مشكلتي ويا الكيــك .. منو بيحلها .. ؟

عنوان الموضوع : مشكلتي ويا الكيــك .. منو بيحلها .. ؟
مقدم من طرف منتديات الضمير العربي

السلام عليكم ورحمة الله وبركاته

.
.
عندي مشكلة صغيروووووووووووونة ..

يومـ أسوي الكيك الجاهز اللي في كراتين .. تضبط الكيكة نوعاً ما عادي ..

بس يوم بروحي اسوي الكيكة اللي انا احط مقاديرها ..
ما تنفش ..
وتتم كأنها عجين او مب مستوية ..

مع انها من تحت وفوق لونها غامج ساعات ..

شو المشكلة .. ؟

شو ممكن يكون ناقص من المقادير .. ؟
يعني بدال لا احط غاشوقة احط نص ..
وبدال ربع كاس احط نص ..

أو من الفرن .. !

شو الطريقة الصح .. ؟

نقرا المقادير والطريقة ..
بس ما يطلع نفس الشي .. شو السالفة !!

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا بعد عندي نفس المشكلة عشان جيه دوووووم اسوي الجاهز و افك عمري و اذا ابا ازينه بشي كيفي
و ثاني شي اترومين اتسوين بنكهات يعني مثلا انا ساعات آخذ الكيك الأصفر و احط عليه هيل و زغفران و ماي ورد و يطلع حلو عقب ما تسوين الطريقة الي مكتوبه على الكرتون اتحطين الأضافات الي تبينها و بعد كيك الجوكلت عقب ما اخلصه ساعات اطحن المكسرات و اخلطها وياه

__________________________________________________ __________

>>>> الرد الثاني :

بس نصيخه اختي اذا تبين الكيك الجاهز يضبط حطي المقادير كلها مثل البيض و الماي و الزيت و عقب اخلطيها وااااااااايد بالخلاط انا ما كانت تضبط عندي الين اختي نبهتني لهذا الشي

__________________________________________________ __________

>>>> الرد الثالث :

هلا اختي

انا كنت مثلج ما تضبط معاي أي كيكة

بس عقب جربت طريقة ونفعت

اول شي لازم تخلطين البيض والسكر مع بعض لين ما يتكون عندج رغوه

عقب زيدي عليه باجي المقادير

وانا دوم افضل قوالب الكيك اللي تكون على هالشكل لان احس اصعب مكان يستوي فيه الوسط

وبس https://upload.wikimedia.org/wikiped...t_cake_pan.jpg

جربي كيكتي اللي دوم اسويه وطمنيني

المقادير:
4 بيضات
1 قشطة
½ 1 كأس طحين بالخميرة او طحين رقم واحد + 2 ملعقة صغير BP
1كأس سكر
1 كيس دريم ويب

الطريقة:

اخلطي البيض والسكر واضيفي عليهم فانيليا واخلطيه زين
عقب زيدي عليه القشطة

وعقب المقادير الجافه اللي هي الطحين والدريم ويب وال BP عقب ما تنخلينهم مع بعض

وبس وهذي الكيكة بدون زيت وتطلع لذيذه وايد

وعقب ما اطلعينه من الفرن صبي فوقه توفي

__________________________________________________ __________

>>>> الرد الرابع :

يسسسسسسسسسسسسسسسسلمو

__________________________________________________ __________

>>>> الرد الخامس :

اختي الخوات ما قصروا
واذا تبغين الكيكه الجاهزه تضبط اتبعي التعليمات وحطي نفس كمية المقادير المكتوبه
ولا تفتحين الفرن الا بعد فتره قصيره
واحسن نوع الي كرتونه ازرق الي مرسوم عليه الارنب