(((شو صاير وين قشطتنا؟؟؟؟))) من مطبخي
عنوان الموضوع : (((شو صاير وين قشطتنا؟؟؟؟))) من مطبخي
مقدم من طرف منتديات الضمير العربي
السلام عليكم
خواتي لي فترة وأنا ما خليت مكان أدور قشطة نستلة العادية والي بدون نكهة
مو ملاقيتنها ؟؟؟
ما خليت مكان وفي كل مكان تلاقون بوك الدنمركية رازة ويها !!!
والله ما أشتري بوك لو شوه ان شاء الله ما كلينا قشطة
بس التجار قاعدين يفرضونها علينها ولا بعد بعرووووووووض
مرات الاقي ماركات ثانية مثل لونا والمراعي (المراعي ما عيبتني بالمرة ناشفة وصفراء)
رمضان قرب ولو ما لقيت بضطر أشتري القشطة الفرش ولو كانت غالية شو نسوي
أنا في ابوظبي
ياليت الخوات الي يحصلونها أو الي حاسين بالمشكلة هاي يخبرونا
ودمتم بود
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
امس شايفتنها في جمعية ابوظبي فرع البطين...سيري يمكن تلحقين عليها
__________________________________________________ __________
>>>> الرد الثاني :
معاج حق .. وانا نفسج ما لقيت في الجمعيه القشطه الساده وبوك لو ما ألأقى ما آخذها.. وانا لقيت قشطة أولكر الزرقا حلوه ولونها ابيض ومتماسكه .. جربيها...
__________________________________________________ __________
>>>> الرد الثالث :
في قشطة كى دي كى صنع الكويت لونها ابيض حلوووووو جربيها
__________________________________________________ __________
>>>> الرد الرابع :
حبيبتي اذا تقدرين تمرين العين بتلاقين بالكراتين عندنا اخذيلج كرتون لانه اكثر الشغل في رمضان بالقشطه
انا بصراحه مااستعمل غير القشطه الطازجه في كل اكلاتي الي تطلب مني اسوي قشطه
وان شاء الله يفيدونج البنات الي من بوظبي
__________________________________________________ __________
>>>> الرد الخامس :
ما قصرتن خواتي والنعم فيكن نشميات
باجر صارووووووووخ على جمعية البطين ولو ما حصلتها بييب لي كرتون من العين دار الزين
بس اولكر وكي دي كي اول مرة اسمع عنها وان شاء الله بجربهم
بس خواتي شو صاير ؟ ليش بعض الأغراض الي دوم نستعملها من صغرنا ما صرنا نلاقيها دوم؟؟؟
حتي العيش مرة نلاقيه ومراااات لا
كنت متعودة استعمل الوليمة صراحة خيال شكل ولون وطعم وطول وفجأة اختفى من السوق
وحولت لجولدن جيت وبعد اختفى والحين بعدني محتارة وماني عارفه شو آخذ
المهممممممم يسلموووووووووووووو
