السلام عليكم ورحمة الله وبركاتة
مبروك عليكم الشهر والله يتقبل صيامكم وقيامكم وصالح أعمالكم
تولهت عليكم وايد بصراحة
https://4arab.xplainer.net/images/smilies/bb/35.png ويارب تكونون بخير
موضوعي اليوم من حيث الفكرة مافي أي شي جديد كلنا نعرف نسوي لقيمات . لكن على الرغم من بساطة الوصفة وسهولتها لكن لازالت توصلني وايد أسئلة واستفسارات عن اللقيمات . ومن خلال بحثي في النت لقيت اني للأسف مافي موضوع يشرح عجينة اللقيمات بالتفاصيل الدقيق جدا جدا بحيث اني الكل يقدر يظبطها . هي فعلا عبارة عن ماي وطحين ومكونات بسيطة واعجني لكن يا جماعة القوام الصحيح كيف نعرفه ؟ القلي؟ ليش تظهر عندنا اللقيمات لينة بعد ما نطلعها من الزيت؟ فحبيت أشرح من خلال هذا الموضوع طريقة الحلو رقم واحد في رمضان وهو اللقيمات علشان كل ما تسوينها او تعلمينها تذكريني بدعوة حلوه . وبما اني موضوعي عبارة عن شرح فراح يكون اسمه :-
درس اللقيمات
بداية هذا شكل اللقيمات النهائي
https://i982.photobucket.com/albums/...psedd3f33e.jpg
المقادير :-
لكل كوب طحين رقم واحد أو أفضل استخدم نص المقدار الكويتي الفاخر ونص الكوب الثاني طحين رقم 1 والنتيجة تظهر اروع وأحلى
1 ملعقة صغيرة حليب بودرة
1 معلقة صغيرة خميرة فورية
1 معلقة صغيرة سكر
ربع ملعقة صغيرة ملح
زعفران للنكهة وكركم للون
حبة سوداء للنكهة
وماء للعجن
هذا شكل المكونات الجافة كلها . وتقدرين تضاعفين الكمية لو حبيتي . علماً اني هذي الكمية تكفي حوالي شخصين
https://i982.photobucket.com/albums/...ps561038aa.jpg
سر قرمشة اللقيمات
اللقيمات المثالية بالنسبة لنا كلنا الي تكون مقرمشة من برى ومن داخل طرية ولينة . وايد ناس يضيفون الكستر او النشا لكن للأسف النشا يخليها ناشفة من برى ومن داخل بعد . لكن من خلال خبرتي ضفت في المقادير مثل ما شفتو الحليب البودرة وهو الي بيخليها من داخل لينة وطرية والسر الي بيخليها من برع مقرمشة حتى بعد القلي وحتى بعد ماتبرد هو الزيت . لا تستغربين الزيت وكمية بسيطة جدا وهي ملعقة طعام مثل الصور ماهي موضحة على نفس المقادير الي ذكرتها سابقاً.
https://i982.photobucket.com/albums/...ps9cb2554e.jpg
إعداد عجينة اللقيمات
مثل ما لاحظتوا ما ذكرت مقدار الماء كام بالظبط لاني هذا الشي صعب تحديدة لاني كل طحين يختلف عن الثاني في كمية الماء الي راح يحتاجها لكن فضلت اني اشرح خطوات عجنها بالتفصيل بحيث يكون درسنا اللقيماتي مفيد والاخوات يظهرون بمعلومات إضافية . بإسم الله نبدا نضيف الماي بالتدريج. عزيزاتي في اي نوع عجين لازم الماء يكون بالتدريج يعني لا تعتقدين اني اللقيمات عبارة عن عجينة لينة وطرية عسب جي بضيف كمية ماي كبيرة واخلط وخلاص لا اذا بديت الوصفة صح مرورا بالخطوات الصحيحة لتطبيقها اكيد النتيجة بتظهر حلوة .
https://i982.photobucket.com/albums/...psd69e068d.jpg
ضفت كمية من الماء لحد ما صارت العجينة طرية لكن ثقيلة وتميت اعجنها بطرف ايدي بحيث تبدأ تندمج
https://i982.photobucket.com/albums/...pse65a2eb1.jpg
وبعدين اضفت كمية ثانية من الماء وعجنيتها لحد ما بدأت تصير رخوة أكثر مثل ما هو واضح في الصوره
https://i982.photobucket.com/albums/...ps1fe7bd84.jpg
وأضفت كمية اضافية من الماي مع العجن المستمر . لاحظي الفرق بين هذي الصورة والصورة الي قبل لون العجينة صار افتح بشكل ملحوظ وصارت رخوة أكثر . لكن لازالت ثقيلة شوية ومحتاجة ماء اضافي
https://i982.photobucket.com/albums/...ps188f1c7f.jpg
اهني وصلت للقوام المطلوب . علماً اني للمقدار هذا استخدمت اقل من 3/4 الكوب ماء . ومميزات العجينة المثالية للقيمات مثل ما هو واضح في الصورة :-
1- لونها أفتح لاني بديت بعجينة ثقيلة وأضفت الماء بالتدريب
2-قوامها لزج لكن في نفس الوقت ينساب من الايد ببطء
3-العجينة لما ننزلها من ايدينا ما تندمج مع الخيط بسرعة لا تضل على السطح فترة.
https://i982.photobucket.com/albums/...ps2d84b682.jpg
نسيت أقولكم اني ضفت رشة بسيطة من الكركم لاني احب يكون لونها من الداخل اصفر
https://i982.photobucket.com/albums/...ps3bec4254.jpg
يتبع أحبتي
