طفرت من عيالي لتربية طفلك

عنوان الموضوع : طفرت من عيالي لتربية طفلك
مقدم من طرف منتديات الضمير العربي

السلام عليكم ورحمة الله وبركاته
حبايبي حبيت اقول لكم مشكلتي الي اعاني منها وايد في بداية الامر مثل كل ام تراعي عيالها وتحبهم وما تخلي شئ في خاطرهم ودايما افكر فيهم واخاف عليهم وايد واحبهم وايد وايد وايد بس الحين من كبرو احس مالي خصوصية في غرفتي من ادخلها بعد الدوام القا الكل داش واري الي متسدح على الشبرية الي يدور شئ في كبتي افصخ ثيابي موجودين اتسبح يحوسون في الحجرة احس ريلي يتضايق الحبيب يبي يحس بالرومانسية مافي فايدة من نسكر الحجرة شوي تدقديق على البيبان يعني افكارنا تتشتت واصغرهم يصيح عند الباب يكسرلي خاطري واحس ريلي يتنرفز وما عندنا حد قريب من الاهل بوديهم وبعدين انا اصلا ما احب اودي عيالي عند حد اخاف واااايد عليهم وما حب يقولون لي ولدج سوى ولدج كسر كافة خيري شر عن حد واحسهم يكسرون خاطري ومب عارفة شو الطريقة وياهم ابيهم يستقلون عني خلاص ازعاج ازعاج من اكبرهم لاصغرهم اكبر واحد عمرة 16 واصغرهم عمرها 2 سنتين وعلى فكرة من اروح مكان وارجع احسهم مفتقديني وكل واحد يالس في صوب ونعسانيين ومن ايي يبتدي النشاط فديهم والله واعاني بعد من اني ما اقدر البس شئ شخلعة يعني خخخ الا وملاحضين واحسهم يفهمون مب نفس قبل صغار وبعد يوم اشوف افلام بنتي لازقه لزقه في الي اشوفة تشوفه الي اكله تاكلة وبعدين انا احب اشوف الافلام الهندية والرومانسية واموت من القهر ليش يالسة بنتي العودة تشوف وياي اخاف اقولها افتح عيونها على هذا الشئ تعرفون انتو الافلام الهنديه عااد
بس جذي بخسر زوجي وراحته اذا تمو جي عطوني الحل الله يخليكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لا حول ولا قوة إلا بالله

غاليتي https://4arab.xplainer.net/images/smilies/smile.png

مشاعر الأمومـة شي كبير ومب أي حد يقدر يستوعبه

لكن اي شي اذا زاد عن حده انقلب لضده

ما تقدرين تخسرين نفسج عسب تربين عيالج

لإن فاقد الشي لا يعطيه https://4arab.xplainer.net/images/smilies/smile.png

عسب تحبين عيالج لازم تحبين نفسج وتهتمين فيها وفي خصوصيتها

وريلج طبعا بيتفهم لكن لازم انتي تقودين عيالج بدون إفراط

لا تنقلبين عليهم مرة وحدة وتمنعيهم من دخول الغرفـة

وانما سوي لهم برنامج يومي يشغلهم باللي يفيدهم حتى يوم تكونين بالبيت

بالتدريج نقصي من دخولهم لغرفتـج

وخلي غرفهم أماكن تجذبهم أكثر https://4arab.xplainer.net/images/smilies/smile.png

انتي أمهم وهم لهم حق عليج هذا أكيد

بس لنفسج عليج حق ولريلج عليج حق

والفوضى بالبيت تشرد الريال ..

حاولي أختي تنظمين جدولـج الزمني وقت لج ووقت لعيالج ووقت لريلج https://4arab.xplainer.net/images/smilies/smile.png

وخلي ريلج بعد يساعدج في برنامجج

وهو بعد يشجع عياله على برامج تنمي من قدراتهم وفي نفس الوقت تشغل وقتهم

وبهالطريقـة ما بيكون عندهم وقت يدشون غرفتج

وانتي الي بتستوين تدورين عليهم عسب تشوفينهم ^_^

وعلى فكرة أختي

حتى الي عمرها سنتين تراها ماشاء الله بدت تفهم وتقدرين تسوين لها أنشطـة تناسب عمرها

أو تكلفين أخوها الكبير بمسؤوليتها

ترى 16 مب صغير أختي

في شباب يتزوجون بهالعمر ^^

خليه يحس بالمسؤولية من الحين

وربي يسخرلج عيالج ويرزقج الصبر https://4arab.xplainer.net/images/smilies/smile.png

__________________________________________________ __________

>>>> الرد الثاني :

انا شوري مادام ماشالله عندج ولد كبير وفاهم خليه ايشوف اخوانه لو ساعتين قوليله محتاجة راحة واباك تتحمل المسؤولية عني وحاولي اتعودينهم ع روتين انج تقعدين وياهم فترة تلعبين وياهم وترمسينهم ومثلا الظهر فترة راحة لج وباجي اليوم لهم والعشا خلاص ممنوع الازعاج ادري صعب بس بالتدريج لين مايتعودون
احسج بس محتاجة تقسيم وقت وشوية نظام وانشالله بيتسهل الموضوع لج والله يساعدج الغالية

__________________________________________________ __________

>>>> الرد الثالث :

ماشاء الله ., ربي يحفظلج عيالج .,
اول شي حبيبتي احمدي ربج ان عيالج متعلقين فيج .,.
وما يشوفون بالدنيا غيرج .,.
احسن من عيال هـ الزمان اللي ما يقدرون الام لانهم تربية الشغالة .,.https://4arab.xplainer.net/images/smilies/frown.png

ثاني شي مسألة الثياب حساسة شوي لان ولدج ماشاء الله كبير .,.
ومب حلوة يشوفونج بنوعية معينة من الثياب .,
فانتي خليج كاشخة ببدل .,. بفساتين ., ببنطلونات .,.
وها كله بيحبه ريلج ,.. وخلي السوالف الثانية لغرفتكم .,.

اما مبدأ الخصوصية فهـ الشي انتي تعلمينه عيالج .,.
علميهم ما يدشون الغرفة الا باستئذان .,.
نبهي عليهم محد يفتش باغراضج ولا تعاقب .,.
ونفذي العقاب عشان يعرفون متضايقة من هالتصرف .,.

خبريهم ان ابوكم يرد تعبان من الشغل ويبي راحة .,.
فلو شفتونا دخلنا ننام لحد يزعجنا و يدق .,.
عشان احنا نحب بابا ونبيه يرتاح .,.
انتي ادرى بعيالج مرة كلمة حلوة مرة زجر .,.

الله يحفظلج عيالج ويعينج على تربيتهم ويرزقج برهم لج ولأبوهم .,

__________________________________________________ __________

>>>> الرد الرابع :

لي عوووده باذن الله

__________________________________________________ __________

>>>> الرد الخامس :

احس يبالج نظااام ..

نحن يوم كنا صغار نخاااااااف من الابو واايد خاصه يوم يدخل يرقد ...

انتي بعد خلي ريلج يكلمهم ومحد يدخل الغرفه اذا باابا تعبان وبيرقد الظهر مثلا ...

يبالج جدول وتنظيم ...