ساعدوني يا بنات دخيلكم تغذية صحية

عنوان الموضوع : ساعدوني يا بنات دخيلكم تغذية صحية
مقدم من طرف منتديات الضمير العربي

https://4arab.xplainer.net/images/smilies/rad.gif يابنات اريد أسوي أولد بعمليه....في مستشفى الكورنيش بيوافقون......ارجوكم بنات لا تقولون لي ربي طبيعي لأني ما اقدر ,,,,اخاف وايد وانا من النوع اللي اذا تم يخاف ويحاتي يرتفع عندي الضغط......دخيلكم ساعدوني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يهديج اختي والله مافيه احسن من الطبيعي
انا اعرف وحده ربت 5 طبيعي و1 قيصري وتعبت وايد من القيصري قعدت ثلاث شهور تعاني
ترى القيصري متعب بشهادة كل اللي جربوه هو سهل وقت الولاده لاكن بعدين متعب وايد

__________________________________________________ __________

>>>> الرد الثاني :

السلام عليكم اختي عادي ممكن يسوون عمليه

بس لازم يوم اتسيرين عند الدكتوره تشرحين الوضع

وعلى حسب الحاله وهي بتكتب في الملف اذا تحتاجين عمليه قيصريه
والله يوفقج يارب

__________________________________________________ __________

>>>> الرد الثالث :

انتي سويتي شرات سالفتي
خفت من الولاده الطبيعيه وعبالي القيصريه اهون
وولدت من اسبوعين بقيصريه بس اول ما راح البنج وانا اصرخ من الألم
ويتم وياج ألم فضيع مدة اسبوع وعقب يبدا يخف لكن اتم الكرشه ماتقدرين اتسوين لها شي
الصراحه ما انصح اي وحده بالولاده القيصريه

الغاليه انتي صلي استخاره واللي فيه الخير الله بيجدمه لج
ربي يسهل عليج ان شاءالله ..

__________________________________________________ __________

>>>> الرد الرابع :

طبيعي احسن واخذي ابرة الظهر عند دكتورة زينة وليش اتخافين قوي قلبج ونامي ولاتفكرين متى ما صار الطلق فكري

__________________________________________________ __________

>>>> الرد الخامس :

حبيبتي مافيه مثل الطبيعي الله بيسهل عليج والله ان القيصريه بلا عافانا الله ماترومين حتى الياهل اللي يايبتنه تشلينه من الآلم والطبيعي الم مثل الدوره لمده بسيطه وبعدين بترتاحين وبتقومين وبتتسبحين في القيصريه والله الحمام مابترومين توصلين له انا جربت الثنتين والله انه الطبيعي راحه مابعدها راحه الله يرزقج بخفيف العباله ان شالله ولا تحاتين خذي بنصيحتي ولا تفكرين من الحين وبالألم بتحصلين الأجر ان شالله ولا انصحج بالأبره فالضهر اتحملي وااايد لها سلبيات فالمستقبل وهذا رايى وتقبلي مروري