اللي ععندها خبرة فالحمل تنصحني للصحة
عنوان الموضوع : اللي ععندها خبرة فالحمل تنصحني للصحة
مقدم من طرف منتديات الضمير العربي
يا خواتي العزيزات بغيت نصيحتكن
اختكن في الشهر الاول بعدها وتعاني من كثرة الرقااااااد والكسل واحس هالشي ع قد ماهو مريحني ع قد ماهو مضايجني ... انا من النوع اللي يقوم الصبح مب يتم راقد لين 12 او 1 وانا ع فكرة ما اشتغل ربة منزل...وكل هذا كوم وقلة الاكل كووم الحمدلله ما ازاوع واكلي خفيف بس جسمي قاعد يتغير وانا احساسي بالخمل مضايجني حتى ماحبيت اقوم اطلع وانا من قبل اتخبل ع الطلعااات
انصحوني اذا في ادوية معينه اقدر اخذها تعيد لي النشاط والحيوية اللي في جسمي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ها شي طبيعي
و ويا الوقت بيقل
مايصير تاخذين ادوية منشطة,, يمكن يضر البيبي
فليش اتجازفين دام كل شي طبيعي
انا بعد من النوع إلي يحب الطلعات وايد
ويوم كنت حامل عادي طلعت بس مب وايد
وعالشهر الرابع عادي رديت لطلعاتي
فلا إتفكرين وايد بها الشي
إطلعي اتغدي ولا اتعشي ويا ريلج عشان اتغيرين جو
^_^
__________________________________________________ __________
>>>> الرد الثاني :
طبيعي ياحبيبتي لان جسمج يمر بمجموعة من التغيرات والكسل والخمول في فترة الحمل امر وارد جدا
بالعكس استمتعي بفترة الاسترخاء واشغلي نفسج بالقراءة او عمل اي شي بسيط ولا تتعبين نفسج زياده عن اللزوم انتي بعدج في الشهور والاولى .. وان شاء الله فالشهور اليايه بيخف شوي هالكسل
__________________________________________________ __________
>>>> الرد الثالث :
عادي اللي يصير لآنج في اول شهور الحمل
وانتي محتاجة وقت للرقاد عقب ما بترقدين
بتودعين الرقاد خخخخ
فارقدي لين تشبعين الحين
الله يكمل لج ويسهل عليج حبيبتي
__________________________________________________ __________
>>>> الرد الرابع :
عليج بشرب الزنجبيل لانه يخفف حده الوحام ومعروف
__________________________________________________ __________
>>>> الرد الخامس :
الله يعينج ويعيني انا مستويه اخس عنج راسي ثجييييل وجبدي ثجيله واسميني ارجع ومااطلع من الحجره وانا قبل كل يوم اظهر ويا ريلي حتى لو نص الليل نطلع نتمشي والحين يوم اركب السياره اظهر الكيس وارجع مااتحمل حتى اذا مشيت شويييييه بس ارجع والله حالتي حاله وانا الحين في الثاني وكله طايحه على الفراش والله يعيني لين متى بيتم فيني وااايد طفرانه وكله رقاد وترجيع نفسيتي ارف والله حاااااااااسه فيج بس شو انقول الله يصبرنا انشالله ويخوز عنا في اقرب وقت انشالله اليوم قبل باجر والله يرزقنا طفل معافى كامل الخلق والخلقه يااااارب
