عنوان الموضوع : بالصور طريقة عمل انواع ميني سندويش طبق اماراتي
مقدم من طرف منتديات الضمير العربي
هذا الشكل النهائي
https://www.shamsqatar.com/up3/get-12-2017-4fssa8tg.jpg
هم كلهم 6 انواع بشرح لكم بالتفصيل كل واحد وش تحتاجين له وشلون تسوينه
اول شي لهم كلهم تحتاجين سلايس برد وعجينه فولفون (السنبله) الباف بستري اللي صايره مضلعه
اول شي خبزي الفولفون خاليه في الفرن وشيلي التجويف الوسطي
https://www.shamsqatar.com/up3/get-12-2017-0azz7nyb.jpg
والسلايس برد له طريقتين
قطعي دوائر اربعه
https://www.shamsqatar.com/up3/get-12-2017-idbwgn3d.jpg
غطيها بفوطه وخليها عشان ماتنشف
ونشتغل بالطريقه الثانيه
تابع
شيلي الاطراف و رقي السلايس
https://www.shamsqatar.com/up3/get-12-2017-ip2y3at7.jpg
خلي مجموعه من اللي رقيتيهم على جنب وغطيهم بفوطه
والباقي
قطعيهم ارباع
https://www.shamsqatar.com/up3/get-12-2017-pmz1tsg3.jpg
الحين نجهز الحشوات ونشتغل
الفولفون
حشيته ربيان
اسلقي ربيان وقطعي بصل صغير جدا وفلفل اخضر صغير جدا واحمسي وبهريه عشان ماتطلع ريحه الربيان
اخلطي الكاتشاب مع المايونيز
https://www.shamsqatar.com/up3/get-12-2017-4f3041ll.jpg
احشي الفولفون بالخليط
https://www.shamsqatar.com/up3/get-12-2017-exivkk93.jpg
صفيه في صينيه التقديم وتعالي نجهز الثاني
نتابع
ثانيا
رول الدجاج بالجبنه
جهزي الحشوه
صدور دجاج مسلوقه ومبهره ومقطعه
ضيفي عليها جبن شيدر مبشور وجبن كرفت قلاسات وملعقتين قشطه وشويه ملح وفلفل
https://www.shamsqatar.com/up3/get-12-2017-aa2ckvja.jpg
خذي من قطع السلايس اللي قطعتيهم ارباع
https://www.shamsqatar.com/up3/get-12-2017-hiaabqde.jpg
حطي الحشوه في طرف
ولفيها رول واضغي عليها شوي وانتي تلفين
حطيها باخر طرف شويه حليب (عشان تمسك)
قطعي بصل اخضر اعواد
وبعدين ارجعي قطعي اضعف شوي
https://www.shamsqatar.com/up3/get-12-2017-grvhkvto.jpg
اربطي اعواد البصل حول رول الدجاج وقصي الزايد
https://www.shamsqatar.com/up3/get-12-2017-64ndwhi1.jpg
صفيهم في صينيه التقديم وتعالي كملي الثالث
ثالثا
لبنه بالطماطم والفلفل
امسجي قطعه دائريه من السلايس باللبنه
حطي على وجهه طماطم مقطع صغير وشيلي البذور منها عشان ماتطلع ماي مع فلفل اخضر وزيتزن اسود
ورشي وجهها بشويه سماق
https://www.shamsqatar.com/up3/get-12-2017-du3spwa1.jpg
صفيها في صينيه التقديم وتعالي جهزي الرابع
نتابع
رابعا
جبنه بالنعناع
اخلطي جبنه فينتا مع نعناع
حطيها بقمع تزيين الكريما وحطيها فوق دائره السلايس
https://www.shamsqatar.com/up3/get-12-2017-r5pkxand.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صفيها في الصينيه وتعالي نكمل الخامس
خامسا
السلمون مع الكافيار
سلمون تقطعينه شرايح بالطول .....بالعرض ماراح يتقطع معك لانه فيه انسجه
https://www.shamsqatar.com/up3/get-12-2007-2ivmeoaj.jpg
ادهني دائره باللبنه
حطي قطعه من السلمون ملفوفه على قطعه السلايس
وحطي بوسطها كافيار
https://www.shamsqatar.com/up3/get-12-2007-sywofeot.jpg
سادسا
لفائف التيركي بالجبنه
تيركي او دجاج او مرتديلا او اللي تحبينه من اللحوم البارده
خذي قطعه من السلايس اللي ماتقطعت اللي بس فردناها وتركناها يعني القطعه الكبيره
امسحيها بشويه زبده
حطي اوراق الخس بعد ماتقطعينها وتشيلين منها القطعه الجامده
https://www.shamsqatar.com/up3/get-12-2007-0rlzow1f.jpg
حطي عليها قطعه التيركي
https://www.shamsqatar.com/up3/get-12-2007-2pzyznc2.jpg
حطي عليها جبنه مبشوره
https://www.shamsqatar.com/up3/get-12-2007-78nkvx4o.jpg
واذا في زوائد شيلها
لفيها من الجهه العريضه
https://www.shamsqatar.com/up3/get-12-2007-qizhbveh.jpg
وصفيها وهي واقفه
https://www.shamsqatar.com/up3/get-12-2007-k1goglx6.jpg
والحين اخر خطوه
جمعي كل سندويشاتج وصفيها بصينيه التقديم وقدميه لضيوفج وانتي رافعه راسج
__________________________________________________ __________
>>>> الرد الثاني :
تسلم ايدج
بس صدق يبالها وحدة تتفيق له
__________________________________________________ __________
>>>> الرد الثالث :
thanx ssis
__________________________________________________ __________
>>>> الرد الرابع :
شكلـه لذيذ .. أحب السندويشـآت اللي جي تكون خفيفه =) ولذيذه فـ نفس الوقت ..
ثـآنكيو " عليـا " ^^ !
يعطيج ربي العـآفيه sIS ،،
__________________________________________________ __________
>>>> الرد الخامس :
يعطيج العافية
شكلها وايد مشهي
