السلام عليكم خوات الخيررر
اخر الليل من الملل بالغربه اقول اسوي اكلات وانزله على المنتدى احسن هههههه
اليوم سويت اختراع بالبسبوسه والحمدالله طلعت جنان وما بتدمون عليها
بدال البسبوسه اللي دوم نسويها بدون تغيير نكهه
اليوم سويت البسبوسه بالبرتقال وخلطت معاها نشا وقشطه وماي ورد
https://img822.imageshack.us/img822/2499/fgi7.jpg
المقادير الاولى للبسبوسه
كوب سميد
نص كوب حليب فرش
نص كوب سكر
نص كوب زيت
نص كوب عصير برتقال فرش
قشور برتقال
4 بيضات
ملعقه طعام بيكباودررر
6 ملاعق جوز الهند
&&&& تخلط جميع المقادير جيدا
المقاير الثانيه
نص علبه قشطه
ملعقتين ونص صغار نشا
كوب حليب فرش
ملعقه كبيره ماي ورد
&&& تخلط جميع المقادير جيدا
https://img96.imageshack.us/img96/3761/wpm3.jpg
https://img716.imageshack.us/img716/7420/bl9l.jpg
بعد ما خلطنا كل مجموعه بروحها. نروح للخطوات
خطوات عمل البسبوسه
£££ نجهز قالب الكيك انا مسويه قالب صغير واذا حابه تسوين قالب كبير زيدي كميه المقادير الضعف
ندهن القالب بالزيت ونرش عليه طحين
نصب مجموعه المقادير الاولى
ثم نصب مجموعه القشطه المقادير الثانيه
عاد هني انيب شكوكه وبحركه دايريه نخلط الخليط
وندخلها الفرن درجه 150 في الوسط من تستوي نشغل عليها فوق علشان تحمر
https://img571.imageshack.us/img571/4540/fo86.jpg
وبعد ما نطلعها من الفرن نسقيها بالشيره البارده
الشكل النهايي روعه واتعم جنان
https://img844.imageshack.us/img844/9911/kfui.jpg
طريقه الشيرررره
كوبين ماي
ارب اكواب سكر
قطرات ليمون
هيل
ويفور
بعد ما يستوي نحط الزعفران
ما نغلي الزعفران وياهم
وهني وعافيه وشو رايكم
لو سمحتوا في حال النقل يرجى ذكر المصدر
لانه تخيلو اصور في فوني وارتبهن وعقب ارسل من فوني على الايميل وارجع افج الايميل على الايباد وانزل لكم الصور والطريقه وتعب عليه
علشان بس تستفيدون فصعب اكتب نك نيمي او اسم المنتدى وبروحي عاد في غربه وبرا البلاد
