حبينا؟حرام ؟بنتزوج؟ بعد حراااااااااااام !!! المومة و الطفل

عنوان الموضوع : حبينا؟حرام ؟بنتزوج؟ بعد حراااااااااااام !!! المومة و الطفل
مقدم من طرف منتديات الضمير العربي

السلام عليكم ورحمة الله وبركاته

تعرفت على واحد بالصدفه في السفر مع اني كنت ارفض فكره الحب قبل الزواج كن قدر الله وماشاء فعل .. اول ماشفته حسيت ان هذا هو الانسان لي بكمل حياتي وياه وهو هذا فارس احلامي

ماكلمته في التيلفون بس كنا لما نتلقي في الحرم الجامعي كنت اسولف وياه وعقب كل واحد يروح في حال سبيله .. كان ياي ويا ولد عمه يدرس ويانا .. تم تقريبا مده شهر وعقب رد البلاد

ويوم رد زاد حنيني له واشتياقي له ... تشجعت واتصلت به لاني خلاص تعودت علىيه كل يوم لازم اسمع اخباره وهو بعد

سالني متى بتردين البلاد قلت له التاريخ الفلاني قال لي شوفي يابنت الحلال انا حبيتج صدق ومن خاطري وانا بتقدم لج اول ماتردين

وبالفعـل يا بنات يا وخطبــني وكان يووووووووووووووم الكل يحسدني عليه لانه ولد ناس لكن لي صدم هلي وانا وياهم انه الريال معرس وعنده ولدين !!! لكن مشاكل بينه وبين زوجته وايده ودوم وياها بضرابه

وامه لي خبرت امايه انه معرس وهالامور قبل مانحن نسال ونعرف .. نحن ماكنا ندري وانا ماكنت اعرف بالهشي

الله الشاهد اني ماكنت اعرف انه معرس ,,, حبيـــــــــــته واحس انه هو حلم حياتي..

هلي مب موافقين ... وهو متمسك فيـني وانا متمسكه فيه ..

شورن عليا يا بنات شو الحل ؟؟

اسمع كلام هلي وانساه وارفض ..؟؟ ولا اتمسك فيه واواجه الكل عشانه ؟

امي تقول لو ابوج وافق غصب عنه مب عقب يوم تصير مشاكل بينكم تدخلينا في الموضوع ؟ واختي تقول بيشبع منج وبيرد حق ام اعياله ؟؟ انزين انا بعد بكون حرمته وام اعياله ؟؟؟


لييييييييييييييييش هلي مايبوني استانس مع واحد انا احس اني بكون اسعد انسانه وياه ؟؟

حطوا نفسكم في مكاني واتريا اجوبتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الغاليهـ استخيري .. بس ما انصحج تاخذين واحد معرس !

__________________________________________________ __________

>>>> الرد الثاني :

هلا حبوبه
اشحالج ؟ نصيحه مني لج لا تتبعين قلبج تبعي عقلج
فكري بعقل حبوبه مثل ما قالت اختج اخر شي بيرد حق ام عياله
و بعدين حطي نفسج مكان زوجته شو بيكون شعورها حرام
لا تخربين حيات انسانه ع حساب سعادتج والله
فكري بعقلج مب بقلبج

__________________________________________________ __________

>>>> الرد الثالث :

ما انصحج تاخذيه اولااا معرس وبعدج ما تعرفي عليه عدل
واهلج مب موافقين عليه اكييد لمصلحتج ....

__________________________________________________ __________

>>>> الرد الرابع :

طبعن اول استخيري واللي الله كاتبنه بيصير


بس انا عن نفسي مانصحج تاخذين معرس... مب عشان حرمته وحرام وبتزعل وحطي نفسج مكانها ومن هالكلام بس لانه بتدخلين متاهه ومشاكل انتي في غنى عنه

واغلب الي ماخذين 2 عايشين ف مشاكل

وانتي بعدج صغيره ولاحقه عالعرس وبييج الي احسن منه ان شاء الله,,

__________________________________________________ __________

>>>> الرد الخامس :

اختي لا تدخلين عمرج بمشاكل انتي بغنى عنها

يوم بتتزوجينه حزتها بتحسين بنار الغيره والضره وبيروح الحب وبتقولين ليتني ماتزوجته

لا تتبعين قلبج فكري بعقلج

اول شي حطي نفسج بمكان زوجته .. شو بيكون شعورج ؟؟ قلبج بيحترق ؟؟

هل انتي مستعده تكونين زوجه ثانيه ؟؟

تتحملين انه حد يشاركج فيه ؟؟ يوم عندج ويوم عندها ؟؟ وطبعا المشاكل من صوب ؟؟

حلاته ريلج يكون ملكج انتي وبس ..

وانتي بعدج صغيره والحياه جدامج ..

بالاخير انصحج بالاستخاره ,, وارجع اقولج فكري بعقلج .. والله يوفقج