتديات الضمير العربي

8 قطع توست منزوع الأطراف
قرص بيض مقلي
شرايح لانشون
جبن سلايس
قطعة هوت دوغ
مايونيز - خردل - جبن كاسات
بيض و بقسماط للتغميس

أول شي، أنا فرشت ورق نايلون على الكاونتر عشان أبدأ الشغل!
و جبت قطع التوست، و رقيت كل ثنتين مع بعض...

شوفوا الصورة...


https://www.hayah.cc/forum/imgcache/173139.png

ثبتوا الأطراف على بعض و رقوهم زين..
اللي عاليمين رقيتها، و اللي على اليسار قبل الرق!
و بكذا بيصير عندكم 4 شرايح توست مستطيلة الشكل!

الحين نجي للتطبيق!

هذي مقاديرنا اللي بنستخدمها للحشوة...

https://www.hayah.cc/forum/imgcache/173138.png
البيض أنا بهرته بملح و فلفل بعدين قليته قرص دائري كبير و قسمته بالنص... و الهوت دوغ شويته قبل ما استخدمه بالطريقة، و ممكن تقلونه!

أول شي نجيب شريحة توست (هذي الطبقة الأولى) و ندهنها إما بالمايونيز أو الخردل أو جبن الكاسات حسب الرغبة (أنا نسيت أدهن التوست)، بعدين نحط نصف قرص البيض...

https://www.hayah.cc/forum/imgcache/173140.png
فوقه نحط شريحة توست (هذي الطبقة الثانية) و ندهنها نفس الشي، و بعدين نصف فوقها المرتديلا...

https://www.hayah.cc/forum/imgcache/173141.png
و فوق اللانشون نحط شريحة توست (الطبقة الثالثة)، و ندهنها، و نحط النص الثاني من قرص البيض و فوقه شرايح الجبن السلايس!

https://www.hayah.cc/forum/imgcache/173142.png
الحين نجي لآخر خطوة!
نحط آخر شريحة توست (الطبقة الرابعة)، و ندهنها و فوقها قطعة الهوت دوغ...


https://www.hayah.cc/forum/imgcache/173143.png
الحين بمساعدة ورق النايلون، نلف شرايح التوست المحشية بالطول، و نشد ورق النايلون عليها عشان ما تنفنح أو تتشقق!
و هذا شكلها بعد ما لفيتها...

https://www.hayah.cc/forum/imgcache/173144.png

خلوها على جنب، و جهزوا صحنين، و احد نخلط فيه بيضة، و الثاني نحط فيه بقسماط، و نجهز مقلى كبير و نذوب فيه قطعة زبدة صغيرة و شوي زيت...

بعدين نفك ورق النايلون و نغمس الرول بالبيض بعدين بالقسماط...

https://www.hayah.cc/forum/imgcache/173145.png

و نحمرها في المقلى اللي جهزناه، قلبوها عشان تتحمر من كل الجهات... و ننتبه ما تكون النار حامية كثير، خلوها أقل من الوسط عشان نتأكد إن الرول يسخن زين و إن الجبن يذوب!

https://www.hayah.cc/forum/imgcache/173146.png
و هنا بعد ما قليتها...
https://www.hayah.cc/forum/imgcache/173147.png
الحين قطعوها بسكين حادة، أنا طلع معاي 6 شرايح!

و هذا شكلها، و قدمتها مع الهاش براون

https://www.hayah.cc/forum/imgcache/173148.png

بالهنا والشفا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وااااااو روعه يعطيك الفات عافيه


يسلمو

تقبلي مروري

__________________________________________________ __________

>>>> الرد الثاني :

شكرا حبيبتي على المرور

__________________________________________________ __________

>>>> الرد الثالث :

روعة وصفة مميزة
تحياتي

__________________________________________________ __________

>>>> الرد الرابع :

تسلم الآيادي ياقمر

__________________________________________________ __________

>>>> الرد الخامس :

ييييييييم ودي اكلو بدون ما احط بالبيض وبعدين بقسماط واغليه ودي اكله كذا ع طوول

تهئ >> حدها جووعاانه

يعطيك العافيه