عنوان الموضوع : :+: جيز كيك بالأوريو-الطريقه والصور داخل حياكن - :+: المطبخ الاماراتي
مقدم من طرف منتديات الضمير العربي
السلام عليكم ورحمة الله وبركاته
شحالكن خواتي؟
اليوم يايبه لكم جيز كيك بالأوريو كل من ذاقها تخبل عليها https://4arab.xplainer.net/images/smilies/biggrin.png
بحطلكم المقادير والطريقه بالصور.. واسمحوليه على الصور بس لاني مصوره من كيمرة الموبايل >.<
نبتدي بالمقادير:
بقسم المقادير لثلاث اقسام عشان اسهل عليكن
مقادير القاعده:
كوب ونص بسكويت اوريو مطحون
ملعقتين طعام زبدة مارجرين
مقادير الخلطه:
3 علب جبنة فيلادلفيا الحجم العادي
كوب سكر
ملعقه ونص صغيره فانيلا
كوب whipping cream
3 بيضات
كوب بسكويت اوريو مطحون أو مكسر (انا افضل المطحون)
مقادير التزيين وتعتبر اساسيه:
علبة نوتيلا وسط
وعلبة قشطه
وهاي صوره بالمقادير كلها
https://www2.0zz0.com/2017/09/24/15/52433249.gif
احين ني للطريقه وبننتدي الطريقه ب 3 اقسام على حسب المقادير:
طريقة القاعده:
نحط البسكويت المطحون + كمية الزبده ونعينها عدل
https://www2.0zz0.com/2017/09/24/15/69330279.gif
وعقب نفردها عدل في صينية الجيز كيك (اللي تكون قاعدتها متحركه) ونتم نساويها بالخاشوقه عشان تكون طبقه متساويه
https://www2.0zz0.com/2017/09/24/15/61956561.gif
وخلصنا جيه من القاعده .. نخليها ونسير نسوي الخلطه
طريقة الخلطه:
نحط 3 علب الفيلادلفيا + كمية السكر + الفانيليا
https://www2.0zz0.com/2017/09/24/15/60845621.gif
نخلطهن بسرعه بالمكسر الكهربائي لين ما تتمازج كل المقادير
وخلال ما نخلطهن نضيف عليه ال whipping cream - بدون ما نوقف الخلط
https://www2.0zz0.com/2017/09/24/15/57152456.gif
ونخليه يخلط المقادير كلها تقريبا لمدة دقيقتين
عقب نضيف البيضات بالتدريج ونوطي على السرعه - نخليها بطيئه نوعا ما- المهم انج كل ما تضيفين بيضه تخلينها تنخلط مع الخليط وعقب نضيف الثانيه ونفس الشي بالنسبه للثالثه
https://www2.0zz0.com/2017/09/24/16/55921026.gif
وعقب ما تتمازج المقادير نوقف الخلط ونضيف مقدار البسكوت المطحون
https://www2.0zz0.com/2017/09/24/16/14530783.gif
نخلطه يدويا بالخاشوقه.. وبيستوي عندنا بهالصوره
https://www2.0zz0.com/2017/09/24/16/77445294.gif
عقب نسير ونصبه على القاعده
https://www2.0zz0.com/2017/09/24/16/37289196.gif
طبعا نصب المقدار كامل
https://www2.0zz0.com/2017/09/24/16/16037709.gif
عقب نحطها في الفرن على درجة 100 سيليزيه ونكون فاتحين اللي فوق وتحت ونخليها ما بين 45 - 50 دقيقه
https://www2.0zz0.com/2017/09/24/16/95641355.gif
عقب انطلعها من الفرن.. عقب ما اطلعينها تتأكدين انه الاطراف مش لاصقه على الجوانب.. اذا لاصقه فججيها بالسجين وحطيها في الثلاجه ما لا يقل عن 6 ساعات ^_^
عقب ست ساعات
نسير عشان نسوين الخلطه الأخيره واللي هي عباره عن نوتيلا + قشطه
تذوبين النوتيلا في حمام ساخن وعقب ما يذوب ضيفي القشطه وخلطيه
ظهري الكيكه من الثلاجه وحطيها في صينية التقديم وصبي عليها خليط النوتيلا
https://www2.0zz0.com/2017/09/24/16/93746991.gif
طبعا بتشوفون الحلاوه ساحت بس عادي هي تكون جيه ^_^
في النهايه زينيتها على مزاجي بهالصوره
https://www2.0zz0.com/2017/09/24/16/52832511.gif
وبس ^_^
عليكم بالعافيه ^_^
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تسلم ايدك حبيبتي و ان شاء الله اجربها
__________________________________________________ __________
>>>> الرد الثاني :
يمممممممممممي شكلها رهييييييييب
تسلمين الغلا ع الطريقه https://4arab.xplainer.net/images/smilies/smile.png
__________________________________________________ __________
>>>> الرد الثالث :
https://4arab.xplainer.net/images/wo...quote_icon.png المشاركة الأصلية كتبت بواسطة Farouha https://4arab.xplainer.net/images/wo...wpost-left.png
تسلم ايدك حبيبتي و ان شاء الله اجربها
الله يسلمج ^_^ جربيها وخبريني برايج فيها
__________________________________________________ __________
>>>> الرد الرابع :
https://4arab.xplainer.net/images/wo...quote_icon.png المشاركة الأصلية كتبت بواسطة شوقي ذبحني https://4arab.xplainer.net/images/wo...wpost-left.png
يمممممممممممي شكلها رهييييييييب
تسلمين الغلا ع الطريقه https://4arab.xplainer.net/images/smilies/smile.png
وحتى طعمها.. وحده واثقه https://4arab.xplainer.net/images/smilies/biggrin.png
الله يسلمج فديتج.. ومشكوره عالمرور ^_^
__________________________________________________ __________
>>>> الرد الخامس :
اختي بسالج عادي جبن ثاني
؟؟؟؟؟؟؟؟
ونخليها ف الثلاجه ولا الاحسن ف الفريزر؟
