السلام عليكم حبيباتي
اليوم جربت كيكه من ايدي وتاليفي وضبطت معاي ومقاديرها ضبط
والاغراض المستخدمه موجوده بكل بيت
اللي بجربها ما بيندم
تنفع حق وقت العزايم والشاي والريوق وغيره
الحين بكتب لكم المقادير والخطوات السهله وعقب الصور توضحلكم
المقادير
* نص كوب طحين
* نص كوب جوز الهند
* ثلاث بيضات
* ثلث كوب زيت
* ثلاث ارباع كوب سكر
* علبه قشطه
* ملعقه كبيره بيكباااااودر
* ملعقه صغيره فانيلا
* سميييييييد
&&&& للتزين حليب محلى مكثف مركز &&&&&&
الخطوات
** في وعاء نخلط اول شي ( البيض والفانيلا )
** ثم نظيف ( السكر ) ونخلط عدل
** عقب نظيف ( الزيت ، القشطه ) مع الخلط المستمر
** قبل الاخير نظيف ( البيكنبااااااودر ) مع الخلط المستمر
** اخيرا نظيف ( الطحين ، وجوز الهند ) مع الخلط
بعد ما ضفنا المكونات كلها
** ندهن صينيه الفرن بالزيت شوي ونرش عليها طحين
*** ونصب الخليط في الصينيه
( الحين بعد ما وزعنا الخليط بالصينيه نررررش السميد فوق الخليط بشكل متساااااوي )
ندخل الخليط في الفرن انا دوم اخلي على درجه 150 واحب استخدم المروحه في الفرن من تنضج اشغل عليها فوق علشان تحمر
الصوووور التوضيحيه
https://img545.imageshack.us/img545/946/vrnv.jpg
https://img706.imageshack.us/img706/3425/ldz0.jpg
https://img42.imageshack.us/img42/2034/gua0.jpg
وهذي الصووووور النهااايه بعد التقطيع وتحلي بالحليب المكثف للرغبه
https://img834.imageshack.us/img834/7740/jtcb.jpg
هني وعافيه مقدما.
لو سمحتوا في حال النقل يرجى ذكر المصدر
لانه تخيلو اصور في فوني وارتبهن وعقب ارسل من فوني على الايميل وارجع افج الايميل على الايباد وانزل لكم الصور والطريقه وتعب عليه
علشان بس تستفيدون فصعب اكتب نك نيمي او اسم المنتدى وبروحي عاد في غربه وبرا البلاد
لاهنتن خواتي وجربوها وايد بتعيبكم
تحياتي للجميع
