عنوان الموضوع : French Toast - Roll ups ما أطيبها المطبخ الاماراتي
مقدم من طرف منتديات الضمير العربي
السلام عليكم .. والرحمه
اشحالكم خواتي؟
عساكم بخير
هالوصفه ماخذتنها من شيف - باليوتيوب جربتها الاسبوع اللي طاف وسويتها اليوم مره ثانيه
صدق خفيفه ولذيذه / وتنفع حق الريوق
هذا اللنك من اليوتيوب
https://www.youtube.com/watch?v=jxyv2tW2QZ8
وبكتب لكم طريقتي باختلافات بسيطه & الصور الخاصه من إنتاج اليوم / في الأخير https://4arab.xplainer.net/images/smilies/bb/7.png
تقريباً مدة التحضير 40 - 45 دقيقة
اول شي نحتاج توست فريش يكون من النوع الطري
ولونه فاتح (في انواع وايد) منه مكتوب عليه بالحليب / عشان يسهل فرده ولا يتفتت ويانا
نقطع الحواف / ونحتفظ فيها وممكن نستفيد منها باشيا ثانيه لكن ما نعق النعمه https://4arab.xplainer.net/images/smilies/bb/23.png
عن نفسي اغمسها بـ خلطة (زيت زيتون + ثوم + ريحان + فلفل أسود + جبن) ودخلها الفرن لين تتحمص https://4arab.xplainer.net/images/smilies/bb/16.png
نرجع لموضوعنا عقب ما قطعنا الحواف..
نفرد شريحة التوست بالنشابه وعلى سطح نظيف واملس
الجبن ممكن فيلاديلفيا أو كيري
وانا افضل كيري طعمها اطيب نحتاج تقريبا 6 لـ 8 حبات
ودخلتهم المايكرويف مدة 60 ثانيه مقسمه 3 مرات كل مره 20 ثانيه اطلع واحرك وارد ادخلهم
عقب احط عليهم مقدار 1 أو 2 ملعقة صغيره سكر بودره حسب الرغبة
ونخلطهم عدل
نقطع الفواكه اللي نفضلها حجم صغير / استخدمت بوكس فراوله + 1 كيوي
ونرش عليهم مقدار 1 - 2 ملعقة طعام سكر حبيبات / ونحركهم
الحين نبتدي مرحلة الحشو
ونييب التوست وندهن خلطة الجبن من الطرف اللي تحت ومسحه خفيفه من الطرف اللي فوق
عسب يوم نلفه تمسك ويانا وما تفتح الحبة او تتفت
نضيف خلطة الفواكه بمقدار بسيط ونلف التوست ونحطه على الطرف الاخير تحت / لين ما نلف كل الكمية
نجهز خليط التغميس اللي طعمه عجيب https://4arab.xplainer.net/images/smilies/bb/31.png
2 بيضا حجم وسط
1 ملعقة طعام حليب سائل
1 ملعقة صغيرة قرفه / ممكن أقل حسب الرغبة
2 ملعقة كبيرة سكر بني
1 ملعقة صغيرة فانيلا سائلة
ونخلطهم عدل
نجهز المقلاة والزبدة عالنار - ونبتدي نغمس حبة التوست بخليط البيض والقرفة
ونصفهم عدال بعض وكل شوي نلف من صوب واحد - ونتاكد انه كل حبة تعرضت للحرارة من كل صوب خطوة مهمة
لو ما فهمتو هالخطوة - شوفوا الفيديو كل شي واضح ^^
ومن نخلص
نحطهم بصحن تقديم - ونرش عليهم سكر بودرة
وعواااافي https://4arab.xplainer.net/images/smilies/bb/11.png
هـ الصور فرش من اليوم .. عمايل ايديّه https://4arab.xplainer.net/images/smilies/bb/5.png
https://www.m5zn.com/newuploads/2015...f6c6000848.jpg
https://www.m5zn.com/newuploads/2015...025df0c0f6.jpg
https://www.m5zn.com/newuploads/2015...3fd93c2f1a.jpg
في الصورة / عصير ليمون بالنعناع - ينعنش https://4arab.xplainer.net/images/smilies/bb/7.png
https://www.m5zn.com/newuploads/2015...0921735475.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تسلم الايادي
شكله لذيد ويشهي تسلمين عالوصفه جاهزة للتجربة
__________________________________________________ __________
>>>> الرد الثاني :
تسلم أناملك كل شي طيب نشتهي ناكل ونخرب الريجيم ههههههههه
__________________________________________________ __________
>>>> الرد الثالث :
ماشاءالله تسلم ايدج اختي
__________________________________________________ __________
>>>> الرد الرابع :
yummy
__________________________________________________ __________
>>>> الرد الخامس :
ما شاء الله عليج https://4arab.xplainer.net/images/smilies/smile.png يشهي
تسلم الايادي فديتج ..
