عنوان الموضوع : أروع طريقة للسنابون من مطبخ الشيف لطيفة معجنات و سندويتشات
مقدم من طرف منتديات الضمير العربي
كل عام وانتو بألف خير . وعيد سعيد على الجميع https://4arab.xplainer.net/images/smilies/bb/12.png
أعتذر من كل الي طرشولي رسايل خاصة او رسايل في ملفي الشخصي على التأخير في الرد وبإذن الله بحاول ارد على مجموعة منهم كل فترة واعذروني على التأخير https://4arab.xplainer.net/images/smilies/bb/5.png
اليوم حبيت أشاركم بوصفتي الجديدة والمعتمدة للسنابون . عجينة بسيطة وسهلة وسريعة ونتيجة في غاية الروعة وهذا شكل السنابون النهائي
https://i982.photobucket.com/albums/...cinabon2/1.jpg
بإسم الله نبدأ:
مقادير عجينة السنابون:
4 أكواب ونص طحين فاخر منخول
2 بيض
1/2 كوب زيت
1 ملعقة شاي باكنج باودر
وما ننسى رشة الملح
https://i982.photobucket.com/albums/...cinabon2/2.jpg
2 ملعقة طعام سكر
2 معلقة طعام خميرة فورية
2 معلقة طعام حليب بودرة
كوب و3/4 الكوب ماي دافي ( لو بتستخدمي الطحين الكويتي مقدار الماي هذا بيكون مظبوط%100)
https://i982.photobucket.com/albums/...cinabon2/3.jpg
مقادير حشوة السنابون:
1/4 كوب زبدة لينة
1/4 كوب سكر أبيض أو بني
2 معلقة طعام جرفة بودر
1 ملعقة طعام كاكاو بودر
https://i982.photobucket.com/albums/...cinabon2/4.jpg
مقادير صوص الجبن للتغطية :-
6حبات جبن كيري أو ربع كوب جبن كريمي مثل الفلادلفيا
1/2 كوب حليب مكثف محلى
https://i982.photobucket.com/albums/...cinabon2/5.jpg
طريقة تحضير العجينة :
في خلاط العصير بنحط (الماء والزيت والبيض والسكر والحليب البودر والخميرة) ونخفقهم لحد ما لون الخليط يصير فاتح والخميرة تذوب بشكل جيد جداً في الخليط السائل. ونكون حاطين الطحين والباكنج بودر ورشة الملح في اناء واسع ونصب الخليط ونبدأ نعجن بشكل جيد
https://i982.photobucket.com/albums/...cinabon2/6.jpg
لحد ما نحصل على عجينة ملساء ومتماسكة وهذا شكلها النهائي https://4arab.xplainer.net/images/smilies/bb/32.png
https://i982.photobucket.com/albums/...cinabon2/7.jpg
خليتها شوية حوالي ربع ساعة لحد ما جهزت الحشوة وبما اني الماي المستخدم دافي ماشاء الله على طول خمرت .
https://i982.photobucket.com/albums/...cinabon2/8.jpg
خليط الحشو سهل مجرد خفق (الزبدة والسكر والجرفة والكاكاو البودر) بالخفاقة لحد ما ما يتكون صوص كثيف والسكر يبدأ يذوب ولونه بعد ما يكون غامق بسبب بودرة الكاكاو يصير فاتح من الخفق.
https://i982.photobucket.com/albums/...cinabon2/9.jpg
جذي العجينة جاهزة والحشو جاهز. أنا افضل الحشو يكون مخفوق مع بعض بهذا الصورة وهو أفضل من الطريقة التقليدية الي هي دهن العجينة بالزبدة وبعدين نرش السكر والجرفة وهذا لسببين نكهة السنابون تكون قوية وواضحة جداً عن تجربة وفي الفرن ما تذوب الحشوة ولا تسيح وتظل ثابته وهذا الي بنشوفة في المرحلة الياية.
https://i982.photobucket.com/albums/...inabon2/10.jpg
يتبع أحبتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
نبدأ نفرد العجينة بالنشابة
https://i982.photobucket.com/albums/...inabon2/11.jpg
ونحاول نخليها سميكة شوية علشان وقت فرد الحشو واللف بعد بتصير رهيفة نراعي هذي النقطة.
https://i982.photobucket.com/albums/...inabon2/12.jpg
نوزع الحشو على السطح ونخلي حوالي 3 سم في النهاية عسب تتماسك العجينة وما تفتح وقت الخبز
https://i982.photobucket.com/albums/...inabon2/13.jpg
ونلفها رولhttps://4arab.xplainer.net/images/smilies/bb/2.png
https://i982.photobucket.com/albums/...inabon2/14.jpg
ونبدأ نقطعها بسمك اصبعين وهذا هو المقاس الصحيح للسنابون
https://i982.photobucket.com/albums/...inabon2/15.jpg
https://i982.photobucket.com/albums/...inabon2/16.jpg
نصفهم في صواني مبطنة بورق الزبدة ونخليهم يخمرون
https://i982.photobucket.com/albums/...inabon2/17.jpg
لحد ما يخمر السنابون جهزت الحشو خفقت الجبن ويا الحليب المكثف المحلى
https://i982.photobucket.com/albums/...inabon2/20.jpg
نقطة مهم.
بالنسبة لي أفضل يكون السنابون دافي وصوص الجبن كثيف مثل جي عسب حرارة السنابون تذوب الصوص ويغطيها بس بدون ما ينزل وايد على الجوانب . والعكس صحيح لو كان السنابون عندج بارد يفضل الصوص يكون سائل شوي وهذا تتحكمين فيه عن طريقة اضافة الحليب المكثف المحلى والخفق حتى الوصول للقوام المثالي.
https://i982.photobucket.com/albums/...inabon2/21.jpg
أنا خمر السنابون ^_^ من النوع الي اي نوع معجنات أحب أخمره بعد الحشو والتشكيل والسبب هو الحصول على أروع شكل ممكن لاحظوا بعد التخمير كيف شكلهم حلو.
https://i982.photobucket.com/albums/...inabon2/18.jpg
الكمال لله وحده
https://i982.photobucket.com/albums/...inabon2/19.jpg
يتبع أحبتي
__________________________________________________ __________
>>>> الرد الثاني :
خبز السنابونأتمنى تكون طريقة السنابون حازت على إعجابكم وبإذن الله في فرصة قريبة بطرح موضوع متميز عن عجينة العشر دقايق الي تحولت لكروسان
خبزته في فرن سبق تسخينة على حرارة 190 لمدة 10 دقايق . المعجنات عموماً كل ما خبزيتها في فرن حار جدا ولمدة قصيرة راح تكون النتيجة معجنات منتفخة جدا وقمة في الهشاشة وفاتح اللون من الداخل والعكس صحيح لو خبزنه في فرن متوسط الحرارة ولمدة طويلة بتكون معجناتنا مش بدرجة الهشاشة المطلوبة ولا حتى الانتفاخ. وهذا شكل السنابون بعد الخبز.
https://i982.photobucket.com/albums/...inabon2/22.jpg
سنابون مثالي ماشاء الله . تذكرين يوم قلت يفضل نخفق الحشو عسب ما تظهر من السنابون وما تسيح هذي النتيجة ^_^
https://i982.photobucket.com/albums/...inabon2/23.jpg
لاحظي السنابون بروحها اتبطلت من كثر ماهي هشة وترفة ومثل القطن أنصحج تجربينها.
https://i982.photobucket.com/albums/...inabon2/24.jpg
مثل ما قلت الصوص عندي كثيف وبارد والسنابون دافي . حطيت خاشوقة كبيرة من الصوص على وجه السنابون وخليته يذوب ويسيح بحرارة السنابون وهذي النتيجة هذا شكلها من فوق
https://i982.photobucket.com/albums/...inabon2/25.jpg
وهني من الجنب
https://i982.photobucket.com/albums/...inabon2/26.jpg
وطبعاً نكهة السنابون ما تكمل بدون رشة من صوص شوكلاتة الهيرشي أتركم مع الصور النهائية
https://i982.photobucket.com/albums/...inabon2/28.jpg
https://i982.photobucket.com/albums/...inabon2/29.jpg
https://i982.photobucket.com/albums/...inabon2/30.jpg
وسوينا حساب وحدة غالية علينا وحطينا كامن حبة في علبة بلاستك
https://i982.photobucket.com/albums/...inabon2/31.jpg
واختي الله يهديها اونة تبى ترش صوص الهيرشي قلتلها انزين بس بطريقة حلوة وفنية قالت لي اوكي لا تحاتين من هذي الناحية
https://i982.photobucket.com/albums/...inabon2/32.jpg
وهذي النتيجة خربت لي السنابونhttps://4arab.xplainer.net/images/smilies/bb/28.png وين الفن ما أدريhttps://4arab.xplainer.net/images/smilies/bb/20.png
https://i982.photobucket.com/albums/...inabon2/33.jpg
*
https://i982.photobucket.com/albums/...corasint/1.jpg
https://i982.photobucket.com/albums/...corasint/3.jpg
مع محبتي
لطيفة مسعود
__________________________________________________ __________
>>>> الرد الثالث :
https://4arab.xplainer.net/images/smilies/bb/16.pngابداااااااع يسلمووووووووو
__________________________________________________ __________
>>>> الرد الرابع :
روووووعه
احس من صورتها ريحتها ضربت ف خشمي
تسلم ايدج يالغاليه ويعطيج العافيه
احس بطريقه شرحج انها وااااااااايد اسهل من قبل
ربي يشرح صدرج
__________________________________________________ __________
>>>> الرد الخامس :
ما شاء الله
روعـــــــــــــــــــة
تسلمين الغالية
