كيف اضبط الملح في اكلي وكيف اقدر اخلي الاكل نكهته حلوة للمطلقات
عنوان الموضوع : كيف اضبط الملح في اكلي وكيف اقدر اخلي الاكل نكهته حلوة للمطلقات
مقدم من طرف منتديات الضمير العربي
بنات انا الحمد الله بعد جهد جهيد قدرت اضبط العيوش بس المشكلة دوم ريلي يشتكي ان الاكل مافيه ملح
مب عارفه كيف اضبط الملح
واحس اكلي مافيه نكهة مميزة مع اني بديت استخدم اللومي والقرفة والبهارات الصحيحة فيه بس بعده بدون نكهة مميزة احسه جنه اكل مرضى
https://4arab.xplainer.net/images/smilies/bb/28.png منو تقدر تساعدني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكلتج انج تخافين تحطين بهارات و ملح يطلع زياده فيكون الاكل بدون طعم او نكه
حاولي تشوفين وصفات و تقدرين المقدار المطلوب
مثلا كوب الارز ( العيش ) تقريبا ملعقة ملح صغيره ممسوحه او اكثر شوي
حسب انتي شو تحبينها
بالنسيه للبهارات كل طبخه لها مقدارها
مع الخبره بتعرفين المقدار بللي يناسبج
__________________________________________________ __________
>>>> الرد الثاني :
والله سيم سيم يا اختي
ههههههههههههههههههههههههه بعد ياحيج يضبط العيش وياج
انا مرره ماشي يطلع عصيده
وان يييت بسوي مجبوس وخواته الله لايراويج البهارات شو كثرها تعدم الاكل
مع اني احاول اطبق الوصفات بس للاسف
بس اعتقد كوب عيش مع خاشوقه صغيره ملح يكفي
__________________________________________________ __________
>>>> الرد الثالث :
اخذي لج بزار واستخدمي مع الاكل مب بس حبوب صحيحة وجرفة وخلاص
وخذي لج كمون مطحون وكزبرة مطحونة مثلا وبابريكا كل هالشغلات بتعطيج نكهة حلوة للاكل
ويوم تطبخين العيش وتحطينه ع النار تقدرين تصبين فوقه شوية سمن بس ديري بالج مب كل يوم لانه يمتن
وبعد عندج ورق هندي يستخدمونه مع الصالونه اسمه كربته اظني رخيص سعره ويعطي طعم حلو والله يوفقج
__________________________________________________ __________
>>>> الرد الرابع :
في حركة الوالدة الله يحفظها علمتني إياها وضبط دوم
شفتي غرشة الملح نزلي منها شوي ملح ثلاث مرات وعدي في كل رشة واحد اثنين ثلاث
البهارات المشكله نفس الكاري ملعقة أكل مسموحة الفلفل رشة
__________________________________________________ __________
>>>> الرد الخامس :
