علاقتي بـ ريال متزوج عالم الامومة

عنوان الموضوع : علاقتي بـ ريال متزوج عالم الامومة
مقدم من طرف منتديات الضمير العربي

السلام عليكم ورحمة الله وبركاته
خواتي رجاءً مابي وحده تتهجم علي او تدعي ..
الكل يغلط وانا غلطت وحابة اصلح غلطتي

انا اداوم ف دائرة وواحد يشتغل معاي وهو منصبه عالي فيها حبني
بادر هو بالشي والصراحة انا حبيته وتعلقت فيه وكذا مرة رحنا الكوفي و السينما يعني طلعات
غير عن سوالف و مكالمات ومسجات وغزل .. حالي حال اي بنت حسيت نفسي اميرة وان اخيرا التقيت فالفارس
وهو يبي يخطبني عالاسبوع الياي وهني يت الطامه .. دريت من وحده انه معرس وماخذ بنت عمه
فاتحته فالموضوع ومانكر بس قال مايحبها ومغصوب عليها ويبيني انا ومستعد يطلقها عشاني بس حرام عنده عيال
وانا مابي اخرب بيوت ! بس احبه وماقدر استغني عنه لو شو السبب .. انا مادريت الا من جريب لان علاقتنا كانت بالخش والدس
وما فاتحت الا بنتين والبنت الاولى هي اللي خبرتني

خواتي ما اعرف شو اسوي هل انا خرابة بيوت؟
انزين حبيت وغصبا عني شسوي؟ ومابي اودره وابيه يتزوجني ماعندي مانع اكون الثانية !
احبه https://4arab.xplainer.net/images/smilies/frown.png https://4arab.xplainer.net/images/smilies/frown.png https://4arab.xplainer.net/images/smilies/frown.png اعتبروني اختكم الصغيرة وساعدوني https://4arab.xplainer.net/images/smilies/frown.png
للعلم انا عمري 21 سنة وهو فالثلاثين
و اذا عالعدل والمصاريف ماشالله بيقدر يعدل من هالناحية
و اذا صارت مشاكل لانها بنت عمه واهله ماطاعوا انا مب مستغنية عنه
وهو 100% يبيني ومتاكدة واعرف

عادي اكون الثانية https://4arab.xplainer.net/images/smilies/frown.png ؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

طبعا خرابة ابيوت وحرمته بتم تدعي عليج ليل انهار
حرام عليج تاخذينه وتشتتين بيته والله حرام
ابتعدي عنه صدقيني الله بيعوضج باللي احسن وافضل

وهو مايستحي ع ويهه يواعدج بالخش والدس
وانتي معقوله اونج ماتعرفين ؟

اكيد تعرفين لو ماتغرفين جان ماقلتي ابا اكون الثانيه
شو هالانانيه الي فيج ؟
تبنين سعادتج ع تعاسةغيرج يعني تبينه يطلقها عادي عندج ويتشتتون عياله !!!

حسبي الله ونعم الوكيل


ها كلام كل الريايل
بنت عمتي ومغصوب عليها ومادري شو

لكن خذيه وشوفي

__________________________________________________ __________

>>>> الرد الثاني :

هذا الي كنت اخاف منه، انتي ياهل توج طالعة من الجامعة مفروض تشتغلين وتكونين نفسج، وهذا ضعيف الإيمان انسان متزوج ومحصن بس الرياييل عينهم زائغة وخاصة بعض المتزوجين، فيدور اي وحدة ثانية، انصحج تستغفرين ربج ًتطلعين من هالعلاقة، شو ذنب الانسانة الي تزوجته وربت عياله وعطته من عمرها وشبابها، وياريت لو تثقلين وما تعطين نفسج لكل من هب ودب خلي ايمانج بالله قوي، وابتعدي عن هالطريج وادعي ربج يرزقج بزوج صالح...

__________________________________________________ __________

>>>> الرد الثالث :

الله يستر عليج وعلينا

اذا مقتنعه ليش تسالي؟ ؟،

__________________________________________________ __________

>>>> الرد الرابع :

ودريه غناتي وخليه يولي حرام حرمته تعبت ما قدر تعبها بيقدرج انتي بعدين توج صغيرة الدنيا بخير بييج واحد عزوبي احسن عنه بيدللج وعينه بس عليج اما هذا غسلي يديج منه وسموحة اناني هالريال ما يحب الا نفسه وبس وباجر ثالثه بالطريج وبيطنشج انتي وام العيال اكبر طااااف ولا تسويله اعتبار

__________________________________________________ __________

>>>> الرد الخامس :

انا ما بقولج خرابه بيوت ولا بقولج سويتي شي غلط لانج عارفه هالشي
بس اذا خذيتيه بتتعبين واااااااااايد .. واااااااااااااااااااااااااااااااااااااااايد بعد .. صعب حد يشاركج بريلج
نصيييييحه لا تكونين سبب تعاسه حرمته .. بتموت قهر .. وصدقيني هو مقتنع بحرمته بس هاا من باب الاعجاب والحب يقولج بطلقها .. ودام اونه ع كلامه ان مغصوب عليها معناته هي مب مقصره معاه في شي ..بس جي الريال حاب يغير فقققققط

نصييييييحه طلعي من حياته وحياه حرمته ولا تقولين احبببببببه كلنا حبينا وخذينا اللي ما نحبهم وعايشين بعد ولله الحمد

بالتوفيق