ربي يسعدها الي تريح بالي بنصيحة أو كلمة المومة و الطفل

عنوان الموضوع : ربي يسعدها الي تريح بالي بنصيحة أو كلمة المومة و الطفل
مقدم من طرف منتديات الضمير العربي

السلام عليكم بنات
بدون تجريح ولا إهانات
أنا زوجة ثانية وزوجي أحبه بجنون بس المشكلة في المشاكل الي افتعلها يوم يكون عندها ماعرف شو أسوي وكيف أقضي وقتي وهو فبيته الثاني ومع عياله

وخااااااااصة فالليل من يحل الليل انا اموت الف مرة يابنات اعرف ان غيرتي بزياده خاصة اني اعرف وضعه من البداية ابي شي يريح قلبي وابي اخف من هالغيرة الي تعبتني وتعبته وياي انا مخربطة واكتب وانا اصيح شو اسوي وكيف اقضي وقتي وهو بعيد عني وكيف اخفف من الغيرة الي احس انها احيانا مالها داعي

انا متزوجة من سنة ماعندي اولاد
اصغر من ب 10 سنوات واصغر من زوجته ب11 سنة
هو عنده تبارك الله من زوجته الاولى 5 عيال ومتعلقين فيه جدا
اعتبروني اختكم وساعدوني احس اني انهاااار

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

استغفري وايد حبيبتي

و انتي من البداية دريتي انه معرس و يمكن لج اسبابج الخاصة الي خلتج تختارينه

حاولي تشغلين نفسج باي شي تمارسين هواياتج تسوين رياضة تتطالعين افلام اي شي عشان تنشغلين

__________________________________________________ __________

>>>> الرد الثاني :

اسم الله لي تنهارين وشو صار لكل هذا؟
الرجال من البداية تعرفين انه متزوج، ولما وافقتي على هذا الوضع كان لازم تفكري انك ما بتاخذي رجال كل وقته وقلبه ومشاعره عندك. لا كل شي رح يكون مقسوم على 2 (ريال بنسبة 50%) هذا هو الواقع اللي قبلتي فيه.... حاولي تلتحقين بشغل أو تاخذين كورس وتركزين على تطوير الذات لوين تبين توصلين! مش معقول تضلي تلومي نفسك... بس ما تزعلي مني ... حرام تاخذي واحد متزوج وعنده عيال كنتي خذي عازب كنتي ارتحتي وريحتي ... بس بما ان هذا الواقع... عياله وزوجته الأولى مهما كان هم الأساس وانتي طول ما انه مب رابطيه بولد رح تكوني على الهامش حق الحب وتغيير الجو بس... (سامحيني عيوني مابا كلامي يزعلك) أنا ياما تقدمولي متزوجين لكني ما حب اخذ ريال من حرمته، من وين اروح من دعواتها وقهرتها المسكينة ... عشان هيك كنت ارفض لأن مو مسألة هيك بس. لأن بأختصار ما رح يفضالي على طول كما لو انه كان عازب. في الوقت انتي محتاجة تهدي وما تضغطين عليه... وخذي نفس واقعدي مع نفسك ورتبي امورك وسوي لحالك مستقبل مستقل (وحاولي ما تعتمدين عليه وايد عاطفياً) عشان بتتعذبين... ماعرف نصيحتي بتنفع ولا لاء بس حاولت وسامحيني مرة تانية لو جرحك كلامي والله ما عن قصدي بس حبيت اوضح ...

__________________________________________________ __________

>>>> الرد الثالث :

الله يفرج همج ويصبرج ..هذا نصيبج الغالية حطي فبالج انه عياله فحايته أكثر هذا الواقع ..الله يصبرج ويرزقج منه الذرية الصالحة ..تمي استغفري صلي القيام ..اشغلي عمرج لاتاكلي عمرج ..حطي فبالج مثل مانتي لج حق ..حرمته وعياله لهم حق يعني الحمدلله دام انه عادل فالليالي بينكم ..كوني قنوعة فديتج وانتي شجعيه ع هالشي تقربي من عياله وحرمته طرشي لهم هدايا حسسيه انهم عيالج ..لاتغثيه واايد

__________________________________________________ __________

>>>> الرد الرابع :

الله يسعدكن خواتي ويريح قلوبكن

أنا فعلا كان لي اسبابي للارتباط بهالشخص رغم اني كنت رافضة مبدا الزوجة الثانية تماما
بعدين الي تقولي حرام عليج ها مب حرام الغالية ها شرع الله

اعرف اني اعيش مع نص شخص بس كيف اغير من اسلوبي واخف من المشاكل الي افتعلها
يوم يسير عندهم يرد يحصلني مضايقة وبنفجر وابدا معاه مسلسل التحقيقات والاسئلة اعرف ان هالشي غلط غلط غلط بس كيف اغير من اسلوبي وشو اسوي
عمري ما كنت نكدية قبل الزواج شو صارلي ما عرف

__________________________________________________ __________

>>>> الرد الخامس :

الغالية انا بخبرج شو غير اسلوبج أنتي قبل الزواج
تسولفين مع ربعاتج تطلعين وتسوين اشياء تحببينها مثلا طبخ ولا رسم
تروحين الصالون ولا تطلعين تتسوقيين لكن يوم عرستي صرتي ما تسوين هالاشياء قطعتيها وصار ريلج هو شاغلنج ..
نصيحتي الريال ما يحب النكديه وعشان تغيرين من اسلوبج ردي سوي الاشياء اللي كنت تسوينها قبل لا تعرسين اللي يناسبج احين سوي لج بزنس يلسي تصنفري تعدلي اهتمي بنفسج اقري قران طلعي بيت اهلج
سيري الصالون زوري يارتج سوي اشياء جي لا تمين متعلقه فالريال
وكل ما ايي تسوين له مسلسل تری بيطفر منج وما بيحب ايي معاج