الزوجة و علاقتها مع أهل الزوج المومة و الطفل

عنوان الموضوع : الزوجة و علاقتها مع أهل الزوج المومة و الطفل
مقدم من طرف منتديات الضمير العربي

بسم الله الرحمن الرحيم


تحية طيبة لكل الاخوات



اليوم حابة اطرح اسئلة لان شاب شعر راسي و انا افكر حبيت اننا نتشارك مع بعض






ليش اغلب الاحيان تكون في مشاكل بين اهل الزوج و حرمتة


هل الاهل ما يفكرون اننا بنعور راس ولدنا اذا سوينا مشاكل؟

هل دخول الزوجة لحياة هذا الابن هو السبب ؟

ليش دايما يوضع الرجل بين ناريين امك او زوجتك؟

كيف تتصرف الزوجة اذا كانت الام ظالمة و الابن مطيع لها؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكلة اهل الريل انهم يحسون انهم مسؤولين عن هالزوجه خاصه اذا ساكنه وياهم
يعني اذا مثلا بغت تطلع مش بس تستأذن من ريلها لا بعد تستأذن من اهله

__________________________________________________ __________

>>>> الرد الثاني :

آخخخ ذكرتيني والله محد كثري يعاني والمشكله الريل يساير الام في غلطها
الخدامه و يشاركوني و الدريول و يشاركوني فيه عيزت و تعبت وكلت ربي الي عينه ما تنام
ياخذ حقي منهم إن كانه بيضيع شبابي هم في هم والسبب هم دووم أصبر على كلامهم الي ي
سم البدن و أقول الأجر و حشهم الي ماله آخر الله وكيلي بإذن الله و بيفرج همي قريب و أفتك إن شاء الله
أحيانا غيرةالأم تكون هووس في كل شي و أحيانا العايله يكون طبعهم غريب الله يكون في العون بس !!
أنا جاني بطلع وين وكيف و يزعلون أستغفر الله كرهت القعده معاهم أقول الله بيعوضني إن شاء الله بعد هالمعاناه اسكت و أتحمل عشان الي في بطني أدعولي بس إنه الله يثبته و الي عمتها أو اهل ريلها جيه توكل أمرها لله و تكون ميقنه أنه الفرج قريب من عند رب العباد نفس جيه ناس على الدنيا السلام ما يخافون على بنت الناس من الله وين بيروحون من دعاويها ؟؟ و ما بين الله و دعوة المظلوم حجاب !! حسبي الله و نعم الوكيل

__________________________________________________ __________

>>>> الرد الثالث :

حسبي الله ونعم الوكيل ع كل ظالمه
كل شي

انا ف اعتقادي تزيد المشاكل ع الزوجه لما تتزوج واحد اهله متعلقين فيه ومتوكلين عليه بكل صغيره وكبيره
والسبب الثاني ف ناس مافي بقلبهم رحمه الحقد والكراهية تمشي بدمهم يفرحون اذا بنكدون ع حرمة اخوهم ويطفرونها بنفسها ويتدخلون بكل صغيره وكبيره ....

والسبب الثالث الريال اللي ماعنده شخصيه كلمه توديه وكلمه تيبه

ورابع شي اكره الريال اذا متضايق من زوجته او زعلان يبين هالشي جدام اهله ويزيد حقدهم ولا يعلي صوته وصراخه ع زوجته وطبعا دامهم عايشين مع اهله .. بيكرهونها زياده ( بس خصوصيات خواته واهله مستحيل يفضحهم ولا يتكلم عنها ) عقب لما يرضى ع زوجته ويشوف تعامل اهله السخيف مع زوجته يقول ليش اهلي مايحترمون زوجتي ولا يحبونها ؟؟؟ اذا انت ما استحيت تتكلم عن زوجتك وتبين انك زعلان منها كيف تبيهم يحبونها ..... حسبي الله ونعم الوكيل

__________________________________________________ __________

>>>> الرد الرابع :

ليش اغلب الاحيان تكون في مشاكل بين اهل الزوج و حرمتة


بحكم اختلاف البيئه، والعادات تختلف من بيت لبيت ودام الحرمه بروحها بين هالعايله
المفروض انها تتمسك بمبادئها لكن تحاول انها توازن بين الاشيا، يعني مب كل شي
قالوه او سووه ما عيبها وتبين هالشي لهم لانه هالشي ينفر اهل الزوج من حرمه
الولد ويسبب حساسيات، وايضا اذا هي ساكنه وياهم ف البيت من باب المجامله المفروض
انها تتصرف مثلهم دام اللي يسوونه مب حرام، صح انها مب مجبوره لكن تجنبا للمشاكل
عشان نعيش لازم نضحي شويه

هل الاهل ما يفكرون اننا بنعور راس ولدنا اذا سوينا مشاكل؟

في من الاهل اللي يفكرون ويطنشون تصرفات حرمه ولدهم اذا
مب عايبتنهم لكن في العكس اللي نيتهم انهم يبعدون هالاثنين عن
بعض ويولدون مشاكل بينهم، وخاصه تصير اذا الزوج هو اللي اختار
شريكه حياته، اما اذا الاهل هم اللي اختاروا البنت ف غالبا تكون
المشكله بينهم وبين الحرمه بدون علم الزوج لكن يعرف من خلال الزوجه
اللي ما تلقى الا ريلها تتشكى له وفالنهايه يوقف ويا أهله لانهم "اهله"


هل دخول الزوجة لحياة هذا الابن هو السبب ؟

اذا الزوجه من البدايه تفاهمت ويا ريلها وحطت النقاط ع الحروف
وعالجت المشكله من البدايه هني ما بتكون هي السبب، لكن اذا
كبرت المشاكل ودخلوا لموضوع الريال ما يرضى ع اهله بتكون هي
السبب لانها وصلت بمشاكلها ويا اهله لـ هالدرجه


ليش دايما يوضع الرجل بين ناريين امك او زوجتك؟

لانه اغلب المشاكل تكون بين العمه والزوجه، والريال ما يعرف هل يرضي
امه ولا يرضي زوجته، ف من البدايه اذا الريال عارف كيف أهله وعارف
شخصيه حرمته المفروض يخليهم بعيدين عن بعض قد ما يقدر سواء بسكن
خاص او انه يكلمهم ويفهم الطرفين حدودهم

كيف تتصرف الزوجة اذا كانت الام ظالمة و الابن مطيع لها؟

تتجنب المحادثات الطويله ويا العمه والنغزات اللي تنعق بوجودها، واذا صارت مشكله تمس كرامتها
ولا تربيتها او اهلها ف هني تحاول انها تختار الشخص المناسب اللي تخليه يتدخل ويحل الموضوع
لانه الزوج عمره ما بيكون ضد امه الا اذا فعلا هو عارف انها ظالمه لكن اذا هي عاديه بس مشكلتها
ويا حرمه الولد ف هني لو شو يستوي الريال عمره ما بيكون ويا الزوجه ف الافضل انها من البدايه
تحل مشاكلها ويا اهل الزوج بنفسها بدون تدخل الزوج

__________________________________________________ __________

>>>> الرد الخامس :

السّلام عليكم .
انا اتوقع في بعض الاحيّان من حب الام لولدها ممكن انها تغار من زوجته
واعرف حاله مثل جيهَ ، العايله مكونه من كذا شخص وكذا شاب والشاب العود هو المفضل عند الام
تخاف عليه واداريه وتهتم فيه اكثّر من باقي اولادها
فيدور فبالي لو هالشاب عرس مثلا هل الام بتغار من زوجته لانها بتااخذَ دورها الي كاانت تسويه وبتتنافس وياها عليه في انها تقدمله ثيابه واكله وشربه ؟
خصوصا وانه هيه متعلقه فيه بدرجه فضييّعه وعادي تقص ععيالها الباقيّن عشاانه !
معنه ريال مب ولد صغير فالثلاثين ولكنه مب معرس ..
يعني ممكن تحصل مشاكل بين اهل الزوج والزوّجه بسبب هالموضوّع " ممُكن "
هذا سبب وفيه اسباب ثانيه مثل ماقالت وحده من الخوات ، اختلاف البيئات وطبيعة الحياه
ممكن مثلا انه هالعايله محافظين اكثر من العايله الثانيه او العكس او هالعايله عندها عادات تختلف عن عادات العايله الثانيه والعكسّ
وبعد يمكّن اهل الزوج او الزوجه اساسا مايتعاشرون وفيه وتستوي واايّد
عسب جيه انا افضل انه يسألون عن اهل الزوجَ بعد خصوصا لو الوحده كاَنت بتعيش وياهم وبينهم
سبحان الله مع الوقت بتتطبع باطباعهم وترا عيالها بيشلون اسمهم وهالشي مب فيَ صالحها
ووايد اسباب حبيبتي ماتنذكر ولا بتقدرين تحصيّنها لنه كل بيت يختلف عن الثاني من ناحية الظروف العادات التقاليد وحتى النشئه الاجتماعيه الي ناشئين عليها https://4arab.xplainer.net/images/smilies/bb/34.png