وعليكم االسلام هلا
بخبرج اكثر عن طريقه هي تسوي يا بخبز جاهز او عجين
بس طبعا الاروع العجين
اول شي المقادير
بصلتين صغار مقطع بس من فوق على شكل زائد +
بطاط مقطع بالطول
جزرمقطع بالطول
فلفل باردمقطع بالطول
زنجبيل وثوم مدقوقين
نعناع وكزبره وبقدونس مقطعين صغار
فلفل حار (اذا تبين)
عصير طمام 3
صلصله طماطم
وبهارات بودره (بزار او كاري و كمون وهيل )
حلبه شوي
ليمونه يابسه يا مكسره او مخبوقه شوي
ومكعبين ماجي
وملح
والعجين تكونين مسوتنه من قبل
ماي
طحين منخول
وشوي ملح
لكل 3 اكواب طحين 1 كوب ماي
اعجنيهم وايد كثر العجن يخلي المقطعه احلى
وكوريهم خليه لين تخلصين الصالونه من الفوران
الطريقه
اول شوي تحطين زيت
وتحطين البصل حركيه لين تحسينه استوى بني على اطراف واتنفخ حطي وياه الفلفل الحار اذا تبين
حطي عليه البطاط والجزر والفلفل البارد
وحركيه لين يستوي لين وعقي حطي زنجبيل وثوم وتمي حركيه حطي عليه عصير طماط وخليه شوي ينطبخ وحطي البهارات ليمون اليابس والحلبه والماجي والملح
وحطي البقدونس والكزبره المقطعين
وترسي الماي على كميه العجين خليه لين يغلي وعقب يوم وتبدا تفور افردي كل وحده وحطيها داخل الصالونه مع التحريك عشان تتقطع شوي
وخليه لين تشوفين العجين صار لين
نحن نسوي تنور وانخله داخل يكون احسن عشان تستوي على راحتها وتاخذ كم ساعه
لكن اذا مابتسوين العجين قطعي الخبز اللي تبين طبعا مب رقاق يا خبز ايراني او خبز لبناني
وبالهناء
