صينية الدجاج بالباذنجان من مطبخ الامارات
عنوان الموضوع : صينية الدجاج بالباذنجان من مطبخ الامارات
مقدم من طرف منتديات الضمير العربي
السلام عليكم ورحمة الله وبركاته
اليوم حبيت أقدم لكم هذا الطبق.. جربته الحين عشان أطبقه في رمضان وطلع حلو.. الطريقة خذتها من برنامج منال العالم..
المكونات:
باذنجان مقطع حلقات
دجاج مسلوق ومنتف
بصل
ثوم
زنجبيل
فلفل حلو (أحمر وأخضر) مقطع مربعات
بيضتين
كوب كريمة
ثلاث ملاعق جبن كرافت
جبنة موزيريلا
بقدونس
ملح
فلفل أسود
بزار
الطرريقة:
* نحمس البصل مع الثوم المدقوق والزنجبيل المدقوق
* يضاف الفلفل الحلو للحمسه ويقلب ومن ثم يضاف إليه الدجاج
* نملح الحمسه حسب الرغبة ويضاف الفلفل الأسود والبزار
* يقلب قليلا ومن ثم نرفعه عن النار
* نقلي الباذنجان
* نحضر الصلصلة،، نضع في الخلاط (بيضتين+ كوب كريمة+ فلفل أسود+ ثلاث ملاعق جبن كرافت) نخلطه قليلا حتى تمزج المكونات
* توزع حلقات الباذنجان المقلية في أرضية البايركس ومن ثم توضع فوقه طبقة حمسة الدجاج ويضاف عليه جبنة الموزيريلا وفوقها البقدونس وبعدها نعيد مره أخرى طبقة الباذنجان ومن ثم طبقة الموزيريلا وآخر طبقة تصب الصلصة على البايركس وبعدين نغطيه بالألمينيوم
* نحط البايريكس في الفرن مدة عشر دقايق وتكون النار من تحت وبعدين نسكرها ونفتح اللي فوق ونرفع الألمينيوم عن البايركس ونخلي الطبقة اللي فوق تحمر مثل الباشاميل وبعدين بيكون الطبق جاهز للأكل
* المقادير حسب الرغبة مافيه مقادير دقيقة.
وتاكلونه بصحة وعافية
والله يتقبل صومنا أجمعين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
جزاك الله ألف خير
شكلها حلوة بجربها قريب قبل رمضان
__________________________________________________ __________
>>>> الرد الثاني :
__________________________________________________ __________
>>>> الرد الثالث :
يسلموو الغلاا ع الطريقه ،،
وربي يعطييج ألف عافيه ....
__________________________________________________ __________
>>>> الرد الرابع :
مساء الخير
اختى شو تقصدين بكوب اكريمة
الكريمة هي نفسها اللي نصنع منها الكيك والسموحة
__________________________________________________ __________
>>>> الرد الخامس :
وااااااااااااااااااااو
شكلها روعة
بس شو تقصدين بالكريمة؟؟؟؟
والسموحة
