Crab بالصلصه من مطبخ رومانه بالطريقه التايلانديه سهله و لذيذه Gabgoob و بالصور طبق اماراتي
عنوان الموضوع : Crab بالصلصه من مطبخ رومانه بالطريقه التايلانديه سهله و لذيذه Gabgoob و بالصور طبق اماراتي
مقدم من طرف منتديات الضمير العربي
بسم الله الرحمن الرحيم
قبقوب Gabgoob بالصلصه
طعمه حار و لذيذ جدا جدا جدا اتعب و انا اقول لذيذ جربوا و ماراح تندمون طعمه نفس الي بالمطاعم التايلانديه
بالأول شوفوا شكله
المقادير :
المقادير مش لازم تطبقون نفس المقدار لكن حسب الكميه الي عندكم
قبقوب Gabgoob --crab
4 فص ثوم
5 حبات طماطم بدون قشر
زنجبيل -- سر النكهه في الزنجبيل
بصل
فلفل الأخضر الحار
طماطم معجون
ملح
بزار
ماجي-- اختياري تبين تستخدمين او لا
فلفل احمر الخشن
شويه ماي اذا احتاجنا
الطريقه :
1- ننظف بطن القبقوب el Gabgoob و نقسمه الى نصفين و نحط على جنب
2- الزنجبيل و فلفل الأخضر و الثوم نفرمهم
3 الطماطم نقطعه مكعبات طبعا بدون قشر
4-نحمر البصل في الزيت و نضيف خلطة الزنجبيل
5-نضيف الطماطم
6- نضيف معجون الطماطم
و البهارات
7- نضيف القبقوب الgabgoob --crab
8- نغطي الجدر بتلاحظون القبقوب يطلع ماي بس اذا شفتوا نشف زيدوا شوي ماي تقريبا فنجان ماي بس
الي بتنقل الموضوع بليز تذكر اسم المصدر رومانه او ام خالد
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يم يم يم اموووت عاى القبقوب
__________________________________________________ __________
>>>> الرد الثاني :
شهيتنس بالقبقوب
واايد احبة
مشكووورة الغالية
__________________________________________________ __________
>>>> الرد الثالث :
ماشاءالله
تسلم ايدج .... وان شاءالله لاااازم اطبق الطريقه الشهيه ...
__________________________________________________ __________
>>>> الرد الرابع :
__________________________________________________ __________
>>>> الرد الخامس :
يم يم شكله يشهي من زمان ما كلت قبقوب شكلي بطلب من الوالد اييب لي شوي وبجرب طريقتج تسلمين ع الوصفة حبيبتي
