أفكار و نقاش: كيف تهتمين بزوجك؟ المومة و الطفل
عنوان الموضوع : أفكار و نقاش: كيف تهتمين بزوجك؟ المومة و الطفل
مقدم من طرف منتديات الضمير العربي
السلام عليكم خواتي و رحمة الله و بركاته
أغلبنا تكلمنا كيف نهتم بعمارنا و كيف نتزين لأزواجنا وشو نستخدم و شو نلبس
لكن عنايتنا بأزواجنا كيف؟؟ و شو تسوين له؟؟
بابتدي بنفسي
أهم شي المانيكير والباديكير
الحمد لله من تزوجت عودت زوجي انا اللي اسوي له وحتى الاوقات اللي يسافر فيها او انا اقعد بيت اهلي يخلي اظافره لين ارجع وانا اسوي له كل شي
قبل الزواج كل اللي كان يعرف يسويه من هذي الناحية ان يحط ريوله في ماي و ديتول اخضر وعقب يفركها بالحجر ويقص اظافره بشكل غير متساوي
طبعاً سرت خبرة بالمانكير والباديكير من روحتي للصالونات والسبا
اشتريت له العدة كااااملة حتى الجلد الميت حول الاظافر اشله واستغرب من هذي الحركة عقب تعود عليها وانهي الجلسة بمسااااج بالكريم من أظافره للركب وهذا اكثر شي يريحه
استغرب من بعض الحريم وهم قلة اللي ابد مايدقون ريول ازواجهم أونّه ما يتنزلون!!
هذي وحدة من طرق عنايتي بزوجي
الباقي بعد ما شوف تجاوب البنات
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اجمل درجات الاهتمام ان تحثَ الزوجه زوجها
ع البر وتشاركه فـ الطآعه بذلك نبني
جسراً يقربنا شبراً الى
الجنه
__________________________________________________ __________
>>>> الرد الثاني :
هاي سالفه الريول تذبحني اضافره مكسره ولونهم ازق وكل يومين متفلع .. اونه القدم الرياضه .. اقوله روح سو سبا .. منكر عمرك شويه .. اونه عيب على الرياييل هههههههههه .. بس انا ماعرف اسوي منكير حقه .. بس اسويله مساج للقدم .. لاني اركز على الفلبينيه الي اروح عندها كيف تسوي مساج الاقدام .. شي مريح جدا ..
اهتم فيه .. الثلاجه لازم تكون متنوعه من الخضروات و الفواكه و الاشيا المفيده مثل العصاير و الحليب و اللبن
الصبح نسويله عصير برتقال فرش
يوم يرد من الجيم بطل قصدي قلاص كبير موز بالحليب الدايت ويا سكر بني للصحه و الفائده
العشا يطلب شيش طاووق مقلي اقص عليه و اشويه .. انظف و اريح و اصح خخخخخخخ
شو بعد .. احس باقي الاشيا الكنادير و الفراريخ كلللها ضايعه يبالها ترتيب
__________________________________________________ __________
>>>> الرد الثالث :
احس اهتم بمعتده اكثر من اي شي ثاني
هيه بعد يوم اروح اخذه قمصان و بجايم ممكن يلبسها .. ويستانس عليهم
كتغير .. يبالي اشرد يوم واشتريله من هالسوالف
__________________________________________________ __________
>>>> الرد الرابع :
الحمام المغربي
المساج
اللبس والتطقيم
اختيار العطور والكريمات والادوات اللي تناسب طبيعه الجلد
الاحترام والاسلوب
التعاون
__________________________________________________ __________
>>>> الرد الخامس :
الاهتمآم لازم يكون من آلطرفين
ولآ مرده النبع ينضب
